عطوني الحل يالربع [الأرشيف]

جرب حظك

29/09/2007, 04:24 AM

عندي طير قرناس 4 قبل الربطه كان الطير يجي البط والرومي والأرنب وعند نقلي للطير في الوقت الحالي شنذرة الطير وقط معاي الشبيكه ونزلت الطير إلي صنعت الهدد وقمت أدعي صارلي 20يوم ووريته البطه والرومي ولا جاها وطوفته الطير وهم ماجاها السبب يالأخوان ماني عارف ليش وشنو العمل

مدرب الطير

29/09/2007, 05:27 AM

والله ونخوك شي عجيب لكن حاول مره ثانيه جوع الطير صح

وتقبل مروري

قطر22

29/09/2007, 05:32 AM

هالشي عادي لا تعطيه شي يوم وشوف يطلب ولالا واذا مافع جرب اليوم الثاني وانشاء الله بتمشي الحركه معاك

وننتظر ردك

القرناس المهاجر

29/09/2007, 09:19 AM

كبر السن له دور .. ابدأ معه من جديد .. جوعه يومين واذبح البط او الأرنب وخله ياكل منها أول يوم وثاني يوم وثالث يوم بيهد عليها وإنشاء الله يسترجع معك على طول وترجع له البرمجه القديمه :D :D

اخوك 00 القرناس المهاجر

شهاب بن عساف

29/09/2007, 10:25 AM

ياخوي الطير توه مابعد استهد الجو حار الايام هذي وبعدين لا تقارن بين وزنت طيرك العام الماضي في عز البرد مع جو الصفري واذا بغيت تحسن من نفسيته على الهدد الايام هذي نزل من وزنه من 50الى100جرام من نفس وزنت الهدد اللي انت خابر طيرك يهد عليها العام الماضي واذا زانت نفسية طيرك ابد ارفع وزنه بالتدريج الى ان يصل نفس وزنته اللي انت خابرها 00

سنجااار

29/09/2007, 10:45 AM

ياخوي طبيعي حنا العام والله ثلاث طيور نوريهن الحبارى مافيهن الي اطلبها ألا واحد نشها وجنب ويوم برد الوقت كلهن ذبحن ولله الحمد

شبراق

29/09/2007, 11:08 AM

طبيعي ياخوي الطير ماستهد الجو حار والاخوان ماقصرو

جرب حظك

29/09/2007, 01:02 PM

الله يعطيكم العافية يالأخوان وماقصرتوا كلن بأسمة وراح أجرب نصايحكم

المري

29/09/2007, 04:11 PM

سرهيد1

29/09/2007, 04:25 PM

مرحبا اخوي جرب حظك واسف على التأخير..

بعض الطيور صايد الحبارى ويوم ترويه الحبارى اول الوقت مايهد..!!!!

لان بعض الطيور لازم يهيج مثل هياج الفحل.. يعنى وسع البال على طيرك ترى مابعد هاج!!!!

وسلامتك

اخوك - المري

اقول الله يستر عليك يابو معيض والله اني ضحكت من وصفك (هياج الفحل) الين سالت ادموعي

الوكاد ان الجميع ما قصروا بشرح الحالة وهي غير مستغربة

خصوصاً ابو معيض وصفه وتشبيهه واضح لا يحتاج زيادة

والسلام عليكم

قلب ذيب

29/09/2007, 04:47 PM

اذا انت متأكد انه حذف الشبكه ولايوجد معه شي من البقايا في الفرسه!!
نسر الطير على ظهر البطه , وهدها له وسوف يلحقها ويصيدها , لاتهزل الطير , يمكنك تطويفه ليله او ليليتن
بشرط ان يكون عديد ( طيور الوحش ماتنسى ,كما هو في بعض طيور الجير )

((الخالدي))

29/09/2007, 04:48 PM

الاخوان مايقصرون