صدق أو لا تصدق تشب النار هذي الايام في الرياض

[أبوفهد2]

صبحكم الله بكل خير أخواني أعضاء منتديات مكشات بصراحه اخوي طلع للبر هذا الخميس 15/9/1428 كشته في مكان يبعد عن الرياض تقريباً50 كيلو شمال المهم يقول من بعد الساعه 12 بليل يقول شبينا النار قلت له ليه قال بصراحه حسين بالبروده وبعد نجلس قريبين من النار والي معنا ماتحمل ظهره برررد ولم يتحمل البروده لدرجه يقول ليتني جايب فروه ادفي ظهري قلت معقوله هذي الايام قال اذ ما تصدق أطلع وشوف بنفسك وتحداك تجلس بملابسك الصيفيه وماتحس با البروده وراح تبحث عن شبة النار.
عموما الي مؤ مصدق يطلع ويشوف

[بواردي الدلم]

صبحك الله بالرضاء والعافيه
اليوم درجه الحراره في الدلم 18 درجه مئويه

طبعا الساعه 4 الفجر ولا من بعد 12 ليلا وهي مابين ال29 الى ال27

ولو اني متضايق من الوضع لاني احب الصيف اكثر من الشتاء لاكن اللهم لا اعتراض والشكوى لله

[نقا هشال]

الا مصدقك

وبالفعل درجة الحراره الساعة الواحده من صباح االجمعه كانت درجة الحراره 22 هذا الكلام في الدهنا 200 كيلو شمال الرياض وشابين الضوية ولافيه احسن منها

[نوض البرق]

ماشاء الله

[الروقي 848]

الا نصدق خلاص ماعاد الا خير ... جاتك شبة النار والوناسة

[طحنون]

انا طالع على طريق الجافوره الساعه 12 وجلسنا نطارد وراء الجرابيع بالليل مع السلقان لين جاء موعد السحور
وكان الجو فعلا بارد وكان على مقياس الحراره 18 الى 20 وكانت الحراره غير ثابته

[أبوفهد2]

شاكر مروركم وتعليقاتكم وحضوركم المشاركه محل تقديري

بواردي الدلم

نقا هشال

نوض البرق

الروقي 848

طحنون

[ابوفهد2001]

انا طلعت يوم الخميس للجنادريه "درجة الحراره الساعه 2 كانت 21"وشابين ضو وجتن زكمه وشوي ويجين لوز بعد

[طيرالفلاة]

اللي يطلع هالأيام ومابعدها وناوي يمرح وهو مامعه ملابس شتاء يضر نفسه 00وبراد الصفري غير صحي

[أبوفهد2]

شاكر مروركم جميعاً وجزاكم الله خير على حضوركم المشاركه

[برق الصمان]

خلاص الواحد لازم يولم الفروه والقبوع حق لاذعات هالايام وماينزلها من السياره