استفسارعن هجرة الحباري والكراوين

[قرناس وحش]

السلام عليكم
يااخواني الافاضل
واخص اخواني اهل الشرقيه(الدمام,الجبيل,الحسا,الخفجي)
باستفسار بسيط عن موعد هجرة الحباري والكراوين الى الشرقيه هو فعلاً كما سمعنا انه مبكر
شوي,بعد سهيل بحوالي 20 يوم.
يعني في نص الشهر التاسع الميلادي.
ارجو من اخواني ان لاتبخلوا علي بالفائده
الله لايحرمكم من رحمته

[المري]

هلا اخوي قرناس وحش وحياك الله


كلامك صحيح ياقرناس اول العبور يجينا في نص تسعه يعنى تجينا ثنتين او ثلاث


ومن عقبه ترج العالم يدورون ولكن مافيه جدوى ....... العام الربع حصلوها

في 18 من شهر تسعه واذكر لك من كذا سنة لقينها في بداية تسعه ...


اما الكروان اذا دخل شهر تسعه يجي واذا جاء اخر تسعه ينتشر الكروان...


تسلم يالقرناس الوحش.................


اخوك / المري

[عناز]

اخوي قرناس وحش ولايهون مشرفنا المري في شهر عشره ميلادي تجي الحباري ايضاَ واكثر من شهر تسعه ولا هناك مقارنه لكنك تعاف المقناص من الحر يعني احياناَ تشغل المكيف الساعه 8 الصبح وافضل وقت شهر 11 ميلادي، على فكره اذا جيت قانص الصبح يبغالك تمشي 60 كلم من كثر القنوص...ارجو اني افدتك ... اخوك عنـــــــــــــاز

[اعقاب]

اذا هب عليك الغربي

ثم بعده شفت قلايد الوسم

اقنص وقتها وبشر بالخير