راعي مرات
17/08/2003, 07:40 PM
قصيدة مشهورة والكثير يبحث عنها للشاعر المرحوم ( فهيد بن سكران)
الأخوة الأعزاء00لمن طلب هذه القصيدة000بحثت عنها في أكثر من مصدر ومن أفواه البعض00ووجدت إختلافات بسيطة00أضع أمامكم ما حصلت عليه000( من لديه أي ضافات أو تعديل يتكرم بإعلامنا ودمت)
فهيد بن سكران ( رحمه الله) 00شاعر غنيٍ عن التعريف أشتهر بقوة شعره ووضوح معانيه يعد من فحول الشعر في زمانه00لم يخدمه الإعلام كثيراً000له أشعار كثيرة وجزله00الكثير منها لم يدون00لقلة من يجيد الكتابة في منطقته
يا ونتي لوهي بحيدٍ تكسر=علامها الله عا لمٍٍ الخفيات
ونيتها ونة كسيرٍ يجبر=تكسرت منه العظام الصليبات
أو ونة اللي طايحين مجدر= وجيههم مثل الكبود المشواة
أو ونة اللي له حلالٍ ونشر= أباعرٍ فيهن عشاير وخلفات
صاح الصياح ولاعته عقب ما أسفر= بقعاً تلوعه كل يومٍ بغارات
لاعوه أهل هجنٍ سمانٍ مصطر=وبأيمانهم دهم الفرنج المسمات
ركايبٍ وقم(1) الثمانين أو أكثر= قطاعةٍ يالله عليك المكافاة
ضرب له برمحٍ على حد الأبهر=وإلى حذاها كالنجوم المسمات
وإليا طريحه باللقا وجه أقشر= دومي وقاضا راعي الدم بهوات
خلاه دمه بين الأضلاع ينشر= مطروح لاينقال حي ولامات
أو ونة اللي دايمٍ يزرع البر= يسنى على تسعين ملحاً مطيعات
عمالها وإن نامت العين يسهر= سوانيٍ وإن راحو الناس في أبيات
محالها كنه سباعٍ تظور= غب الشديد وشافت البدو حولات
يوم أستتم الزرع واكتم وجا أصفر= وقرب الفرج راحت ليالٍ شطيطات
هبت جنوبٍ ثم قام يتعمر= مزنٍ كما جدران حضر مبناة
وصاح الملك فيها وقامت تزفر=والبرق تقل بمقدم المزن سلات
ودلت على زرع الأجاويد تنشر= إلين راح الزرع مافيه أصارات
دليل فيهن أقشر اللون (2) حنتر= هذيك يطلاها والأخرى مداوات
دلو يعزونه وقام يتعبر= مهبول يا باكي على فايتٍ فات
أو وجد راعي محملٍ يوم بندر= عقب المهالك هللوا بالسلامات
هبت له الغربي وقام يتدبر= ودلا البحر يضرب عليهم بموجات
وتكسر السكان وإشراعه إنقر(3)= وراحو شتاتٍ في بحور الظلمات
راحوا عليهم صافي الجم الأخضر= في غبةٍ من راح في وسطها مات
عليك ياللي للعشاشيق يسحر= وعيون سحار الهوى فيه أمارات
ماراتهن(4) لا لجلجن ثم خندر=وأطرق عيونه والهدب جن عجلات
إليا مشى وأقفى يجر المشجر= يمشي برفقٍ كن رجليه ونيات
ماهمه إلا ينقض الرأس الأشقر= على الردايف غاديٍ سبع صفات
وباح العزا يا شوق وأنا أتصبر= مقساك ما ترحم عيونٍ شقيات
ولو البكاء يدنيك كان أتعبر= مار(5) أنت ماتدري جروحي خفيات
يا شوق ريض يا بعد كل من مر= آخذ معك في تالي العمر سجات
قال : العذر لك والله اليوم ما أقدر= أصبر يصير ببعض الأيام فرغات
أصبر قمين (6) يفارق الوجه الأقشر= وأطلب عسى دونه من البعد مظمات
عذرك قبلته و الوعد لاتعذر= صيور ما تصفي والأيام عدلات
إن سلم رأسي بالنهد لا أتفكر= قدام يطوى باللحد سبع لبنات
قالت: فداً لك من سواك أتخير؟= مار أنت ما تشفق ليال الملاقات
بكيت بكوة جاهلٍ يوم ينزر= أمه غدت00 عنده وجيه كريهات
عليك ياللي لو يجي الصايم أفطر= أشفي عليه أشفاية الذيب للشاة
يابو نهود بالحشا ما تكسر= مثل الزبيدي توهن مستقلات
والريق كن مذوبٍ فيه سكر= لا سال من بين الثمان الرهيفات
وردفه كما ( شط الردوم) المزبر= لاربعت بين النويبع وأبانات (7)
وصلاة ربي عد ماهل وأمطر= على نبي فضله بالصلوات
1)- وقم= تقريب
2)- يقصد أن دليل الجرب قد ظهر فيهن
3)- إنقر= تمزق
4) ما راتهن = علاماتهن
5)- مار = تعني لكن
6) قمين تعني لعل
7)- أبانات= جبلان أبان ألسود وأبان الأحمر يقعان غرب مدينة الرس بالقصيم
ــــــــــــــــــــــــــ
الأخوان من لديه تعديل أو إضافة لبعض أبيات القصيدة أرجو التكرم وتزويدنا بها لقلة المصادر التي وجدت 00
الأخوة الأعزاء00لمن طلب هذه القصيدة000بحثت عنها في أكثر من مصدر ومن أفواه البعض00ووجدت إختلافات بسيطة00أضع أمامكم ما حصلت عليه000( من لديه أي ضافات أو تعديل يتكرم بإعلامنا ودمت)
فهيد بن سكران ( رحمه الله) 00شاعر غنيٍ عن التعريف أشتهر بقوة شعره ووضوح معانيه يعد من فحول الشعر في زمانه00لم يخدمه الإعلام كثيراً000له أشعار كثيرة وجزله00الكثير منها لم يدون00لقلة من يجيد الكتابة في منطقته
يا ونتي لوهي بحيدٍ تكسر=علامها الله عا لمٍٍ الخفيات
ونيتها ونة كسيرٍ يجبر=تكسرت منه العظام الصليبات
أو ونة اللي طايحين مجدر= وجيههم مثل الكبود المشواة
أو ونة اللي له حلالٍ ونشر= أباعرٍ فيهن عشاير وخلفات
صاح الصياح ولاعته عقب ما أسفر= بقعاً تلوعه كل يومٍ بغارات
لاعوه أهل هجنٍ سمانٍ مصطر=وبأيمانهم دهم الفرنج المسمات
ركايبٍ وقم(1) الثمانين أو أكثر= قطاعةٍ يالله عليك المكافاة
ضرب له برمحٍ على حد الأبهر=وإلى حذاها كالنجوم المسمات
وإليا طريحه باللقا وجه أقشر= دومي وقاضا راعي الدم بهوات
خلاه دمه بين الأضلاع ينشر= مطروح لاينقال حي ولامات
أو ونة اللي دايمٍ يزرع البر= يسنى على تسعين ملحاً مطيعات
عمالها وإن نامت العين يسهر= سوانيٍ وإن راحو الناس في أبيات
محالها كنه سباعٍ تظور= غب الشديد وشافت البدو حولات
يوم أستتم الزرع واكتم وجا أصفر= وقرب الفرج راحت ليالٍ شطيطات
هبت جنوبٍ ثم قام يتعمر= مزنٍ كما جدران حضر مبناة
وصاح الملك فيها وقامت تزفر=والبرق تقل بمقدم المزن سلات
ودلت على زرع الأجاويد تنشر= إلين راح الزرع مافيه أصارات
دليل فيهن أقشر اللون (2) حنتر= هذيك يطلاها والأخرى مداوات
دلو يعزونه وقام يتعبر= مهبول يا باكي على فايتٍ فات
أو وجد راعي محملٍ يوم بندر= عقب المهالك هللوا بالسلامات
هبت له الغربي وقام يتدبر= ودلا البحر يضرب عليهم بموجات
وتكسر السكان وإشراعه إنقر(3)= وراحو شتاتٍ في بحور الظلمات
راحوا عليهم صافي الجم الأخضر= في غبةٍ من راح في وسطها مات
عليك ياللي للعشاشيق يسحر= وعيون سحار الهوى فيه أمارات
ماراتهن(4) لا لجلجن ثم خندر=وأطرق عيونه والهدب جن عجلات
إليا مشى وأقفى يجر المشجر= يمشي برفقٍ كن رجليه ونيات
ماهمه إلا ينقض الرأس الأشقر= على الردايف غاديٍ سبع صفات
وباح العزا يا شوق وأنا أتصبر= مقساك ما ترحم عيونٍ شقيات
ولو البكاء يدنيك كان أتعبر= مار(5) أنت ماتدري جروحي خفيات
يا شوق ريض يا بعد كل من مر= آخذ معك في تالي العمر سجات
قال : العذر لك والله اليوم ما أقدر= أصبر يصير ببعض الأيام فرغات
أصبر قمين (6) يفارق الوجه الأقشر= وأطلب عسى دونه من البعد مظمات
عذرك قبلته و الوعد لاتعذر= صيور ما تصفي والأيام عدلات
إن سلم رأسي بالنهد لا أتفكر= قدام يطوى باللحد سبع لبنات
قالت: فداً لك من سواك أتخير؟= مار أنت ما تشفق ليال الملاقات
بكيت بكوة جاهلٍ يوم ينزر= أمه غدت00 عنده وجيه كريهات
عليك ياللي لو يجي الصايم أفطر= أشفي عليه أشفاية الذيب للشاة
يابو نهود بالحشا ما تكسر= مثل الزبيدي توهن مستقلات
والريق كن مذوبٍ فيه سكر= لا سال من بين الثمان الرهيفات
وردفه كما ( شط الردوم) المزبر= لاربعت بين النويبع وأبانات (7)
وصلاة ربي عد ماهل وأمطر= على نبي فضله بالصلوات
1)- وقم= تقريب
2)- يقصد أن دليل الجرب قد ظهر فيهن
3)- إنقر= تمزق
4) ما راتهن = علاماتهن
5)- مار = تعني لكن
6) قمين تعني لعل
7)- أبانات= جبلان أبان ألسود وأبان الأحمر يقعان غرب مدينة الرس بالقصيم
ــــــــــــــــــــــــــ
الأخوان من لديه تعديل أو إضافة لبعض أبيات القصيدة أرجو التكرم وتزويدنا بها لقلة المصادر التي وجدت 00