المساعد الشخصي الرقمي

مشاهدة النسخة كاملة : تجهيزات جمس حوض غماره


طارق الحربي
01/10/2007, 04:17 AM
السلام عليكم

اخواني الكرام

انا ابي تجهيزات جمس حوض غماره وش تقترحون ؟

خصوصا الجراب اللي ورا المراتب وين اسويه ؟

تحياتي
عرق رملان
03/10/2007, 11:01 AM
يا إخوان افزعو مع الرجال

خصوصا الجراب اللي ورا المراتب وين يسويه ؟
طارق الحربي
03/10/2007, 12:44 PM
ياجعلك تسلم اخوي اول مشاركة

تحياتي
د م ق
05/10/2007, 12:11 AM
السلام عليكم

والله ياخوي مالي خبر ه في الجمس لكن اشوف نك تركب الدعامة اللي يجي فيها فاس مسحاة معلاق ....الخ

وتانكي الموية
واتمنى اني افدتك
طارق الحربي
05/10/2007, 02:25 AM
شكرا لك عزيزي

تحياتي
متيح
05/10/2007, 03:35 AM
... طارق ...
هلابك الف
بالنسبة لجمسك اذا تبي نصيحة ركب هدرز و فلتر و ابشر بالطررررررررررب

و بعدين الهدرز مو لازم ازعاج .. تقدر تركب دبات و ماتسمع له صوت .. المقصد هو راحة المكينة و الممشى الطيب
طارق الحربي
05/10/2007, 03:44 AM
شكرا لك متيح
من ناحية الترهيم احس الموتر ماعليه عزمه حليو

شكرا لك
النمر الأحمر
29/10/2007, 03:02 PM
السلام عليكم
اول شي تحتاج تروح لمحلات الخيام بالغرابي وتفصل الجراب الي ورى المرتبه ثم تروح للسليماني وتطق لك فايبر للحوض وشنطه نيكل ودعاسات مواصير نيكل :good: ثم تشوفلك احد عنده دعاميه وذفه وناعمه وحط عليها كشافات إضافيه للقياده الليليه بالبر.وإذا تبي زود خبرنا في الرد:)
طارق الحربي
29/10/2007, 07:28 PM
اخوي النمر الاحمر

شكرا لك والله يعطيك العافيه

انا ركبت الفيبر بس الجراب ماتدري وين يفصل بالضبط ؟

والشنطه النيكل عند السليماني غاليه ب 1600 ريال وكبيره جداا انا ودي بوحده اصغر شوي

واذا عندك زود اقتراحات الله لا يهينك علمني

شاكر لك
ابـ معزي ـو
30/10/2007, 12:56 AM
ماقصرو الشباب
.
..
....


انا بعطيك اشياء اللي يصير موترك فيها ( دق سلف واضرب جلد )
اول شي : ركب دعامه اماميه .. فيها ( فاس - شاكوش - مسحاة - كريك ) .
ثاني شي : ونش ألكتروني مجهز بالريموت ( هذا يستخدم طال عمرك وقت الغراز .. وهو غني عن التعريف ) .
ثالث شي : مساعدات قويه .. بالظبط انا ما ادري الجمس وش تصلح له مساعدات .. :rolleyes: لكن اتوقع الاستراليه تركب عليه سلام سلام .
رابع شي : توانك ثنين للمويه .. تكون بصندوق الجمس بالطول فوق كل كفره وتكون موصل لها ليات خارجيه ( على طلبك تبي يكون ليات ..او.. بزابيز يخرم لها من تحت السياره ).
خامس شي : تانكي بنزين ويكون مدهون بمادة عازله للحراره ويكون مدبول التانكي .. عشان مايتسرب البنزين مع الوقت وهذا التانكي الاغلبيه يضمونه مع الشنطه اللي تجي خلف القزازه الخلفيه بالصندوق .. ( يكون نص شنطه ونص بنزين ) .
سادس شي : شد وطربال وحنايا.. وافضل شي ركبها عند السنيدي ببريده
سابع شي : استبنه اضافيه تركبها زي الشاص بالصندوق ..ويكون لها ملاحم ( رابط ) تربط الاستبنه فيه عشان ماتنصرق .
ثامن شي : توصيل لمبه على الحنايا الخلفيه عشان تسهل الرؤيا اذا جيت تفتش بين الاغراض بالليل .. وهذ تكون منوره على صندوق الموتر .
تاسع شي : الاهم ( ماطور هواء - رقعة تيوبلس - عفريته جبليه - إسعافات اوليه - لمبه خارجيه )
عاشر شي : وهو الاهم الاهم (( بطاريه اضافيه ))


وهذا رابط تستطيع منه معرفة كيفيت تركيب بطاريه اضافيه


http://www.mekshat.com/vb/showthread.php?s=&threadid=3472


وهذا اللي قدرت افيدك اياه وبأختصار .. واذا بغيت شي والا شي انا بالخدمه
تقبل مروري وتحياتي


ابـ معزي ـو


:)
al mohajr
15/11/2007, 04:22 PM
منكم نستفيد
طارق الحربي
16/11/2007, 06:39 PM
ابو معزي


ياجعلك تسلم وجزاك الله الف خير

مشكور على المساعده
الحر الحمر
03/08/2009, 11:04 AM
والله ماقصر اخونا ابو معزي لاهنت يا ابو معزي
sss123
03/08/2009, 01:04 PM
الله يعطيك العافيه كفيت ووفيت
.أبوعبدالرحمن
03/08/2009, 02:23 PM
الشباب ما قصروا واخص بالذكر اخوي أبو معزي
Abu-Hamad
04/08/2009, 01:41 AM
يعطيك العافيه على المعلومات وبيض الله وجهك