ما اقدر امسح على راس الطير

[فزاع56]

السلام عليكم ورحمت الله وبركاته
يا صقاقير طيري مطلعه من المربط قبل ايام اطير راكد على الوكر وعلى يدي بس كل ما جيت ابي امسح عليه ما يخلين قطع اصابعي الله يهديه الي عنده حل لا يبخل على الله يرحم ولديكم جميع وسلامتكم

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير يا خوي العزيز
عندي طريقه يمكن تنجح كان طيرك مثل الطيور اللي مرت علي
عشاء الطير خله قطع صغيره (نصف فذه )
ولقم الطير ثلاث ايمام وعشه كل عشاه بهالطريقه
عقب سو لي رد على الخاص كان ما نجحت الطريقه
وإن نجحت سو فيها موضوع واشكر الفيتو هههههههه
بس هاه حط صوره ويدك على وجه الطير والطير يغضي
عشان يصدق اللي ما يصدق
والسلام
الفيتو
الحجاز
20/9/1428هـ

[فزاع56]

الفيتو بيض لببه وجهك ابسوي طريقتك ولله يهديه انشاء الله وابشر ان انجحت الطريقه ابسوي الى تبي

[أخو وضحة]

يا أخوي فزاع 56 أنا مثلك طيري من طلعته من الربطة وهو ما يخليني أمسح على رأسه ولا على صدره ولا ظهره ولا يبيني أرفع يدي عليه ماغير يصيح ويظرب بس ما يكفخ المهم كلام أخوي الفيتو صح هذي الحركة استخدمتها مع طير كان يكوش على العلف ونفعت معه بس لمدة أسبوعين وسويتها مع الحر والحين أنا ماشي على ذالحال لي تقريبا أسبوع والله العظيم اني أسلم على بوز الطير ما يقول لي شي بس انه يصيح صياح خفيف جدا مثل الي يشكي من شي
الطريقة هي اني أشرح الثنادي وأقطعها صغار صغار وحطها في فنجال قهوه وعلف الطير منها ولا ترمي صدر الحمامة خل الطير بعد ما تعلفه الثنادي يعلف منها على ايدك والأرجل مثل صدر الحمامة على ايدك في هذي الحاله تمسح بيدك على خفيف بحيث ما تربش الطير وتجفله منك وانشاء الله بتنجح معك وتدعيلي أنا والفيتو
ملاحظة :-
بالنسبة للماء لا تحط له ماء قدامه احسب له الوقت خلال كل ثلاث ساعات حط ماء في فنجال القهوه واسق الطير وامسح عليه وناده بإسمه وبعد العلف برقع الطير وامسح عليه وهو مبرقع وناده بإسمه ولا تفرع عنه الا اذا جيت تعشي الطير وعسى ربي يوفق وتنجح معك الطريقة وأعطنا الأخبار أول بأول
وشكرا

[العزيزي]

انا بعطيك عدت خطوات بعد الربطه
1- اول شئ لاتنقل الطير بعد الربطه الا وهو جوعان .
2- لاتصير سريع الحركه معه او من حوله.
3- لاتمسح على ظهره وهو مبرقع.
4- لاتمسح على وجهه اول اسبوع من النقله.
5- الاتخلي احد يجي وراه وهو مفرع عنه.
6- اذا بداء يتفلاء على يدك ويتنفض عطه الماء في فنجال ولا تغصبه وتلح عليه.
7- اذا بديت تنقيز الطير عندك بالغرفه يعني وهو على وكره مو بسبب وبراء بالبر لاتمسح على وجهه بس نضف بوزه بس بوزه وخلك سريع الحركه ولاتكثر عليه تنظيف البوز.
8- اذا نويت مسح الوجه وصدر الطير مد يدك وانت مجمعها على انك بتلكم الطير بس بحركه بطيئه مره مره وتناديه بسمه ولا تمد يدك وهو غافل.
9- بيحاول يكفخ مره او مرتين وبعده بيحاول يعظك عادي لاتحرك يدك مهما جاك منه بعده بيقنع.
10- اذا جيت تمسح على وجه الطير امسح بسرعه وخل يدك حنينه عليه مو تغفطه بيدك ولا تجلس تقمص منه او تخاف وفي البدايات امسح بس صدره وبسرعه ولا تكررها كثير.
11- تعبت من الكتابه واسف على الاطاله اتمنى الفائده.

8-

[سنجااار]

افادو الاخوان كفو ووفوا

[فنجون]

اخي العزيز اترك الطير لا تمسح عليه لين يرب وتدعيه وبعد ما يرب امسح عليه

[قرناس حائل]

الله يعطيكم العافيه

عندي وعندك خير اخوي فزاع وكنت

كاتب موضوع بنفس المشكله

والشباب دلوني على الموضوع ماقصرو


عندي وعندك خير

وان شاء الله شر ويزول والله يعيننا

وبيض الله وجيه الاخوان ماقصرو

[فزاع56]

1- اخوي اخو وضحا كلامك في محله وانشاء الله اطبقه واخبرك والله يرحم شيبانك بس ابسالك الفنجال اضمه داخل يدي وانا اعلفه اقصد وانا حاط العلف فيه حتى يضطر الطير يدخل منقاره داخل الفنجال داخل يدي
2- اخوي العزيزي تنبيهاتك مفيده وابشر بطبقها بلحرف الواحد ولله يهديه
3-اخوي فنجون انا من حبي لطير ودي امسح عليه وكلامك في محله
4- اخوي سنجار يكفينى مرورك لا هنت
5- اخوي قرناس حائل انا قريت مشكلتك مع طيرك ولله يسمح دربك ودرب الاخوان
6- الاخوان الى ردو على جميع الله يبارك فيكم وفعلن نعم الاخوه الناصحين الله لا يحرمن منكم ومن نصايحكم المفيده فعلن ونشاء الله اخبركم بخبار الطير قريبن

[الفارس3]

اخوي فزاع انا كان عندي نفس مشكلتك .قمت اكثر من نقل الطير وخليه يسمع اصوات الموجودين واذا ماكان في احد اخلي صوت التلفزيون عالي وكل ما خذت كم دقيقه ناديته بسمه ومسحة مسحه خفيفه على صدره طبعا يعض على صبعي بس تحملت عضاته لمدة شهر تقريبا والحين امسح على صدره وعلى ظهره وراسه مندون اي مشاكل

[فزاع56]

الفارس اشكر مرورك اولا واخذت كلامك وكلام الاخوان الله يجزاهم خير والحين وضعه احسن