معرب الخال
18/08/2003, 02:03 PM
بسم الله الرحمن الرحيم
جبل ( كميت ) بضم الكاف وفتح الميم وإسكان الياء ، مأخوذ من الكمته ، وهو اللون البني بين الأحمر والأسود.
يقع هذا الجبل في مدينة( مرات) ويشرف عليها من الجهة الشمالية ، وهو جبل منتصب يرى من بعد ، وقد قيل في المثل : ( ( اضمن لي مرات اضمن لك كميت )) والمراد هنا إذا كان هذا الجبل الذي تراه هو جبل ((كميت )) فأنا اضمن لك ((مرات )) تحته ، مبالغة في القرب والملازمة .
وهو مشهور عند أهل البلد وغيرهم واسمه مقترن (( بمرات )) فحينما يذكر ((كميت )) ترتسم صورة مرات أمام السامع وقد جاء ذكر (( كميت)) في أشعار أهلها وغيرهم ونقتطف بعضا من هذه الأشعار.
الشاعر زيد بن محمد بن زيد :
مليت يابو حمد مليت = مغير صبخا وضلعان
ياليت منهو يشوف( كميت) = شوفه ولا شوف هكران
الشاعر سعد بن حجي :
ياما حلا بعريض دفلاجهن = و(كميت ) يزمي شايفينه بالانظار
وعقب العصر ركابكم بركني = في دار منهو يكرم الضيف والجار
الشاعر عبد الحمن بن رشيد :
انا هوايه مشرب بارد ماه = من هجلة عنها ( كميت ) شمالي
ياحلو مشربها ويا برد مرواه = وعنها ابعدتني مغبرات الليالي
الشاعر عواد الشمري :
عساه يسقى لي من الشمس ( لكميت ) = من شان ذا الديره تسيل الوشومي
حيث انها ديرة رجال عناتيت = لا جيتهم كن الشهر فرد يومي
الشاعر ضويحي بن حمود الضويحي:
لا بتن من بعضها تغلب الخصم العنيد = اسمها في ذكرها بين عنوانها
ديره بن القيس والبير بير الوليد = من جنوب ( كميت ) خبرا لها شعبانها
الشاعر ناصر الدعجاني :
لا ضاق صدري رقيت ( كميت ) = وهيضت من الصدر عبراتي
ياليتني بغربتي ماجيت = وحفظت مالي بغيباتي
الشاعر عبد الله الزيد :
( ياكميت ) ياليتني براسك تعليت = اشرف على الديره واطالع بناها
ديره ( مرات ) الي بحبه تربيت = ياطيب منزلها ويا حلو ماها
الشاعر عبد العزيز بن زيد الزيد :
عسى الحيا يسقي منا هلك يا ( كميت ) = سبع اجدبت يمطر علينا رشاشي
ويقي الجلة مع باقيات المراريت = تلعى لها عقب الدهور ابتهاشي
الشاعر حمد بن عبد الرحمن الدعيج :
تذكرت اليالي الماضية في ديرتي و ( كميت ) = وعصرت القلب وابكيته وناح القلب وابكاني
ولا باقي من الذكرى سوى سوق الغضي والبيت = اليا مريت مع سوقه يجض القلب حزناني
الشاعر عبد الله بن محمد الضويحي :
الله لحد ياما على ( كميت ) عديت = اشرف ( مرات ) ونخلها مع رباها
وياما بكل اسواقها قد تمشيت = بالديره الي في فوادي غلاها
وقال الشيخ بن بليهد :
إلى تعدن بكم ريع المعيزلية = يبدي لكم من وطنهم نايف الجال
و (كميت ) الي جيت تمشي في مسيله = ترتاح نفسك وعنده مشرب غال
الشاعر عبد الله بن عبد العزيز الضويحي:
الى عزمتم على المطراش = مروا على ( كميت ) بالجية
أهل الوفا باسطين فراش = لضيوفهم كل عصرية
وقال شاعر ( لم يعرف اسمه )
وصفوا له مير مادل الوصايف = يحسبن ( كميت ) خشم المكمكية
جبل ( كميت ) بضم الكاف وفتح الميم وإسكان الياء ، مأخوذ من الكمته ، وهو اللون البني بين الأحمر والأسود.
يقع هذا الجبل في مدينة( مرات) ويشرف عليها من الجهة الشمالية ، وهو جبل منتصب يرى من بعد ، وقد قيل في المثل : ( ( اضمن لي مرات اضمن لك كميت )) والمراد هنا إذا كان هذا الجبل الذي تراه هو جبل ((كميت )) فأنا اضمن لك ((مرات )) تحته ، مبالغة في القرب والملازمة .
وهو مشهور عند أهل البلد وغيرهم واسمه مقترن (( بمرات )) فحينما يذكر ((كميت )) ترتسم صورة مرات أمام السامع وقد جاء ذكر (( كميت)) في أشعار أهلها وغيرهم ونقتطف بعضا من هذه الأشعار.
الشاعر زيد بن محمد بن زيد :
مليت يابو حمد مليت = مغير صبخا وضلعان
ياليت منهو يشوف( كميت) = شوفه ولا شوف هكران
الشاعر سعد بن حجي :
ياما حلا بعريض دفلاجهن = و(كميت ) يزمي شايفينه بالانظار
وعقب العصر ركابكم بركني = في دار منهو يكرم الضيف والجار
الشاعر عبد الحمن بن رشيد :
انا هوايه مشرب بارد ماه = من هجلة عنها ( كميت ) شمالي
ياحلو مشربها ويا برد مرواه = وعنها ابعدتني مغبرات الليالي
الشاعر عواد الشمري :
عساه يسقى لي من الشمس ( لكميت ) = من شان ذا الديره تسيل الوشومي
حيث انها ديرة رجال عناتيت = لا جيتهم كن الشهر فرد يومي
الشاعر ضويحي بن حمود الضويحي:
لا بتن من بعضها تغلب الخصم العنيد = اسمها في ذكرها بين عنوانها
ديره بن القيس والبير بير الوليد = من جنوب ( كميت ) خبرا لها شعبانها
الشاعر ناصر الدعجاني :
لا ضاق صدري رقيت ( كميت ) = وهيضت من الصدر عبراتي
ياليتني بغربتي ماجيت = وحفظت مالي بغيباتي
الشاعر عبد الله الزيد :
( ياكميت ) ياليتني براسك تعليت = اشرف على الديره واطالع بناها
ديره ( مرات ) الي بحبه تربيت = ياطيب منزلها ويا حلو ماها
الشاعر عبد العزيز بن زيد الزيد :
عسى الحيا يسقي منا هلك يا ( كميت ) = سبع اجدبت يمطر علينا رشاشي
ويقي الجلة مع باقيات المراريت = تلعى لها عقب الدهور ابتهاشي
الشاعر حمد بن عبد الرحمن الدعيج :
تذكرت اليالي الماضية في ديرتي و ( كميت ) = وعصرت القلب وابكيته وناح القلب وابكاني
ولا باقي من الذكرى سوى سوق الغضي والبيت = اليا مريت مع سوقه يجض القلب حزناني
الشاعر عبد الله بن محمد الضويحي :
الله لحد ياما على ( كميت ) عديت = اشرف ( مرات ) ونخلها مع رباها
وياما بكل اسواقها قد تمشيت = بالديره الي في فوادي غلاها
وقال الشيخ بن بليهد :
إلى تعدن بكم ريع المعيزلية = يبدي لكم من وطنهم نايف الجال
و (كميت ) الي جيت تمشي في مسيله = ترتاح نفسك وعنده مشرب غال
الشاعر عبد الله بن عبد العزيز الضويحي:
الى عزمتم على المطراش = مروا على ( كميت ) بالجية
أهل الوفا باسطين فراش = لضيوفهم كل عصرية
وقال شاعر ( لم يعرف اسمه )
وصفوا له مير مادل الوصايف = يحسبن ( كميت ) خشم المكمكية