أسير مرات
19/08/2003, 02:40 AM
هذه القصيدة القاها الشاعر فهد بن ابراهيم المفرج في تمير
محاورة بين رجم تمير وبرج الجوال
البرج :
يارجم ياللي غزاك الكبر والشيبي = انا اشهد انك كبرت وحالتك غبرا
عزيل حالك غريب وبين اجانيبي = واهلك تحت الثرى يا مخاوي القمرا
الرجم :
يكفي تراني تعبت وزاد تعذيبي = انشد نخيل الجماعة وأسأل المجرا
ياما وياما تحضنت اشهب الذيبي = يرتاح عقب التعب ومواصل المسرا
البرج :
انا حضاري ومشروط بتركيبي = والا انت خلك على مر الزمن ذكرا
انا بناني خبير له تجاريبي = والا انت بانيك لا يكتب ولا يقرا
الرجم :
انا بنوني عطيبين المضاريبي = مير اقصر الهرج يا ابو لمبة حمرا
بنوني ربع توفوا وافري جيبي = الله يجبر عزا يمنا بلا يسرا
البرج :
من اولك لأخرك كلك عذاريبي = يخاف من طالعك بالليلة الغدرا
ان خبت من خيبتي وان طبت من طيبي = وجروحك اللي مضت ما ظنتي تبرا
الرجم :
رجم التمارى وكل الناس تدري بي = لاشاب رأس الرضيع وصاحت العذرا
والا انت مشخول من بد المراقيبي = لا منك فيه ولا في جانبك مذرا
البرج :
أخطيت ما ابطيت في حق المعازيبي = أغواني إبليس راعي النية القشرا
أنا اعتذر منك وأرسل لك مناديبي = يا جعل بانيك قبره روضة خضرا
محاورة بين رجم تمير وبرج الجوال
البرج :
يارجم ياللي غزاك الكبر والشيبي = انا اشهد انك كبرت وحالتك غبرا
عزيل حالك غريب وبين اجانيبي = واهلك تحت الثرى يا مخاوي القمرا
الرجم :
يكفي تراني تعبت وزاد تعذيبي = انشد نخيل الجماعة وأسأل المجرا
ياما وياما تحضنت اشهب الذيبي = يرتاح عقب التعب ومواصل المسرا
البرج :
انا حضاري ومشروط بتركيبي = والا انت خلك على مر الزمن ذكرا
انا بناني خبير له تجاريبي = والا انت بانيك لا يكتب ولا يقرا
الرجم :
انا بنوني عطيبين المضاريبي = مير اقصر الهرج يا ابو لمبة حمرا
بنوني ربع توفوا وافري جيبي = الله يجبر عزا يمنا بلا يسرا
البرج :
من اولك لأخرك كلك عذاريبي = يخاف من طالعك بالليلة الغدرا
ان خبت من خيبتي وان طبت من طيبي = وجروحك اللي مضت ما ظنتي تبرا
الرجم :
رجم التمارى وكل الناس تدري بي = لاشاب رأس الرضيع وصاحت العذرا
والا انت مشخول من بد المراقيبي = لا منك فيه ولا في جانبك مذرا
البرج :
أخطيت ما ابطيت في حق المعازيبي = أغواني إبليس راعي النية القشرا
أنا اعتذر منك وأرسل لك مناديبي = يا جعل بانيك قبره روضة خضرا