.. سؤال لأهل الخبره ..

[همس المعاني]

السلام عليكم ..

كيف حالكم ..

حبيت استفسر عن النحر والزور

هل لهم علاقه بالسرعه .. او بطول النفس ؟؟

[القحطاني505]

همس المعاني لاهنت على الاسئله الطيبه وبيض الله وجهك يالغلاااا

النحر والزور كلاهم للمدى والنفس والصمله والسد وللسرعه ولكن الخفه في الممشى يعتمد على الساق بطول وانحنائه بدرجه ممتازه والسلق اللي يجيك زوره ضيق يكون نفسه قصير وسده ماهوب طيب وللذيخ مايهم زوره كثر مايهم طول ظهره ونحره وانحناء الفخذ وكبر الساق اما الذاريه فكل ماكبر الزور كانت اطيب واطيب وهاذي وجهت نظري وان شاء الله اكون فدتك بشيء

[قناص_قطر]

السلام عليكم ورحمة الله وبركاته

والله انا في انظري ان السلوقي السبوق سبوق والسلوقي الي فيه سد فيه سد من الله اخلقه

كبر الزور او صغره هذي كلها كماليات في نظري الشخصي

ومشكور على السؤال

[حرف العين]

السلام عليكم ورحمة الله وبركاتة

حسب نظرتي للسلق الزور والنحر مالهم اي تخصص في السبق والسد ولاكنها من جماليات السلق ان يكون زوره نازل او نحره كبير فقط وشفت ياما وياما سلق لها زور ومافيها مدى وشفت سلق لها نحر ومالها اي سبق او مدى وسلق تلاقيها مالها اي زور او نحر وتلاقيها تركض 40كم وخذ للامام سر .

[ozoz]

اؤيد كلامك حرف العين

[مطير قول وفعل]

والله انا من وجهت نظري اخالفك ياحرف العين لان لها علاقه بكبر الرئه وصغر الرئه فكل ماكانت الرئه اكبر كل ما زادت اللياقه وهذا من اهم الاشياء عند شيبانا الاولين وصحيح كلامك اللي قلته انك شفت سلق نحرها زين ...الخ
لكن قله والاغلبيه الطيبه تلقى نحرها نازل
لاتزعلون هذي وجهة نظري وشكرااا

[حرف العين]

اخالفك ياحرف العين لان لها علاقه بكبر الرئه وصغر الرئه فكل ماكانت الرئه اكبر كل ما زادت اللياقه

(اللياقة ياطويل العمر مالها اي علاقه في الموضوع واحنا كلامنا عند السبق والسد )

وشكرا

[<عاشق الصمان>]

ما قصرو الشباب .............

[بيرتا]

انا ضد الجميع لانه كل ما كبر الزور كل ما زاد السبق واالسد

صبعا للقاعده شواذ ( نوادر) يكون كبير زوره ومافيه سد

والمثال شف السلق الطيبه والمعروفه كبر زوره وليس كبر حجم السلقه

ولا وش فرق السلقه عن الجعري الا بالراس والزور

وانا اعرف واحد عنده لوقي ويطرد ماعندك ازين منه بس مافيه سبق

هذا وجهت نضري

[ابن برقاء.]

السلقه اذا كان زورها نازل وبطنها ضامر وخصر وسط هاذي السلقه صح هي الطيبه والي عليها الكلام ويجي سبقها ميه بالميه :good:

[راعي الهدبا99]

اخوي كبر الصدر والنحر ماله ايت علاقه لا بالسد ولا بالسبق سواء ذيخ ولا سلقه.....بس هاذي تعتبر من احد وصوف السلوقي اللي كامله مواصفاته

وذا كنت تبي تعرف ان السلوقي فيه سد ولا لا شوف اخر ظلعين في ظهره اذا كان بيناتهن اقل شي 3اصابع باليد اعرف ان السلوقي فيه سد سواء ذيخ ولا سلقه .....وغلب الناس مايعرفون الطريقه هاذي......

الكلام هاذا من واقع تجربه 30 سنه بالسلق .....الله يذكرك بالخير يبو ساطان......

[الأكيدر]

ماقصروا الاخوان

[سلطان العوني]

ما قصر اخوي القحطاني واخوي مطير
انا أأيدهم جميع

[همس المعاني]

يعطيكم الف العافيه ..

ماقصرو

جوابكم كافي وشافي ..