اريد استشارة الخبراء

[ozoz]

ابشركم بعد عناء طويل تم العثور اخيرا على شخص :d مفقود الهوية يبيع سلق لكن اعرف ان هذه ليس سلومنا ان نشتري او نبيع السلق ولكن لعدم معرفتي باشخاص يملكون بعض كلاب الصيد المهم في الموضوع انني وجدت (ذيخ عمره سنة ونص ساحلي صايد ارانب مدرب جاهز 100% دفرنسين) :d المهم الرجال طالب به 6500 ريال وش رايكم انا ما ادري اخاف انه لاعب علي و اخاف انه زين السعر وانا ما عندي مانع ادفع بس على سنع المهم ابي رايكم يا النشامى وهذه كل السالفة ...
وسلامتكم.

[بيرتا]

اخوي اوز اوز والله يا اسمك صعب

اننصحك ما تاخذ منه لانه غالي (يبي يلعب عليك ) بلا مواخذه

وبعدين وشلون تقول صايد ارانب ماهو مثل الطيور يعني اي سلوقي يصيد ارانب

ولاكن الفرق بالسرعه والسد فقط ومهما كان السلوقي ماراح ادفع فيه ست الاف وخمس

فا اتركه ودور غيره

هذا ماعندي وياليت لو حطيت له صور ومقاطع وهو يطرد

[ozoz]

انا اشكرك بعنف اخوي بيرتا ايه انا اعرف ان اي سلوقي يصيد ارانب بس انا نقلت كلامه حرفيا و ياليت لو تعرف احد تدلني اكون لك من الشاكرين

[حرف العين]

السلام عليكم ورحمة الله وبركاتة

اخوي
بلنسبه لاسعار السلق توصل لغاية 250 الف وزود ولاكن كل نوع وله سعره وله حقه واذا تبي انفيدك ياليت تصور السلوقي وتعرص صورته علشان انفيدك لانه ممكن يكون يسوى له اكثر من السعر المذكور ويمكن بريال مايسوى !!!

[ضلام]

انا اضم صوتي لصوت الاخوان
ولاكن إذا كان السلوقي يسوا فهذا شي ثاني
اما انه بس صياد ارنب فا انا اقول اغلب اسلق تصيد الارانب
وشكراً

[بن قضيب]

4د












اسمع اخوي فيه سلقان كثيره ايصيدن الارنب بس ما يسون شي في المهدات اذا انته دور سلق حق قنص الارنب
تراه ما يسوي هذا المبلغ بس اذا تريده حق هدد ظبي ومنافسات لاتاخذ السلق الي على هدد على ظبي ويكون معاه سلقان قويه عشان اتشوف مستواه يسوى ولي ما يسوى واذا تقدر نزل الهدد على المنتدي زالشباب بيعطونك رايهم الان فيه بعض الشباب خبره في المهدات لالن 6500مبلغ سلق سبوق مش قناص

[الابتر]

ozoz
يالطيب أنا ما أيدك أبد المسأله ما تحتاج لدرجة إنك تشري وهذا طبع ماهو زين طيب شريته بأي مبلغ كان وقنصت فيه مع قناصين شرواك وسؤلك عن الذيخ تتقول شاريه هذا عيب يالغالي .
والله لو المسأله بيدي ما أشري وكون هرجة الربع لو أقعد بدون سلق ليما ربك يفرجها
يالحبيب فكربها شوي وناظر نتايجها
وكلامي هذا والله إنه للمصلحه وأنا أخوك تكفى شل الفكره من راسك نصيحتي لك ...
والله يوفقك ...

[<عاشق الصمان>]

يالليت تنزل له صورة .............

[متباهي]

المتعارف عليه إن السلق تعطى وتطلب
أنصح بعدم الاستعجال اوز اوز أنت من وين ؟ رد لي على الخاص ؟

[القحطاني505]

والله مااقول الا الله يوفقك حط صورة السلوقي وابي افيدك ان كانه زيين او لا اما انك تشتريه فهذا شي راجع لك...

[حرف العين]

شوف يا او زد

بفهمك نقطه

مافي شخص بيهديك سلق توب او افضل ماعنده وخذها قاعده انت انسان ودك تقنص بشي يوم تشوفه يطرد شوفتك له تفرح قلبك وودك تنزل المهدات بشي يوم تكون بلصفة وماسك السلوقي من طوقة تلاقي العالم اللي بلصفة معك يتلفتون وهاذه مهوب جايك بل ساهل او بفزعة شخص !!!!

وانا لو تسالني عن السلق اللي تنزل المهدات عندكم وتستاهل الواحد يضمها ويربيها هي ضارية بيضه لاهل حائل واتوقع اسمها (هله) وانا مش متاكد من اسمها ولاكن عزالله انها اسلقه طيبة لابعد الحدود وشوف راعيها لو تقدر تبادله باغراض للمقناص مثلا قارمن وجهاز لاسلكي وغيرها من اشياء بقيمة 3000 ريال انت ربحان واسال عنها وشوف من راعيها واطرح عليه الفكرة وشوف رده .

[ozoz]

شاكر لكم جميعا على النصايح وبدور على صور وانزلها ان لقيت لها والاخوان الي طلبو مني اتواصل معهم على الخاص ما اقدر لان نظام المنتدى لا يسمح لك ارسال رسائل على الخاص الا بعد 100 مشاركة.