رش الماء على الطير

[ابو جلعود]

السلام عليكم ورحمه الله وبركاته

يالله حيهم وش لونكم يا هل مكشات

عندي سوال الله يجزاكم خير .

وهو متى ارش الطير بالمويه وهل له اوقات محدد ولا وش الطريقه وهل هي
ضروريه لطير وماهي فائدتها .؟؟

ياليت تفيدوني وتعم الفائده علينا .

وشكرا

[قلب شاهين]

هلا بك يالغالي ابو جلعود ،،

بالنسبه للشرب الطير للماء ضرورية ،،

بالمقيض تجيب صحن ماء وتحطه تحته علشان اذا يبي يشرب او يسبح ياخذ راحته والماء ضروري تغيره كل يوم او يومين ويكون من فخار او بلاستيك علشان يحفظ البروده ،،

وبالنسبه في اوقات الموسم وهد الطير الأفضل بعد العلف ترش الطير على بوزه ماء منها يشرب ومنها تنظفه من الدم والريش ،،

هذا ماعندي والله أعلم ،،

تحياتي / قلب شاهين ،،

[المزروعي]

أبوجلعود .
الضحى أفضل وقت تخلي الطير يسبح او يشرب ماء . لان الوقت بيكون بارد و الطير بياخذ راحته في تنظيف الريش. تدري أن حتى نفسية الطير تختلف !! الطير الكثير شرب الماء و و الاستحمام تحصل عينه تلمع و كانها زجاج . أنت شف بنفسك في طير تحصل عينه نصف مغمضه و كانه نعسان هذا جفاف بسبب قلة الماء في جسم الطير و بالتالي بيصير عنده تلف في الكبد و حتى طياره بيكون ضعيف . عود طيرك في ساعه معينه من كل يوم يكون له وقت للشرب و الاستحمام . والله اني شفت جرناس بكر في إيران أول ما حطو له صحن الماء نزل فيه مع انه فيه و حاشه و توه يجي على التلواح و هذا يبين لك حب الطير للماء . و أسف على الإطاله

[((الخالدي))]

الاخوان قلب شاهين والمزروعي ماقصروا

[خيال الصبحا]

وعليكم السلام ورحمة الله وبركاته
الاخ ابو جلعود
ان شاء الله افادوك الاخوان
وماقصروا ، وشكرًا

أبوجلعود .
الضحى أفضل وقت تخلي الطير يسبح او يشرب ماء . لان الوقت بيكون بارد و الطير بياخذ راحته في تنظيف الريش. تدري أن حتى نفسية الطير تختلف !! الطير الكثير شرب الماء و و الاستحمام تحصل عينه تلمع و كانها زجاج . أنت شف بنفسك في طير تحصل عينه نصف مغمضه و كانه نعسان هذا جفاف بسبب قلة الماء في جسم الطير و بالتالي بيصير عنده تلف في الكبد و حتى طياره بيكون ضعيف . عود طيرك في ساعه معينه من كل يوم يكون له وقت للشرب و الاستحمام . والله اني شفت جرناس بكر في إيران أول ما حطو له صحن الماء نزل فيه مع انه فيه و حاشه و توه يجي على التلواح و هذا يبين لك حب الطير للماء . و أسف على الإطاله

الاخ المزروعي
الله لايهينك ، وبيض
الله وجهك ، ولكن هل الحرار
تحب الماء مثل الشياهين؟؟وشكرًا

[المزروعي]

خيال الصبحا . وجهك أبيض . نعم أخوي حتى الحرار تحب الماء مثل الشواهين . و هذي نقطه يغفل عنها كثير من الصقاقير الناس تفكر بس الشواهن تحب الماء . يقولي الدكتور في مستشفى الصقور ان 90% من الصقور تصل المستشفى عندها جفاف حاد جدا و ان اصحابها يشكون من تدني طيارها و قل شهيتها للأكل . و طبعا السبب الجفاف !! كان عندي جير حر يجلس في صحن الماء يمكن نصف ساعه يوميا الضحى . من اجمل اللحظات عندي مشاهدت الطير و هو يسبح .

[ابن فرحان]

ومن فوائد الرش إذا كفخ الطير رشه بالماء ويركد

[ابوميلاف]

اخوي ابوجلعود
بالنسبه لرش الطير منه عدة فوائد
مثل ماتفضلوا الاخوان اللي سبقوني منها ينظف بوز الطير ويركد الطير الكفاخ
حبيت اضيف ان الرش على الطير بعد العشا يخلي الطيريصرف خاصه اذا صار الجو بارد
هذا حسب معلوماتي المتواضعه

لك تحياتي

[alsarm]

يعطيكم العافيه جميعا ماقصرتووا معلومات في محلها

[فزاع56]

الشباب ما قصروا الله يجزاهم خير

[خيال الصبحا]

خيال الصبحا . وجهك أبيض . نعم أخوي حتى الحرار تحب الماء مثل الشواهين . و هذي نقطه يغفل عنها كثير من الصقاقير الناس تفكر بس الشواهن تحب الماء . يقولي الدكتور في مستشفى الصقور ان 90% من الصقور تصل المستشفى عندها جفاف حاد جدا و ان اصحابها يشكون من تدني طيارها و قل شهيتها للأكل . و طبعا السبب الجفاف !! كان عندي جير حر يجلس في صحن الماء يمكن نصف ساعه يوميا الضحى . من اجمل اللحظات عندي مشاهدت الطير و هو يسبح .
الاخ المزروعي
بيض الله وجهك ، والله
لايهينك ، ودايم تفيدنا عسى
الله يطول عمرك على طاعته
ومشكور ماقصرت

[صايد البرقا]

لاهنت على المعلومات تحياتي للجميع