المساعد الشخصي الرقمي

مشاهدة النسخة كاملة : يا بيطري مكشات الحقنا


STOP
05/10/2007, 12:30 AM
السلام عليكم ورحمه الله وبركاته


السلقه اليوم ترجيع واسهال وانتم بكرامه وش ممكن تكون الاسباب
افيدونا بسرعه لاهنتو (وانا شاك انه بدت ترجع بعد ما عطيتها ابره الاجعال لاكن مانيب متأكد قبل ولا بعد)
طيب واذا كانت ماهي من الابره وش اللي حصل؟



شاااااااااااكر لكم
(القناص)
05/10/2007, 04:36 AM
شف انا اتوقع انك عطيتها الابره في عرق
عشان كذا اثر عليها وقامت ترجع
انا السالفه صارت لي بس انشاء الله تروح المشكله من عندك
عبودي 99
05/10/2007, 09:41 AM
انا صارت لي تدري شنو المشكله ؟

السلقه فيها تسمم من الابره انا صارت لي وقعدت 4 ايام ما وديتها البيطري وفي خامس يوم وديتها وعطاها ابرتين وقالي عطها كل يوم ابرتين مختلفتين المهم قمت اليوم الثاني الظهر عشان موعد الابره طلعت لها اللي وهي ميته على شان كذا انا اقولك حبيب قلبي روح للبيطري وفك عمرك والحق ترى انا جلست 5 ايام وماتت على طول يعني طيعني ورح البيطري بسرعه .....

ما تشووووف شرررررر
بن قضيب
05/10/2007, 01:36 PM
اخوي غالبن ابرت التيوعل تتعب السلقه يوم واحد وتم ازاوع وتشوفها كنها بتموت بس اليوم الثاني اتكون ابخير
وتوقع من الابره والسلقه بخير
ابن برقاء.
05/10/2007, 08:42 PM
هاذي من الابره يجي السلقه ترجيع ويجيها حراره تلهث حتى لو هي في شتاء وانصحك لاتعطيها الابره خلها من كيفها ماتسوي شي الابره وخطيره على السلقه ودها عند ذيخ بس يشمها وتشم مكانه وتجعل على طول او جبه عندها وتجعل لين السلقه الي ماعندها ذيخ تتاخر جعالها تاخذ سنه غير الي عندها
سلطان العوني
05/10/2007, 08:46 PM
انا اتوقع انك عطيتها ابرة اجعال وهي ما عمرها ولدت يعني توها على الولاده


حاول تجيب لك قشر رمان وحاول تفوحه على النار لين يتغير لونه الى الاسود انتظر الى ان يبرد وحاول تغصبها على الشرب منه عن طريق الابره داخل الفم

( قشر الرمان ينضف اللي داخل البطن ويرجعه بسرعه مع التنظيف )

وان شاء الله ما تشوف شر
STOP
06/10/2007, 03:37 AM
الله لايهينكم جميع
لاكن لو اخليها بدون اي دواء تطيب من لحالها؟
لان اليوم عطيتها حليب وبعد خمس دقايق قربت من بطنها
وسمعت صوت مصارينها ماوقف الصوت ابد كأنه تسمم او شي زي كذا!؟
القحطاني505
06/10/2007, 04:40 AM
اخوي ستوب انا مجرب هاذي الحاله واخذ الكلام الاكيد ابرة الجعال اللي تعطيها وكان برحمها وصخ يطغي على كبدها ويخليها ترجع وتصرف اسهال وياليت تعطيها حبوب الدود للكلاب كوضع احتياطي على اساس لو فيها شي يطلع لكن ابرة الجعال اذا عطيتها لو زياده ملي في الجرعه ترجع كل مافي بطنها وتسهل واتمنى اني افدتك واعتمد تراها صارت لي اكثر من مره معي ومع سلقان اخوياي ولاهنت يالغلااااا
STOP
07/10/2007, 03:42 AM
شااااااااااكر لك يالقحطاني
بس ماوضحت اخوي الابره راح مفعولها يعني مافيه اجعال اليومين الجايه؟
<عاشق الصمان>
07/10/2007, 04:33 AM
أخوي هذي أعراض الأبره تشوف السلقه ترجع وتلهث وحالتها حاله ........

يبغالها كم يوم وتتعدل ............