رديه ظريفه بين ضيدان وسعد العجمي (رحمه الله)

[الأجردي]

بسم الله الرحمن الرحيم
أطرح عليكم يأخوان هالرديه الظريفه بين الصديقين المتلازمين ضيدان العجمي وسعد العجمي قبل وفاته (الله يرحمه وجميع أموات المسلمين) وموضوعها عن القدوع ,
والقهوه التي تأخر فيها سعد ماقدمها لضيدان والرجال صاكه راسه. آملا تنال أستحسانكم.
يقول ضيدان:
جاك المسير مالقي منك ترحيب ***********لاجبت قهوه ولا من قدوعي
ياليتني دورت غيرك معازيب ************جيتك جويع ورحت من بجوعي
الظاهر أنك ماتعرف المواجيب ************لا شك طبعك يختلف عن طبوعي
حنا لا جا نا الضيف ننفض له الجيب*********ونجيب له من كل شكل ونوعي
عاداتنا والرزق من عالم الغيب ************هذا وانا ابخل واحد من ربوعي

وبعد ماجاب سعد القدوع رد عليه يقول:
أقدع عسي يقدع علي راسك الذيب*********في خايع مابه من الناس دوعي
متعطل في البر قبلي تناقيب ************من ليلة الجمعه ليوم الربوعي
ومروك ناس غايب عنهم الطيب ********* وخلوك وحدك في مكان يروعي
ثم جاك ذيب ماسنونه بتركيب ********* ذيب ولد ذيب وشرس قطوعي
سوى بك سواة علي غير ترتيب*********يجزع لها قلب الشجاع البتوعي
مرحوم ياعود كسا راسه الشيب ******** هنديته تذرف عليه الدموعي

وسلامتكم,,,,,,,
الأجردي

[أبو فيصل]

يازين سوالفهم و قصايدهم والله يرحم سعد و أموات المسلمين عز أن ضيدان فقد خويه