المساعد الشخصي الرقمي

مشاهدة النسخة كاملة : شريت قدر السيف كاتم بس .... ؟


ابونايف الروقي
06/10/2007, 05:26 PM
السلام عليكم
اخواني انا شريت قدر السيف الصيني 15 لتر قيمته 120 ريال ... وقريت الاوراق الي داخل مكتوب فيها حط مويه في القدر وخلها تغلي عشان تروح ريحته والمشكله حطيت فيه مويه وخليته لين غلت المويه ويوم خلصت قلب لونه من داخل فيه مشكله والا هو كذا افيدوني جزاكم الله خير ..
خالد940
06/10/2007, 05:35 PM
يالذيب هو يقلب لونة كذا طبيعي اذا غليت فية ماء عادي والله يطعمك من خيرة ويكفيك شرة .
ساقان
06/10/2007, 06:34 PM
طبيعي ..........
أبرق الشقيقة
06/10/2007, 06:39 PM
دونتواري بالانجليزي يعني لاتقلق

حط راسك بالقلص حط راسك بالخرج محصلة كل الكلمات الي قلته انه طبيعي توكل على الله والحق القمري بالبيكال واكبسهن به بالتوفيق
هويدي
06/10/2007, 08:44 PM
زي ما تفضلو الشباب طبيعي جداً

وتصير بجميع القدور الجديده

وتكسره بالعافيه
asdkl
06/10/2007, 09:15 PM
اخي العزيز p52

انت تقول 15 لتر قيمته 120 ريال
هذا يدل على انه صناعته رديئه
واكيد انه من الامنيم وليس من الستيل القوي
والله يحفظنا واياكم
مساعد99
06/10/2007, 09:40 PM
وفيه احد يقول : تحط مع الموية ملح

علشان ما يتغير لونه ..

وانا مجربها يااخوي ..

وسلامتكم
البّري
06/10/2007, 09:43 PM
اخوي p52

نبارك لك القدر اللي شريته
جعله الله داخل عليك بخير

اولا المفروض انك ما تترك الماء فيه يغلي ثم يبرد وهذا اللي وضح لي بسبب خبرة حيث مرت علي هالسالفه بحدى قدوري وصار لونه الداخلي رصاصي غامق

ولو غسلته بماء بارد او ماء دافيء وكبيت الماء على طول كان احسن ولا تغير لونه

ثانيا الوضع اللي حصل لقدرك :no: ما يضر :no: ان شاء الله بس هي نظرة القدر افضل لو كان بلونه الطبيعي

تقبل مرور اخوك البرّي
أحب القمرا
06/10/2007, 10:20 PM
اخوي الكريم ... هذا شي طبيعي يتغير لون القدر من الداخل الى الاسود
ولكن بعد كم طبخة يرجع اللون الطبيعي .
بعض الناس يحط ليمونه عشان ما يتغير اللون وهذا مجرب وفعال .
وفي الاخير أقول لك أكلات وطبخات هنية وبالعافية
Black VTC
06/10/2007, 11:47 PM
يا رجل عادي وطبيعي والله الله في الحكاكة :)
ابونايف الروقي
07/10/2007, 06:23 PM
شكرا لكل من شارك واليوم انشاء الله استفتاحيه لحم حاشي ههههههههه
الطيار2000
07/10/2007, 08:42 PM
اخوي قدور السيف كلها مصنوعة من الالمنيوم وهذا التغير في اللون هو اكسيد الالمنيوم ولا يمكن تجنب ظهور هذا اللون لأنه تفاعل طبيعي لهذا العنصر، وللمعلومية قدور الالمنيوم ليست جيدة صحيا وأفضل القدور هي المصنوعة من الستيل وخاصة الماركات الأصلية لمراعاتها لمعايير الصناعة مثل سيب وغيره صحيح انها غالية الثمن ولكنها لك وللزمن.
والسلام عليكم
ابونايف الروقي
09/10/2007, 01:14 PM
شكرا للجميع جربته والله انه مادخل مزاجي من الاول بس اللقافه
هههههههه الشباب تسحرو جبن وخبز طلع الزر تقل جريش >>> ماعرف وزنته صح
asa39
09/10/2007, 01:21 PM
يغلى فيه حليب أفضل
ابونايف الروقي
10/10/2007, 02:08 PM
يغلى فيه حليب أفضل

هههههه جزاك الله خير 15 لتر حليب
فيه ناس قالو مويه وملح او ليمون
مخاوي قناص
10/10/2007, 03:59 PM
السلام عليكم
اخواني انا شريت قدر السيف الصيني 15 لتر قيمته 120 ريال ... وقريت الاوراق الي داخل مكتوب فيها حط مويه في القدر وخلها تغلي عشان تروح ريحته والمشكله حطيت فيه مويه وخليته لين غلت المويه ويوم خلصت قلب لونه من داخل فيه مشكله والا هو كذا افيدوني جزاكم الله خير .. افا ونااخوك احذر الجميع اياكم ثم اياكم تحطون قدر او صينيه اوحله على النار ولو لثواني وهي خاليه المعدن يتفاعل ويخرج ماده سامه خطيره اغسله زين وملاه مويه ورجعه على النار خله يتستس 10 دقائق وبعدين استخدمه
asa39
11/10/2007, 04:37 AM
جزاك الله خير أخي p52 وغفرالله ذنبك
احب منك قرائة كتلوج قدر سيب الفرنسي لكي تتأكد من كلامي
راعي ابوعراوي
20/10/2007, 11:21 AM
شريته من سوق الاهدل بجدة قبل سنة بـ 90 ريال