عاجل يالصقاره عن حذف الروباجه

[حر الشمال]

السلام عليكم ورحمه الله وبركاته
يالربع الطير كم مره يحذف الروباجه
لان طيري حذف قبل الفطور ثلاث مرات
وبعد الفطور نقلته وحذفها مرتين الوضع طبيعي ولا كيف

[خبت قوس]

عليكم السلام ورحمة الله وبركاته
المعروف ان الروباجة يطلعها الطير قطعة وحدة لكن اذا كان البرقع على الطير يحاول يطلع الروباجة ولايستطيع فيقوم باخراجها متقطعة هذا ماحصل مع طيري احد الايام الماضية بسبب نسياني للبرقع عليه وقت الروباجة التي غالبا ماتكون من الصباح الى الظهر إذا عشيت طيرك من بعد العصر إلى المغرب والله أعلم
آمل إنه تكون الصورة واضحة وإن شاء الله اخواننا الصقاقير يفيدونك أكثر
قناص الخالدية ـ الساحل الغربي

[*الـزيـن*]

السلام عليكم ورحمه الله وبركاته
يالربع الطير كم مره يحذف الروباجه
لان طيري حذف قبل الفطور ثلاث مرات
وبعد الفطور نقلته وحذفها مرتين الوضع طبيعي ولا كيف


وعليكم السلام

ما شاء الله اربع

هذا لانك اكرمته وحسسته بالامان وانك ماراح تجوعه

وعسى الله يوفقك




اخوك الزين

[((الخالدي))]

قناص الخالدية ماقصر

[حر الشمال]

جزاكم الله خير ياخوان وبيض الله وجهكم
ماقصرتوا

[شهاب بن عساف]

هذا دليل ان البرقع ضيق عليه ولا يستطيع اخراجها الا بشكل متقطع حاول تغير البرقع بواحد ثاني يكون اوسع حول منطقة الرقبه ولو كانت الروباجه فيها عضام مع البرقع الحالي احتمال تحدث هذه العضام الموجوده بالروباجه الى جروح داخليه لا تحمد عقباها 00

[جرودي1]

ياخي حر الشمال
طيرك يخزن الروابيج الطير اكيد نازله صنعته او انك تعطيه علف على علف فيقوم بالتخزين هذا والله اعلم والشباب ما قصروا.

[فزاع56]

ولله واعلم ان طيرك طبيعي بس اهم شي لا تعطيه العلف على العلف

[راعي دهام]

.

حر الشمال ..



اللي حذف الطير روباجه ، ريش وعضام والا تقذيف ؟ ..




اخبر قبل سنتين تقريباً هدينا طير على حمامه وضيعناه .. كان الهدد قبل المغرب بشي بسيط


ولا لقيناه الا اليوم الثاني الظهر ..،،


الحاصل انه روبج تقريباً خمس روباجات كل وحده اكبر من الثانيه ..


وهذا بسبب انه صاد الحمامه واكلها كامله ..


فـ الحاله ان شاء الله انها طبيعيه ..يعني بأذن الله انه مو مرض ..





آسف على الاطاله ..




.

[قلب شاهين]

عليكم السلام ورحمة الله وبركاته

المعروف ان الروباجة يطلعها الطير قطعة وحدة لكن اذا كان البرقع على الطير يحاول يطلع الروباجة ولايستطيع فيقوم باخراجها متقطعة هذا ماحصل مع طيري احد الايام الماضية بسبب نسياني للبرقع عليه وقت الروباجة التي غالبا ماتكون من الصباح الى الظهر إذا عشيت طيرك من بعد العصر إلى المغرب والله أعلم
آمل إنه تكون الصورة واضحة وإن شاء الله اخواننا الصقاقير يفيدونك أكثر

قناص الخالدية ـ الساحل الغربي


كلام سليم ،،

تحياتي / قلب شاهين ،،

[حر الشمال]

جزاكم الله الف خير ياخوان

[حر الشمال]

اخوي راعي دهام صحيح طيري اكل الفريه (السمان) كامله والي حذفه لحم مع ريش وجزاك الله خير