مهم لكل من يبي يطلع مع اهله او اخوياه في كشته

[قمر 15]

مهم لكل من يبي يطلع مع اهله او اخوياه في كشته @@@@

السلام عليكم ورحمة الله وبركاته
بمناسبة قرب الشتاء حيث الطلعات تحلو قلت ابعطيكم فكرة عن الاشياء اللي ممكن تاخذونها معكم اذا جيتم تروحون للبر وتفلونها وتستانسون http://www.alshref.com/vb/images/smilies/biggrin.gif
انا ابي اعطيكم نبذهـ عن ادوات الطلعه وإذا مـآأعجبتكمـ لا احد يصارخ علي ... فهذا اجتهاد مني http://www.alshref.com/vb/images/smilies/frown.gif
أولآ
اعزم امرك وتوكل على ربك
ثآنيـآ
جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه + جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات
ثـآلثآ
فــراش + **** فرشه " بساط " + اربع مدات على شان النار + بعض الملابس إذا انت تبي تجلس اكثر من خمس ايامـ شنطة تـشمل ( بعض الملابس الداخلية * شراب * شماغ * ادسوس * كنادر وانتم بكرامه * بجامه * بشت* فروه * سديريه *طربوش ****** وشف اللي يجوزلك خذه
رآبعـآ
ماطور هواء + عيار هواء + رقع تيوبلس وعدة الرقعة + بلف هواء + مفتاح عجل + سيور إحتياطيه + عدة فك وربط + واير سحب + كشاف + بطارية + لمبة وسنارته + شمعة لمبة إحتياطيه
+ فاس وشيول + دسوس للحطب
خـآمسـآ
حطب + فحم + كبريت + ولاع فحم وخياش للحطب والله يخلي خياش الشعير بالبر + خيمة + أطناب.... أو رواقات أو شراع أزرق + حبل أو سبته للفرش بالحوض + ساعة خراشة إذا كنت خايف على جوالك من المطر المفاجئ لصلاة الفجــر + ليين واحد للماء وإلا اكيد تبي تأخذ بزبوز معك وواحد للبنزين
سـآدسـآ
كاميرة تصوير أو كاميرة فيديو طبعآ من أجل ان تصور من اجل الذكريات الجميله + أفلام + شاحن كاميرة + شاحن جوال للضرورة + أشرطة أناشيد لأنه يعتبر من الرفقة الطيبة مع الزقرت الطيبين .
سـآبعآ
أدوات طبية ( لصيق جروح * مقص صغير * شاش * قطن * مضاد سم * فيفادول + بنادول + مـــــره + مسمار لتوقيف الدم + ملقاط شوك + إبره + خيط + مشرط صغير
ثـآمنآ
جراكل ماء + جراكل بانزين إذا انت تبي تبعد مررهـ + ثلاجة مياهـ صحيه + ثلاج اللحم + ثلاجه خاصه للمصيود
تـآسعـآ :no2: :no2: :no2: :no2:
عزبة الطبخ
قدر كاتم + صفيرته + قدر إضافي + مقلاة كبدة + صحون + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية+ شريعة دلة + ملقمة قهوة + دلة حليب + بيالات+ فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذراية + أصياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي+ نعناع + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + حليب السعودية والا الرعيان مايقصرون + طحين بر + زبدة + زيت + مــــــلح + بهارات + صلصه + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + حبحر + ثوم قرع + كوسه + رز + خبز + شابوره + قرص + ثـــــــلج * مياه صحية * + لحمه + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات البيض هههههههه
عـآشرآ
آكياس زباله وإلا تدري احفر حفره وحط فيها بلاويك وإذا خلصت احرق فيها + أكياس لحم للضرورهـ + سماط وإلا ازيلك على البطحه تراا لها طعم ثاني + صابون + ليفة سلك وسفنجه + مناديل

وأختمهآ الله الله بالزقررت اللى على الدين

ولا تنسى تكفى تحافظ على الصلاة انت واللى معك ...

لا تصعد الضلع (( الجبل )) بالليل ..

وانتبه وانت تطق الآطناب لا تضرب يدك ...

على العمومـ إن شاء الله طلعه جميله ولاتنسوني من الدعاء موفقين

[بوسحمان]

http://www.mekshat.com/pix/upload/images50/mk26861_b29270d03a.gif

[خالد940]

مشكور وما قصرت بس من بيجمع ذا كلة .

[مريقب العيفار]

عز الله انك ما خليت شيء

ما شاء الله عليك

ومثل ما قال احد الاخوان من هو اللي يبي يشيل كل هالعدة!

لكن انت سويت خير انك ذكرتها والواحد بختار وش يناسبه

[ابوفيصل200]

مشكور على المجهود وما قصرت

[kaaaatm]

كفيت ووفيت

[موووستاش]

مشكور وما قصرت بس من بيجمع ذا كلة

[جبل حبشي]

جزيت خير وزوجت بكرا.............

[كهلان]

كفو اخوى قمر
ولايجى احد ويقول نسينا ونسينا كذا
هذى القائمه قدامهم ولالهم عذر
والله يجيب الخير
مشكوووووررررررر

[الصاقول]

بيض والله وجهك

[hamo0o0ody]

بيض الله وجهك والله يبيلي اطبع الكلام في ورقه علشان
اذا جيت اطلع اشوفها واشيك عليها
طبعا بعد اذانك ولا حقوق الطبع محفوظه
هههههههههه

[متباهي]

مشكور وما قصرت
مافيه سعودي ماينسى شي

[نمر 33]

مشكور يالغالي

[خيال البويضا]

ليه ما تكشت فى بقاله مجاورها مطبخ أزين ((( أمزح))) :D


قائمه مدروسه , من خبره مكاشيت , اعجبني فكره الفيوزات الاحتياط والمسمار لتوقيف الدم الله لا يجيب شر
لكن الاحتياط واجب.

ما خليت شي , بارك الله فيك وشكرا على المجهود الوضح :good:

[مدور ربيع]

بارك الله فيك .. ماخليت شيء الله لايضرك .. بس توصية طق الطنب شيء :d

[الصاقول]

نطالب بتثبيت الموضوع ولو لأسبوع

[طحنون]

كذالك الكلاشنكوف مهم جدا

[الحضرمي2006]

مجود رائع جداً
بيض الله وجهك وسلمت يمينك

[القناص]

قمر 15 على اسمك

مشكور وكلام جميل ومرتب

[جلمود الجبيرى]

والله مشاء الله عليك ماخليت شى يبيله شيصان تحملهن مجهود موفق

[عبدالرحمن السالم]

ياعزوتي هالوجهه ماقصرت يالغالي

ألف شكر لك وعساك دوم سالم

[ابو سعد التميمي]

مشاء الله ماخليت شيء هذي اغراض تكفي اسبوع ههههههههههه

[الجيب الريو]

مشكوووووووور على الموضوع
بس كأنك نسيت المرزبة والشيول وإشتراك للبطارية
كل عام وأنتم بخير

[شحبار]

بارك الله فيك
المسمار يوقف الدم معلومه جديده علي جزاك الله خير
بسألك مطحون ولا عدل احطه على الجرح كيف الطريقه ما عليك امر

[رفيق النشاما]

أنا أقترح يكون لديك قلص تحط فيه جميع هذه الأشياء ويكون عندك جاهز لأي طلعه وتشيك عليه بعد كل طلعه
وتتنتبه للأشياء اللي تبي تنتهي والأشياء اللي لازم تجدد ها مع كل طلعه وهكذا

[رفيق النشاما]

ومعليش اسمحولي
أزيد ممكن الأستعاضه عن بعض الأشياء في استخدما ت أخرى مثل بعض الأدوات الطبيه ممكن استخدمها من بعض المستلزمات الأخرى وغيره

[الجافي]

مشكور مجهود رائع

[turhob]

الله يجزاك كل خير وماقصرت
نسيت ضمن الاغراض شاص
:d

[برنو بيشة]

الله يوفقك يا شيخ