ماهو أجمل بيت(أبيات)سمعتها في الإبل أو الخيل؟؟

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟أن شاء الله بخير
تقبل الله منا ومنكم صالح الأعمال ، ثم أما بعد:
ماهو أجمل بيت(أبيات)سمعتها في الإبل أو الخيل؟؟
سجلها هنا في محاولة لجمع أفضل ماقيل في الإبل والخيل
أما أنا أجمل ماسمعت في الإبل أبيات للشاعر ناصر الفراعنة
في قصيدته المعروفة بها تشبيه جميل للمجاهيم وفحلهن وهي بيتين:






كن فحلهن بينهن يوم جاء يدقـش دقـاش=وهنّ من حوله صفوف تجش القـاع جـش
حاكم يهتف له الشعب كله عـاش عـاش=كبّـروا راسـه ولا عـاد يحتّشـه محـش








وأما أجمل ماسمعته بالخيل بيت للشاعر سلطان الهاجري من ضمن قصيدة له لاتخص
الخيل ولكنه أورد هذا البيت الي يمثل واقع الخيل هذا اليوم واعجبني البيت ودايم اردده وهو:





والخيل وين اسروجها يااهل الخيل = راحت فرس عنتر تسابق حصانه






وشكرًا

[مران]

اخوي ومشرفنا خيال الصبحا 00
هذه الباقه من الابيات اقتطفت من قصيده طويله لاحد الشعراء يصف بها محاسن الابل 00






أجملهن الوضحا اذا زان وقتها=هدب مناكبها وسود عيونها
تشبه لها الشقحا تقاطيع وصفها=تصعب على اللي بالقلم يرسمونها
ثالثهن العطرا اذا اللون يختلف=هي مثلهن مايقصر اللون شونها
واكرمهن الملحا اذا شانت السنه=تعيش منها سريه يحلبونها
تلحق بها الصفرا على اللون والنسب=ان كان ماهي مثلها دوب دونها










اخوك مران

[مدرب الطير]

طرح مميز يامشرفنا بس والله ماعندي بيت الان

[ابوحماد]

اعراضن خدودها ربي مزينهـا=سنـدا مقاديمهـا والــروس شـلاعـي
ان طبـت السـوق يامكثـر زباينـهـا=وان طبت البـر تشعـف كـل مولاعـي
وان جاء نهار المـراء تسبـق قراينهـا=تاخذ وراء الباع بـاع وشبـر وذراعـي
تبحـث خفـا النـاس وتبيـن خزاينهـا=ويصد عنها غليل القلب مرتاعي

[خيال الصبحا]

السلام عليكم
الاخوة الاعزاء
حي الله كلن باسمه
.
.
الأخ مران
اشكر لك مرورك
وردك الكريم،وهلا بك
.
.
الاخ مدرب الطير

اشكر لك مرورك
وردك الكريم،وننتظر الابيات
وكاد انك راح تلقى ، وهلا بك
.
.
الاخ ابوحماد

اشكر لك مرورك
وردك الكريم،وأبيات أكثر
من رائعه(جازت لي)، وهلا بك

.
.
وهلاااااااااااااابكم

[وسيـع البـنايد]

خـيال الصبحا .. بيض الله وجهك

والأبيات واجد لكن من اللي أحفظ وفي بالي وصف الخيل
وهي للأمير / دايم السيف وهي من أجمل الوصف


من بنات الريح ..







من بنات الريح لي صفرا جفول=كنها ظبي الفلا بجفالها
منوة الخيال عساف الخيول=زينها في دقها وجلالها
زينها ما شفت وصفه بالمثول=الله اللي بالجمال اصخى لها
تستذير كحيلتى من كل زول=ما يصخرها سوى خيالها
اذكر الله كل ما قامت تجول=و احمد الله خصنى بحبالها
كنها تمشي على قرع الطبول=فتنى اللي خافقه يبرى لها
ظافي القصه على الطرف الخجول=تنكسر شمس العصر بظلالها
وصفها وصف السحاب اللي يحول=كل عين تستخيل خيالها
او كما طاري على الخاطر عجول=صاحبه حقيقته ما طالها
كل رجل في حياته له ميول=والهوايه تمتلك رجالها

[الذيب المغترب]

ياليت لي ذودين وضح ومـــجاهيم=اتبع طربهن بين لينه وجـــودة
اسج ما دام القيم والمـــــــفاهـــيـم=عند اعرب قلت واهلها معدودة
وليا انشدوا عن وجهتي يا ابراهيم=قل راح عن جو المدن يم ذودة
اسيح في روض لــــــطيره ترانيم=يسجع الحونه مع نسانيس نوده
الارض خضراء والسماء كلها غيم=والجو مع رش المطر به بروده
ربيعها عشبه كما روضــــة خريم=متشابك فيها الزهر مــع وروده
جاها من الوسمي حقوق ومقاديم=عم الوطا وايا الجبل مــع نفوده
مالي بشوف مصفصفين المرازيم=مظاهر تخدع ونفس حســـــوده

( للشاعر منصور مروي)

[خيال الصبحا]

السلام عليكم

الاخوة الاعزاء
حي الله كلن باسمه
.
.
الأخ 3210
وجهك ابيض واشكر لك
مرورك وردك الكريم،أبيات أكثر
من رائعه(جازت لي)بصراحة الان هي
افضل ماسمعت في الخيل ، ولكن دايم السيف على
من يطلق من الامراء ، وهلا بك.
.
.
الاخ الذيب المغترب
اشكر لك مرورك

وردك الكريم،وأبيات أكثر


من رائعه(جازت لي)، وهلا بك












.

.

وهلاااااااااااااابكم

[وسيـع البـنايد]

دايـم = خـالد / السـيف = الفـيصل

[خيال الصبحا]

دايـم = خـالد / السـيف = الفـيصل
هههههههههه
اسم مميز ، تصدق
توي ادري عنه ، على كل
حال شاكر لك متابعتك للموضوع
وهلا بك

[صقر20]

السلام عليكم
هذه هي أجمل أبيات سمعتها
وهي للشاعر:فهد المكودر

الابل عطايا الله طوال النسانيس ** إتنومس اللي من حلاله شراها
عزّ الرجال اللي تحب النواميّس** اللي تسايرها وتمشي وراها
مرن مقيمين ومرن عساعيس** ومرن تلاحظ في كلاها وماها
الابل غلاها فاق كل المقاييس** محبةً رب الخلايق عطاها

[خيال الصبحا]

السلام عليكم

هذه هي أجمل أبيات سمعتها
وهي للشاعر:فهد المكودر

الابل عطايا الله طوال النسانيس ** إتنومس اللي من حلاله شراها
عزّ الرجال اللي تحب النواميّس** اللي تسايرها وتمشي وراها
مرن مقيمين ومرن عساعيس** ومرن تلاحظ في كلاها وماها

الابل غلاها فاق كل المقاييس** محبةً رب الخلايق عطاها

وعليكم السلام ورحمة الله وبركاته
الأخ 3210
بيض الله وجهك واشكر لك
مرورك وردك الكريم،أبيات أكثر
من رائعه ، شرفت موضوعي بردك، وهلا بك.