مواطن ينتقم من ذئب عاث فسادا في غنمه ....,,,,,

[كشته 111]

الموضوع منقول من جريدة المدينه اليوم الثلاثاء 9/10/2007 م :

مواطن يقتل ذئبًا ويعلّقه بمدخل القرية (http://www.almadinapress.com/index.aspx?Issueid=2438&pubid=1&CatID=2&articleid=1019252)http://www.almadinapress.com/images/thumbnails/82857.jpg (http://javascript<b></b>:ShowImage()<F>عبد الهادي الصويان - المدينة المنورة
<أقسم مواطن بقرية محامة اليبس شرق محافظة الحناكية ثلاثًا على أن يقتل الذئب الذي هجم على أغنامه، ومزّق عددًا منها إربًا إربًا، وأصبح الثأر من هذا الحيوان المفترس شغله الشاغل؛ لدرجة أن بندقيته لم تعد تغادر كتفه، ليكون مستعدًا دائمًا للفتك بغريمه، وخلال أيام قليلة وجده أمامه عند أحد الجبال المحيطة بالمنطقة، وعلى الفور صوب بندقيته نحوه، وعاجله بطلقة مباغتة أردته قتيلاً، <

[حطاااااب]

السلام عليكم ورحمة الله وبركاته
يعطيك العافيه
عظم الله اجر اهله:D
البدوي اذا حقد على حلاله لا تلومه راس ماله
والله ليطلع كبده

[winchester]

يستاهـل

قبل كم سنه هجم على غنم بالمدينه المنوره وحاول السوداني راعي الغنم يطرده ورجع الذيب لسوداني وعض جبهته حاول الزول يبعده بيده وأكل أصابعه

المشكله أذا كان ياكل خروف أو خروفين عادي لكن المشكله يذبح أكبر كميه بدون أكل

دمـت بود

[راع الابل]

عليكم بالذيب المتعدي لانه يفسد في الارض مثل الهوامير بالسوق ههههههههههه كلهم ياكلون ويخربون هههههههههه

مشكور والله يعطيك العافيه والله لا يبلانا بمفارس ذيب

الشكر بالدعاء بالعشرة الاوخر

[كشته 111]

الاخ حطاب هذا الذيب ينطبق عليه المثل الحلال حلال ابونا والذيابه طاردونا ,,,,

winchester الذيب من زود اللؤم يذبح بالجمله فقط ليروي غريزة القتل وسفك الدماء ,,

راع الابل حضورك اثلج صدري لك حبي وتقديري ,,,

وللجميع قبل الزحمة كل عام وانتم بخير , تقبل الله صالح الاعمال ,,,





http://www.mekshat.com/pix/upload/images50/mk29635_khobah15.jpg



ثعلب معروض للبيع في احد الاسواق الشعبية با الجنوب صراحة شكله يكسر الخاطر ,,,,

[ابو نوف 200029]

مشكووووووووور اخوي وما قصرت

[ابونايف الروقي]

للمعلمويه الذيب اذا جاء الغنم في مراح بدون شبك والغنم طشت وخافت منه كل مجموعه راحت لحال يعدمها اعدام هههههههه بس اذا اجتمعت مايذبح الا قليل لانه يحب يظهر غريزة الافتراس واثبات الذات والقوه والي تشرد منه من الغنم تروح غلطه اكثر من الي تمسك الارض >>> يمخمخ عليها

[مدرب الطير]

اللي يشوف ذيب يذبحه بل توازن بل بطيخ ان ما اذاك اذا غيرك

[عبادل العاصمي]

يالربع والله أن الذيب لامنه ضرى بمحل ماعاد يفارقه لين تقتله

وماقصر هالقرم

لاهنت

[اجوان]

اضحك الله سنك يا مدرب الطير

والله ضحكت ضحكت من قلب الله يسرك بالخير يا مدرب الطير

وجزاك الله الف خير كشته 111 على نقل الخبر وبصراحه تعليقة الذيب

اشوفها مالها لزمه ولا داعي

قال رسول الله صلى الله عليه وسلم( اياكم والمثلة )

والحديث ينطبق على جميع خلق الله

تقبل مروري اخي الكريم

[صقر البحيرات]

كل عام وانت بخير يا الغالي
مثل ما قالوا الأخوان ان الذيب لو يأكل اللي يذبحه ما يخالف
لاكن يذبح ويمشي وهذا صعب
العام الذيب يأكل الوجه عندنا من الفسق دخل على بهمنا بوسط الشبك وذبح 7 وصوب 8 وأربعه مفقودات إلى اليوم
بس حنا إلى اليوم نتحراه نبي نأخذ الثار منه

[ابو عمر النوح]

يستاهل ما جاه و عسى الله يعوضه في باقي الحلال .

[الصياد البري]

عليكم بالذيب المتعدي لانه يفسد في الارض مثل الهوامير بالسوق ههههههههههه كلهم ياكلون ويخربون هههههههههه
مثل ماقال اخونا راع الابل...
ابتلينا بالصيد و الاسهم وكلهن خسارة بخسارة.......

[ابومعلا]

الغنم افسدت الارض والذيب ذبح الغنم
هههههه راعي ابل مايداني الغنم <<<<<

[مفرق النجوم]

والله مشكله هالذيب على كذا الاقالك احد ياذيب قل الذيب انت وجهك تاكل بالجمله ومفسد لاكن لو قالك يالذيب ب-ال-التعريف معناها انك ماضايقت احد ولا احد حاقد عليك ولا عندك مشاكل ههههههههه والله اني منيب سهل حليتها

[ذيب ولد ذيب]

والله ياخوان من كثر الذيابه عندنا والله لو مسكه او خدره احسن من ان يذبحه او يبيعه من جد يعني لو كل واحد ذبح فينا ذيب وش راح يصير راح ينقرض مشكلتنا هناء التخلف بصراحه وعدم الرحمة ليش انا كنت بره مسافر صدقوني اتضح عندي اشياء كثيره تخيلو العصافير تمر من جنبي وعادي جدا لاكن هنا اول ماتحط عينك بعينه انحاش هههه من جد ليش الرعب في قلوبهم الولد وهو صغير معاه هالنبيطه ويالله لا والولد اول مايبلغ عطني سياره اول مايشوف قطو في شاره حده ودعسه ومفروض يصير هنا غرامات وحبس كل ماذبح حيوان بدون اذن:good:

ومشكووووووور اخوي على نقل الخبر

[أبويوسف]

سمعت مقولة من كبار السن يقولون فيها أن الذيب يعيش أسبوع على أفتراس الماشية وأسبوع على الجن وأسبوع ولاشيء ولا أدري عن صحة هالمقولة ...... هل يوجد أحد من الأخوان سمع من قبل عن هالشيء ؟

[.. Anas ..]

يا جماعة الرجال ما يلااااااااااااام
ومثل ما قالوا لارجال لو إن الذيب ماكل له غنمة وإلا ثنتين وماشي محد قاله شيء
بس يذبح ولا يأكل هذا

يستاهل ما جاه

[راعي ساموده]

مايلام صراحه

[ar22a]

الله يعطيك العافيه اخوى كشته 111تقبل تحياتى لك وللا عضاء فى النتدى

[الشا صي]

يستاهل قتل غنمه