القرناس المهاجر
22/08/2003, 04:58 PM
دارت السنة 00 واقبل المقناص 00 وهاأنذا اعود لكم من جديد بهذه الأبيات التي من خـلالها نسـتبشر بطلوع سهيل وحلول البراد 00 وابتداء المقناص 00 كما اتطرق أيضا لرفض بعض التصرفات والمضايقات الدخيلة والغريبة على هذه الهواية الأصـيلة ( شبك الصقور) التي تسبب نشوب الكثير من المشاكل بين القنوص وربما بين القبائل 00
أحبابي .. لن أطيل عليكم واترككم مع القصيده المتواضعه وهي هدية مني لكم كلكم فأرجو أن تنال على رضاكم واستحسانكم 000:heart: :heart:
البارحـة يوم اظـلم اللـيل طلّيت = بغيت اشـوف اسهيل وارفع بشارة
ابشّـر اهل الطير واهل المكاشيت = باسهيل يوم انه طـلع في مـدارة
حيث إن نجم اسـهيل للطير توقيت = للي يحـبون الخــلا والصقـارة
فـيه البـراد اللي بجـوه تهنيت = وهو بدايه لانصــراف الحـرارة
يحلا به المقناص من حـيث لقّيت = في رفقة اللي معـرفتهم تجـارة
بين الفجوج المخـلية لو تمـاديت = ارضٍ خـلا والعشب زايد خضارة
رحلة قنص تسواك ياجلسـة البيت = وأخير من جو المـدن والحضارة
في ديرتٍ فـيها للاشـقر مواقيت = ينوي لها وقت الخـريف الزيـارة
ياما على ذِكره وشـوفه تسـليت= لجـله نظمت القاف باحلى عـبارة
وياما حـلا لقـياه لو به تلاقـيت = في الصبح والمقناص باول نهـاره
من يوم اشـوفه بالأزاريق زكّـيت = من زود عشقي بالضماير حـرارة
وإن قام يـردم للهدد به تبـاهيت = ياما حـلا تحـويلته وانحــداره
عوق الحـبارى والحـمام المفاليت = سـبوق مافكّـر بسـرعة طـياره
لامن ظربها شتت الريش تشـتيت = من كفه المـبروك ذاقـت مرارة
وحول وهو عالِق ونا به تعـزويت = من فرحتي قمت اسـتدير إسـتدارة
هو منوتي ياهل الولع لو تمـنيت = محـبته مكسـب ولاهي خسـارة
اللـه يجـيبه لولشـوفه تباطـيت= بارضٍ خـليه والمواقع قــرارة
ويالله انا بادعيك من عقب صليت = صـلاة عاقل واستخار اسـتخارة
في رزق مابه للمشاكل عفـاريت = اللي تدوّر في حـلالي خشــارة
والاّ تسـير اعلوم لجـة وتصويت= العـقـل منها ينتهـي بإنفجــارة
وياكم حصل في وقتنا ذا وقد ريت= كثـير من فعـل الغلط والفجـارة
وانا انصحك ياللي للاجواد ماشيت = الجـار وقت الصيد يوفي لجــارة
وانكان في دربك معاهم تخـاويت= خـلك وفـي لاتحـتزم بالبـواره
احذر تضايق صاحبك لاتبـاديت = خـلك غـريب الدار والـدار داره
هـذي سـلوم اول وياليت يالـيت= ذاك الزمان ايعـود عقب اندثـاره
ماغير ماينفع لو اسـحب تـناهيت =عليك ياوقـتٍ فقـدنا جــواره
تمت عـلومي والحقيقـة تعـنيت = قلـبي تولـع والبـداية شــرارة
شاعر المقناص 00 القرناس المهاجر
:redcar: :redcar: :love2: :love2:
أحبابي .. لن أطيل عليكم واترككم مع القصيده المتواضعه وهي هدية مني لكم كلكم فأرجو أن تنال على رضاكم واستحسانكم 000:heart: :heart:
البارحـة يوم اظـلم اللـيل طلّيت = بغيت اشـوف اسهيل وارفع بشارة
ابشّـر اهل الطير واهل المكاشيت = باسهيل يوم انه طـلع في مـدارة
حيث إن نجم اسـهيل للطير توقيت = للي يحـبون الخــلا والصقـارة
فـيه البـراد اللي بجـوه تهنيت = وهو بدايه لانصــراف الحـرارة
يحلا به المقناص من حـيث لقّيت = في رفقة اللي معـرفتهم تجـارة
بين الفجوج المخـلية لو تمـاديت = ارضٍ خـلا والعشب زايد خضارة
رحلة قنص تسواك ياجلسـة البيت = وأخير من جو المـدن والحضارة
في ديرتٍ فـيها للاشـقر مواقيت = ينوي لها وقت الخـريف الزيـارة
ياما على ذِكره وشـوفه تسـليت= لجـله نظمت القاف باحلى عـبارة
وياما حـلا لقـياه لو به تلاقـيت = في الصبح والمقناص باول نهـاره
من يوم اشـوفه بالأزاريق زكّـيت = من زود عشقي بالضماير حـرارة
وإن قام يـردم للهدد به تبـاهيت = ياما حـلا تحـويلته وانحــداره
عوق الحـبارى والحـمام المفاليت = سـبوق مافكّـر بسـرعة طـياره
لامن ظربها شتت الريش تشـتيت = من كفه المـبروك ذاقـت مرارة
وحول وهو عالِق ونا به تعـزويت = من فرحتي قمت اسـتدير إسـتدارة
هو منوتي ياهل الولع لو تمـنيت = محـبته مكسـب ولاهي خسـارة
اللـه يجـيبه لولشـوفه تباطـيت= بارضٍ خـليه والمواقع قــرارة
ويالله انا بادعيك من عقب صليت = صـلاة عاقل واستخار اسـتخارة
في رزق مابه للمشاكل عفـاريت = اللي تدوّر في حـلالي خشــارة
والاّ تسـير اعلوم لجـة وتصويت= العـقـل منها ينتهـي بإنفجــارة
وياكم حصل في وقتنا ذا وقد ريت= كثـير من فعـل الغلط والفجـارة
وانا انصحك ياللي للاجواد ماشيت = الجـار وقت الصيد يوفي لجــارة
وانكان في دربك معاهم تخـاويت= خـلك وفـي لاتحـتزم بالبـواره
احذر تضايق صاحبك لاتبـاديت = خـلك غـريب الدار والـدار داره
هـذي سـلوم اول وياليت يالـيت= ذاك الزمان ايعـود عقب اندثـاره
ماغير ماينفع لو اسـحب تـناهيت =عليك ياوقـتٍ فقـدنا جــواره
تمت عـلومي والحقيقـة تعـنيت = قلـبي تولـع والبـداية شــرارة
شاعر المقناص 00 القرناس المهاجر
:redcar: :redcar: :love2: :love2: