لكل طاروح الرجاء الدخول ضروري

[mej]

السلام عليكم

حصلت لك طير و ودك تطرحه وفكيت له حمامه بشبك ولا نزل لها ومتسحيل ينزل لها

وش الطريقه معه؟؟؟هل اطير له حمامه بشبكها....بس كيف انزله هو والحمامه بعد ما يشبك الطير وانا ما معي طراد للاسف....ممكن ينزل من ثقل الحمامه لكن ممكن يشلها ويقدر عليها؟؟؟؟؟؟؟؟

هذا هو سؤالي واتمنى الافاده

[قلب شاهين]

وعليكم السلام ،،

أخي الغالي أنا والله مالي خبره في الطرح كبيرة لكن بقولك الي أقدر عليه ،،

أتوقع من كلامك تقصد ان اذا قربت من الطير راح يشيل الحمامه ويطير فيه !!

الحل :

أذا بتهد الحمامه وفيها ثقل أربط رجل الحمامه بخيط ضعيف وطويل جدا ، وأبعد عن الحمامه وخلك ماسك الخيط وأبعد واذا جاء الطير على الحمامه أمسك الخيط وأقرب له وأهم شي انه يمسك بالشبكة اذا مسك بالشبكة الطيره ماله مفر حاول تبرقعه على طول وفك الشبكة من رجله علشان ماتأذيه ،،

وأي سؤال أو أستفسار الربع مايقصرون ،،

تحياتي / قلب شاهين ،،

[mej]

ما يقصرون الربع وما قصرت لكن انا اقصد الطير الي ما نزل على الارض وحذفت له حمام وشبك فيها بالجو كيف تنزله الارض خصوصا اذا انه قدر على ثقل الحمامه وما كان عندك طراد

جاوبوني لا هنتو

[سرهيد1]

السلام عليكم ورحمة الله

اخوي لكل حالة حيلة

ولكل طير طريقة شبك

على حسب موقعه وحذره

لذلك يجب ان تشرح لنا ما هي المشكلة حتى نشور عليك بالحيل المناسبة

ومستعدين لمساعدتك بكل الاحوال بأذن الله

[((الخالدي))]

أنشاء الله الاخوان مايقصرون معك

[AL MSAFER]

انصح الجميع بنقل جربوع طريقه مجربه 100\ 100 اما اذا كان حر كبير الحجم هدله حمامه

[المتهلهل]

السلام عليكم ورحمه الله وبركاتة اخى العزيز من سؤالك فهمت والله واعلم ان الطير ما يهد على الحمامه وهى فى الارض لذلك تريد ان تطير الحمامة لذلك اتى بخيط سبيب وهو خيط لصيد الاسماك يكون طويل بما فى الكفاية ويكون من النوع المتين وضع الشبكة على الحمامة واربط الخيط فى طرف الشبكة وقبل ان تطلق الحمامة تاكد ان الخيط لم يتشابك مع بعضو وتكون مهيئة لطيران الحمامة وعند الشبك الله يرزقك فى الجو سوف يحط الطير للارض ليأكل الحمامة ولن يطير بها بعيداولعل الاخوة يفيدوك اكثر والله يوفق ويرزقك

[راعي دهام]

.



مثل ما قالوا الاخوان ..


اغلب الطيور الوحوش يرغب الصيده طيار فـ لذلك هد له حمامه واذا صادها بينزل يبي ياكلها

انت اللي عليك تسويه انك تخليه يحللها ويشرب من دمها وينسر منها شوي ، بعد ذلك

داور الطير (( يعني افتر عليه بالسياره من بعيد عشان يدور مع دوران السياره ))

الدوران هذا بأذن الله يعطي فرصه اكبر للشبكه انها تشبك ولو واحد من صوايد الطير


وبالتوفيق ان شاء الله ..




.