هل يوجد رسوم على استخدام الجارمن؟؟

[saher772]

واذا كان هناك رسوم
كم هي الرسوم

[نمر بن حثلين]

فيه رسوم تأسيس 750 ريال تجيك مع فاتورة تلفون البيت

ورسم شهري 900 ريال

واذا صار القارمن ملون وفيه خرايط الصحرا يحسب عليك الدقيقه ب 40 هلله

والا قعدت شهر ما استخدمت القارمن يفصلون عنك الخدمه ويسحبون منك القارمن ويحرجون على موترك :p :p









امزح معك اخوي القارمن ببلاش وما تدفع ولا هلله :good:

[خالد2006]

اخوي الصراحه الخدمة اللي يقدمها جهاز القارمن ليست بالسهلة ويستاهلون عليها رسوم (( بس انت الله يجزاك خير لاتنبهم )) وهناك فعلا رسوم لكن تدفعه شركة جارمن للاقمار الصناعية هذا اللي انا سمعته مادري صحيح او لا

[عاشق خلاوي]

اخوي نمر بن حثلين ..
الله يرج ابليسك وكفيت و وفيت.

[عضـو قديم]

يا الريع انا كان معي شخص امريكي نتحدث عن اخر التكنلوجيا وسالني هل تدفع رسوم مقابل استخدامك للجهاز من شركة جارمن فا قلت له انها مجانية واستغرب الرجال كثر وقا لي احسدكم لانها مكلفة جداً

[saher772]

مشكورين وماقصرتو

[عبدالله الدوسري]

أتصور والله أعلم أن الرسوم اللي يتكلم عنها صاحب (عضو قديم) هي رسوم استخدام أبراج زيادة الدقة
يعني معقولة لو أروح بالجارمن حقي في أمريكا بيحطون علي رسوم؟
تحياتي لكم

[you-9]

السلام عليكم
بخصوص موضوع الرسوم على خدمة Gpsقبل سنتين كانت هناك مشكله بين اوربا وامريكا على الرسوم فاروبا تقول لابد من رسوم لتكون الخدمه واضحه ومن حق المشترك الشكوى على من يقدم الخدمه لكى لاتصبح على كيف من يقدمها يقطعها كما يشاء وبعد هذا الجدل اخرج الكونغرس الامريكى قانون ان الخدمه مجانيه الى 2015 على ما افتكر او2012وكل عام انتم بخير
ملاحظه: الخدمه التى اتكلم عنها هى الخدمه العاديه وليست التى بها مميزات مثل الارصاد او ازدحام الشوارع والمسجات ...........الخ

[ابو ســــاره]

على حد علمي ان الجهاز من المصنع يكون مشحون بعدد ساعات تشغيل معينة بحدود الفين ساعة يعني مدفوعة الاجرة مسبقاً وفي حال انتهاء الساعات يفقد الجهاز الاستقبال . والله اعلم