العيد خلص وين قضيتوووووووه !!!!!!!1؟

[ابو الشمقمق]

كل عام وانتم بخير
ومن العايدين
وتقبل الله طاعتنا وطاعتكم
وعساكم من عواده ان شاء الله كل عام




هاه عطونا اخباركم العيد وين قضيتووووه وين رحتوا ووووين جيتوا




ابدا بنفسي
اما انا فصليت العيد بالرياض طبعا عند الشيخ متعب الطيار حفظه الله
ثم عايدنا الشيخ والمشايخ الحاضرين في المسجد والوالد وجميع الاحبة هناك

ثم البيت فالوالدة والمدام والاخوات
ثم الاعمام وابنائهم والاخوان والاقارب والاصدقاء



ثم نووووووووووومه
ويوم صحصحت زرت احد الاحبة
وكلمت الشقردية
الو هاه وينكم
نعم والله حنا حووووووووووول الحفنة تجيييي
طيب جايكم اجيب شيء
ايه جب قدر ضغط وفرشة كبيرة


وطلعنا بعد دوار الحفنة ب500 متر يمين لقيتهم هناك
واول مانزلت على طوووول قلطوا العشاء طبعا بعض ذبيحة لاننا قليل 7 احباب
وبعدها زبطنا شاهي ثم نوووووووووومة للفجر وبصراحة الجو بارد مرررررررررة وانا انايم داخل السيارة
وقمنا الساعة 4 وشبينا الضوء وزبطت القهوة احم احم احم
وبعدها طلعت لراعي نياق وضح هناك لنا علاقة به
وهاك ياحليب خلفات ووناسات ياربي لك الحمد
ثم رجعت للشباب وحصلنا الكبدة والمقلقل جاهز وبسم الله ( تراااااااااااي دب ) لاتقولون حليب ومقلقل وكبدة
ثم رجعت للبيت لان المدام زعلت علي
وواعدت الشباب الليلة بالثمامة وهم بيكملون الرحلة وابكمل الطلعة معهم
بس الله يستر لا يقولون جب نواقص معك ههههههههههههه


طوات عليكم بس اعذروني تخبرون عيد يعني تكثر السواليييييييييييف

[رحـ R ـال]

يل مال العافية ..

ما شاء الله عليكم شقردية ..

أما حنا والله أول يوم استراحة من الصبح الى الظهر ثم من العشاء إلى الليل مع الخوال والعمان والأهل ..

قسم بالله اشغلونا بالاستراحات .. ولا بعد شروح تشلخ الراس من قوتها

والله يا زين البر بس ..

إن شاء الله أغدينا نروح للثمامه أو شئ ..

هئ هئ هئ وإلا قصرناها في الدايري عند الالعاب النارية ..

[ابو الشمقمق]

هاه وين الناس

[القيعه]

اخوي ابو المشمقمق
انا قبل العيد خذ رجال روحات وجيات وفله علا كيفك
اما يوم جا العيد لا والله مهيب هي زحمة العيد ما خلت الواحد يفضا بس
الله يعيننا ونتخلص من زحمة العيند ونبدا مشوار البر والصيد والوناسه
هذا الي عندي
معليش انا أسف ما طولت عليكم سواليفي قصيره لأن كل الي قالوه الشباب صار معي وإذا ما كان كله فأغلبه صار هههههههههههههه

[ابو الشمقمق]

اشكرك اخي القيعة على المرور
وعسى الله يجيب الخير خاصة مع دخول الوسم بعد بكرا

[ابومليح]

اما انا
فقضيت العيد بالدوام

[الشدوخي]

أولا .. كل عام والجميع بخير .. وأعاده الله علينا وعليكم أعوام عديدة والجميع بصحة وعافية .. وتقبل الله مننا ومنكم الصيام والقيام والصالح من الأعمال ..
ثانيا .. أما فيما يخص إجازة العيد .. فأننا قضيتها على النحو التالي .. ليلة تسع وعشرين في الرياض ويوم تسع وعشرين بعد في الرياض .. أما ليلة العيد فالحمد لله قضيتها كامله في الرياض .. وفيما يخص يوم العيد الأول فالحمد لله كان النهار والليل حافل بالنشاط ما بين الأهل والجيران وجماعة المسجد ولله الحمد أما في الليل فالحمد لله انا بصحبة العائلة في منطقة قريبة من أستاد الملك فهد الدولي مو علشان نلعب كورة لا ما كان فيه مباراة بس علشان الألعاب النارية .. والعيال الله يحرسهم حريصين مررررررررره على الألعاب النارية .. حتى أنا والله أحبها .. أما اليوم الثاني فبدأت رحلة العمل وأعاننا الله عليه حتى عودة الموظفين إلى أعمالهم يعني مداوم إلى يوم الجمعة بأذن الله .. وعسى ييسر أمر الجميع .. وعذرا على الإطالة ولكن الفاضي يعمل قاضي .. والسلام ختام .. محبكم أبو نايف

[ابو الشمقمق]

اشكرك اخي الشدوخي على المرور

[الكهف1]

هههههههههههههههه
اجل دب

[شبح الصحراء]

صباح العيد سحبتها نومة للعصر وبعدها قمت عايدت أمي وأخواني وتكشخت بثوب العيد وطلعت عايدت بعض الأقارب من كبار السن وبعدين رحت لربعي وعايدتهم وبقية أيام العيد راحت مابين النت وبين المقاهي بصراحة عيد الفطر لا يقارن بعيد الأضحى عيد الأضحى أحسن لأن فيه شوي ووناسة وطلعات بر وخيام ، عيد الفطر عيد رسميات بس وكل عام وانتم بخير .