عسى الله يستر عليكم

[الهضب]

السلام عليكم ورحمة الله وبركاته...


مساكم الله بالخير جميع....

بصراحة الوضع الحالي ماش ومثلكم خابرين

والله اني خايف ان المقناص هالسنة يكون بام صتمة وبس!!!

لكن عسى الله يزينها .. واليكم هالبيتين الخفيفة والمتواضعة حول هالموضوع...

واتمنى تحوز على رضاكم.


جهزوا لي ام صتمة جهزوها=واشتروا لي من ذخيرتها درازن
واضبطوا نيشانها لي واوزنوها=واحذروا بالهون يختل التوازن
والشوازن في خباها كفنوها=وادفنوها يالنشامى في المخازن
وش حياتي ياعرب لوصادروها=لو رموني في غياهيب الزنازن

[المسفهل]

رااااااائعة حلوووووة والله ياالهضب إنك ما عدوت الحقيقة ...

أبيات جميلة ومعبرة بصدق عن الوضع اللي نعيشه في هذه الأيام .

مشكور وننتظر مثل هذه الأشياء الخفيفة .

[الفهد]

تسلم تسلم يالهضب وصح السانك
واللة يعدل عوجها يسهلها ان شأللة وابشر بالصيد والمهاد
الطيبة وتراها سهالات الشباب عارفين ان القنص محد يرد راعية على قولت القايل
{{ راعى الولة ماهو عن الناس نشاد

[ميراج]

الاخ الهضب السلام عليكم

صح لسانك على الابيات المعبره اللى جت فى محلها

ولاكن المشكله حتى ام صتمه توخذ منك عند التفتيش قبل يومين رايح اراجع مركز الثمامه على شان 4 صتمات
تقبل تحيات اخوك ميراج

[تالي الاولين*]

.


ايه الله اقوى

لكن قانصين قانصين انشاء الله لو بنباطة ..

وغلطتنا يالربع يوم العالم طق عصي عشان التراخيص

وحنا مطنشين لكن اول مايفتحون التراخيص

نبي نرخص زي العالم

ونتريح


.

[الهضب]

الله يسلمكم وماقصرتوا يالربع

والله لايحدنا على النباطة

والله يرزق الجميع بالصيد والفيد

[راعي مرات]

الغالي00 الهضب

صورت عشقك للقنص00فأبدعت000

يا أخي المقناص000والولع بالطيور000عشق000وليس تصنع00


وهذه تجد الله غرسها في الإنسان00يتنومس وتزين علومه إذا تحقق له مقناص00يوسع خاطره


علوم غانمه000وأنت من أهلها أيها المبدع00

أمتعتنا متعك الله على طاعته00

يسلم رأسك ويدوم عزك0000

[الهضب]

الله يسلمك اخوي راعي مرات


والله يعين الجميع على طاعته

وكلامك ذكرني بشطر من قصيدة طويلة

للشاعر عبدالله بن سبيل رحمه الله ويقول(الصيد ولعة ما على الله كناية)

[دغيم]

أخوي الهضب
صح لسانك وأبيات حلوه لاكن أنشاء الله المقناص
حاصل بس وشلونالله أعلم يمكن يتغير الوضع.

[راعي مرات]

الغالي000 الهضب

تحية طيبة وبعد00
ــــــــــــــ
وكلامك ذكرني بشطر من قصيدة طويلة

للشاعر عبدالله بن سبيل رحمه الله ويقول(الصيد ولعة ما على الله كناية)
ـــــــــــــــ
أخي كما ذكرت هذه القصيدة معروفة للشاعر المرحوم عبدالله بن سبيل منها/

يوم الركايب عقبن خشم أبانات= ذكرت ملهوف الحشا من عنايه
000ومنها
أخذت لي في ماضي العمر سجات= يوم الهوى قايم وأنا أتبع هواية
0000ومنها
واليوم شبت وتبت عن كل مافات= وطويت عن كل الموارد رشاية
000ثم يقول
لولاي أوسع خاطري بالتنهات = وأبصر بحالي من خلاي بخلايه
لاأغدي كما المذهب وأرمي بالاصوات= خبلٍ على ماقال راعي الروايه
بأهل الهوى من شارب الخمر شارات= وبهم من اللي يطرد الصيد شاية
شارات راعي الخمر فاقه وسكرات= والصيد ولعة ماعلى الله كمايه
000حتى نهاية القصيدة


شكراً أخي000وأسمح لي بهذه المداخلة0000

[الراسيـــــــ]

يعطيك العافية على هالقصيدة الجميلة
وسلم اخوي الهضب






الراسيــــــــــــــــــــــــــ
alnfod@hotmail.com




.