استفسار للجميع عن مرض في الابل

[mej]

السلام عليكم

معروض عليك ناقه طيبه

وفيها ذيبه

وانت ما تبي الا انتاج

والذيبه كسرت سعرها

هل تشتريها؟؟؟؟؟؟؟

هل اشتريها نظرا لنزول سعرها يا اخوان ثم انتج عليها او ما يستفاد منها لسبب ما ((مثل ان المرض ينتقل للي في بطنها))؟؟؟؟؟؟؟

[خيال الصبحا]

وعليكم السلام ورحمة الله وبركاته
الأخ mej
جواب سؤالك على
حسب الوضع ، أن كانك
تبي تنتج وتبيع اشترها ، أما ان
كانك تبي تفحل انتاجها ماانصحك أنك
تشتريها ، وشكرًا

[mej]

يعني المرض ينتقل ولا ما ينتقل؟؟؟؟؟؟

[حصاة رزاح]

المرض مايجيكم لكن مرض الابل هل ينتقل الى الانسان

[mej]

يالربع اقصد المرض ينتقل من القحه للي في بطنها ولا ما ينتقل للي في بطنها

[خيال الصبحا]

يالربع اقصد المرض ينتقل من القحه للي في بطنها ولا ما ينتقل للي في بطنها
الأخ mej
الذيبة تنتقل بالوراثة
يعني الفحل او الناقة الي
فيها ذيبة غالبًا يورث(سواءً بان
المرض ، أو بقى الانتاج حامل له فقط)
يعني كانك تبي تفحل طرحها لا تشريها من الاساس
أو بعه ، على كل حال قرأت قبل انه فيه علاج للذيبة(والقليل
الي يعرفه،وانا ماني متاكد هل هو فعال او لا؟؟)وانقله لك كما قرأته
مع بعض التعديلات اللازمة
***
الدواء هو/ابرة هيموبلكس HEMOPLEX بجرعه 15 سيسي مرتان بالاسبوع ويمكن الاستعاضه عنها بابرة B COMPLEX اذا لم نجدها فهي تؤدي نفس الغرض واظن النوعان متوفره بالصيدليات
وحبتان نحاس ايضا بالاسبوع لمدة اربع اسابيع(إلى الثلاث شهور)
والذيبه بحاجه لتلك الفتره وذلك لنمو اعصاب جديده بدل التالفه
ولسرعة العلاج يمكن اضافة فيتامين بي 1 B1 المركب وفيتامين اي سيلينيوم
E SELENIUM
والعلاج ماياثر على اللقحة
ومكان اعطاء الابرة بالرقبه بعد بداية الرقبه بشبرين تقريبا وبالعضل والجرعه
***
وشكرًا

[mej]

لا هنت يا خيال صبحا وبيض الله وجهك ولي مجرب او قد سمع من الاخوان يفيدني

هي ناقه ولقحه وزينه و ودي اشتريها لاجل الي في بطنها فهل فيه خوف من الي في بطنها وهل يمكن اني اضربها واقدر انتج عليها يعني ما يأثر على الي في البطن

[راع المهيلات]

الذيبه ليس مرض وراثي ولا ينتقل لاولاد الناقه المصابه
واشتر وماجاك عندي عندي اكثر من ناقه فيها ذيبه وعيالها مافيها الاالعافيه
اسئل مجرب

[نايف الذيب]

السلام عليكم



معروض عليك ناقه طيبه


وفيها ذيبه


وانت ما تبي الا انتاج


والذيبه كسرت سعرها


هل تشتريها؟؟؟؟؟؟؟



هل اشتريها نظرا لنزول سعرها يا اخوان ثم انتج عليها او ما يستفاد منها لسبب ما ((مثل ان المرض ينتقل للي في بطنها))؟؟؟؟؟؟؟

الذيبه ماتنتقل للحوار اشترها وتوكل علي الله

[راعي شرهه]

الذيبه غير معديه بس اشتر وتوكل على الله

[ابو الشباب3]

مثل ماقالو الاخوان اشتر وتوكل على الله من اتكل على الله كفاه الشر الله يبارك لك فيها

[شليويح السر]

طيب يا اخوان الذيبة اللي في الناقه تخليها تذب عيالها

[مسيطر]

الذيبه ياإخواني الكرام مرض وراثي 100 في 100
واقوله من واقع تجربه ويمكن مايبين على الانتاج الا في سن متأخر
واقول ياخوي ابعد عن الشر وغنيلوا
أخ شليويح السر الذيبه ماتخلي الناقه تذب عيالها

[لندا]

mej (http://www.mekshat.com/vb/member.php?u=40160) http://www.mekshat.com/vb/images/statusicon/user_offline.gif
مكشاتي متواصل

اشترها والتوفيق على الله


الناقه الزينه ماتعذربها الذيبه


وماهو بشرط انتقال الذيبه لانتاجها

احتمال يظر في انتاجها واحتمال كبير مايظهر

وهذا الكلام اقوله عن تجربه طويله جدا مع الحلال

[القصاف]

اسف على هذا الاستفسار ياليت تجيب لي اسم المرض بطريقه علميه حسب ماهو موثق بالمراجع تبي تقولي ليش احنا مسوين قروب اطباء بيطريين ونحاول نجمع اكبر قدر من الاسماء العاميه للأمراض طبعا تبي تقولي ليش مره اخرى الطبيب البيطري مايعرف يشخص الامراض الا اذاكانت الحاله موجوده عنده طبعا مو كلهم في اطباء عندهم حلال ويعرفون هذه الاسماء . نرجع لموضوعنا .
السبب هو : توفير نشرات بالمنتدى وكذلك نرد على كل تساؤلات ملاك الحلال من حيث الامراض لأن هذه الاسماء تكون غريبه علينا ولانعرف المرض الا باسمه العلمي وشكرا

[حمود2001]

:no2: :no2: :no2: :no2: :no2: :no2: :no2:

[الغاط الحصين]

اخواني عندي ناقة خلفة تعبانة ضعيفة جداا
واكرمكم الله اسهال
وضربناها قبل اسبوع


ارجوكم افيدوني

[بن ردعة]

السلام عليكم باختصار شديد الذيبه مرض مستعصي لاعلاج له وفيه ذيبه خفيفه وفيه ذيبه قويه يعني اذا كانت ذيبه قويه لاتشتريها واذا كانت خفيف الدعوى حظ واللي في بطنها مايجيه شي بارادة الله سبحانه وشكرا

[سناعيس سناعيس]

السلام عليكم ورحمة الله وبركاته اسعد الله اوقاتكم هذه اول مشاركة لي معكم وهذا يسعدني جدا ..لدي سؤال ..عندي ناقه كنت احلبها وماعندها خلاف لكن تغيرت تالي تجي تلقاها مخالفه والا نحاول نحلبه ماتعطف ابد ولا توقف لولدها وولدها احيانا يعيي يرضعها..اكلها ممتاز ..ولدها بهالسنه او يزيد شوي اول مسوح ولده فالشبك ونحلبها دون اخراجه وش رايكم

[راع الريمة]

لاتشتريها ولاتقربها....

ترى الذيبة تزيد...بعد فترة الناقة ماتقوم...غير تجيبلها ونش يرفعها....اببببببعد

أنا عندي جمل طيب بالحيل وجاته الذيبه وبعته على واحد قال أبتطبب فبه وبلاخير باعه جزاااااااار

[دحام متعب]

السلام عليكم
أفيدونا يا هل الخبرة أنا عندي ناقة بعرقوبها ورم ويابركت تبرك على جنب وهي لقحه,هل لها كي أو دبره,
الثانية عندي بكرة مفروده شدينا يدها على جنب وكأن صار فيها ضلع وورم بالركبه هل لها كي كذلك.جوالي لمن أراد الإتصال والإفادة 0598550546