الصقور واسعارها بين الواقع والخيال ( شارك برايك)

[الرّمااااي]

السلام عليكم ورحمه الله وبركاته
في السنوات الاخيره ارتفعت اسعار الصقور بشكل خيالي حتي وصل الي مليون ومئتين الف وغيره الكثير الي مايخفي عليكم ولو كان بكيفي لما تعدي سعر الطير اكثر من 50 الف ريال او 4 الاف دينار للنادر جدا والطير الناهي اما غيره فاقل من هالقيمه ولا تقولون لي هذا طير وحر والي مايعرف الصقر يشويه لان فعلا الي مايعرف الصقر يشويه ولكن ليس انا فانا اعرف الصقر معرفه متوسطه ومعلوماتي كافيه لي اني اصقر واقنص فيه ولكن انا اتكلم عن السعر ولكم الراي

[خيال الصبحا]

السلام عليكم ورحمه الله وبركاته
في السنوات الاخيره ارتفعت اسعار الصقور بشكل خيالي حتي وصل الي مليون ومئتين الف وغيره الكثير الي مايخفي عليكم ولو كان بكيفي لما تعدي سعر الطير اكثر من 50 الف ريال او 4 الاف دينار للنادر جدا والطير الناهي اما غيره فاقل من هالقيمه ولا تقولون لي هذا طير وحر والي مايعرف الصقر يشويه لان فعلا الي مايعرف الصقر يشويه ولكن ليس انا فانا اعرف الصقر معرفه متوسطه ومعلوماتي كافيه لي اني اصقر واقنص فيه ولكن انا اتكلم عن السعر ولكم الراي
وعليكم السلام ورحمة الله وبركاته
الاخ الرمااااي
أول الطيور واجد والصقاقير
قليل ، والحين العكس ،والخمسين
الف اول تعادل خمسمائة الف الحين
(إذا ماهو اكثر) وشكرًا

[yahoo]

صدقت أخوي والصراحه طيور ماتستاهل هالأسعار العاليه
كلنا شفنا الطير الي بيع بمبلغ 100 ألف في مدينة حفر الباطن
والطير الصراحه زين لاكن مايسوى هالأسعار يعني حده 30 ألف ولاكن أخوي التجار لهم رأي أخر
يعني يعرضه على أمير وتخبر يعطيه من الرخيص " ياطويل العمر الطير نادر ويوم شفته طريت علي
وقلت لازم أشتريه " ويقوم الأمير ويعطيه دبل السعر الي شراه فيه
ومثلك خابر
والصراحه أعجبني أبن عون يوم يفك سبوق طيره ويهده
مادري فكه صحيح أو تصوير شعري مادري

[فتى باريس نجد]

(الزين غالي لاكن الازين اغلى ) بس الطيور هسنة غالية مررررررررررررررررررة
سوا الزين او الشين

[((الخالدي))]

لاتعليق الموضوع

[الهوى]

اضم صوتي مع صوت الشباب

[الرقعي]

كل وهواية وكل وده الطير الزين معه لذللك بيرتفع السعر ام الطير العادي مراح يرتفع سعره وقد الحافك مد رجليك وشكرن

[ابن برقاء.]

والله الي اعرفه ان او ل قبل عشرين سنه اقيامها بسيطه لين الناس يستخدمونا للقنص وقناصين صحيح امى الحين كل من هب ودب حط عنده طير حتى لو زينه وكذا ارتفعت اسعارها بالذات اقبال الطبقة العليا على شرائها للمفاخره فقط لاغير

[طواش]

الطيور بنشتريها لكن المقناص !!!! صار شبه مستحليل الطير ممنوع دخوله وسفره

[قلب ذيب]

حياكم الله
في خضم تصاعد الاسعار عالميا ارتفعت اسعار الطيور , كما ارتفعت اسعار الابل وكذلك الغنم ( خاصه غنم المزاين )!! التيس ب50 الف ريال وفيه ب400 الف ريال هل هذا يعقل !
- - لذلك لانستغرب من ارتفاع اسعار الطيور خاصه ان هناك حجر على تداول الطيور الوحش وتسويق لطيور الجير , لكن بصفه عامه نجد ان الطيور مازالت أسعارها معقوله حيث تتوفر انواع باسعار رخيصه
ونوادر بأسعار مرتفعه 0 لكن المشلكه فعلا --- وين المقناص !! ومن هو الذي يحمل الطير حاليا !! كلها أمور يطول شرحها والحديث عنها , لكن الواقع يؤكد زيادة حملة الطير ورياضة المقناص وهذا شيء طيب لانه يساهم في رفد التراث والعادات والتقاليد 0

[هبوب]

من بغا الدح لايقول اح

[راعي الشهامه]

يارجال خلها على ربك كل شي زاد سعره

[مبارك 1]

السلام عليكم جميعا

الاخوان اللي يقول شريطي شراء بميه ويدخله على امير ويقول ويقول

ترى الدعوه شطاره والرجال يطلع نفسه

واللي مايطول العنب يقول حامض

تحياتي للجميع

[الرّمااااي]

اخوي مبارك 1 هالشريطيه هم سبب الغلاء ولا طير ميه الف والله من الفسقه كله طير وتبي تعابل فيه وتعالج ليما تتعب لا وهذا اذا ما مات او ضاع او مرض انا اقول الي مهو امير وفلوسه زايده ويشتري طير غالي ماعنده سالفه يعني قاطع جاده وسامحونا

[مبارك 1]

الرماااي

كل واحد وله وجهة نظر

وانا اخالفك الرأي ولاهو قاطع جاده

اذا الرجال بياخذ بميه ولا بعشره ويعرف وين يصرف الطير هذا مو غلط

ياخوان البيع والشراء في كل سلعه وبعض السلع طيب وقيمته فيه

ياخوان الطير اللي تقولون 100 الف عند سلطان بن عبدالعزيز

وشلون مايسوى هالقيمه انتو شفتو الطير على الطبيعه الطير طيب ويسوى القيمه

وتبقى كلها وجهة نظر

تحياتي

[رضوان]

السلام عليكم
اهلين اخواني انا بصرحه لاحظ الشي هذا زمان كانت الامور هذي يعني اسعاد الطيور غاليه بس بعدين اصبحت معقوله بس السنين الاخيره وبالاخص السنه اصبحت اسعار خيليه ومرتفعه يعني اشوف السنه شخص طرح طير يسمونه ب13 الالف وموراضي يبيع ومع انه طير صحيح غليط بس عادي يعني احنا نسيمه نداوي فاتح وغيره وغير والشواهين الفروخ الزينه توصل حتي 10الف وبصراحه السوق صاير نار وللمعلوميه النظريه هذي عندنا بالذات لقلت طرح الطيور من بداية الطرح لليوم انطرحوا اثنين شواهين فروخ وشاهين قرناس هواء و8او9 صقور بس في ليبيا كلها يعني قليله بصراحه والله يستر علينا وعلى كافة المسلمين
مع تحيات خويكم رضوان