يا اهل الشرقية ..طلبتكم

[بالول]

سلامي الحار لكل الاعضاء وكل عام وانتم بألف خير

يا شباب ابي منكم الي يعرف بالضبط وين يكون موقع منطقة
" لعقير "
يقول لي
وياريت لو يحددها ببرنامج القوقل....
يعني يعطيني احداثيات المناطق الي يحدقون بيها

وبماذا تشتهر من سمك اذا رحت اصطدت فيها ؟؟

وهل يوجد بها خدمات ومرافق ام صحراء؟؟

لان الشباب ناويين هالخميس والجمعة يروحون هناك ويبيتون ....

ارجو افادتي عنها بكل الملاحضات ....لاتبخلو عليي ...اعرف انكم كرماء:)

اهم شي حددو الي الموقع بلحداثيات بالقوقل .... الله يخليكم بسرعة قبل يوم الاربعاء...بليزززززز

[طحنون]

الاخ العزيزبالول
الطريق الى العقيرله عده اتجاهات الطريق الاول اللي قادم من الدمام اتجه الى الهافمون اذاوصلت التقاطع الرئيسي لمدخل الهافمون اجباري يمين ابتل الى حتى شاليهات قريه النخيل قبلها بيجيك طريق لف معه يمين
اذالفيت يمين بيجيك شبك لميدان الرمايه للبحريه هاذا الخط يوديك الى العقيرابتل حتى يجيك القريه وارامكو
وحتى يجيك مركز شرطه اطلع معه يسار
حتى يجيك اعمده اناره ولوحه صغيره مكتوب عليها شاطي العقير هاذا الشاطي الجديد اللي سوته البلديه والشاطي القديم اللي فيه المينا تواصل على طول الى ان يجيك دوارويسارك مركزحرس الحدود هاذا الشاطي القديم
والطريق الثاني من بقيق والطريق الثالث من الحساء الى ان تصل من طريق تقاطق العيون والطريق الرابع من القرى الشرقيه من الطرف والجشه والجفر
طبعا العقيرمن الهافمون مسافه 65 كيلو تقريبا
والطريق الخامس بالهلكبتر هههههههههه
بالنسبه للعقير الصيد فيها ضعيف جداجداجداجداجدا................جدا الى ماله نهايه والرزق على الله
واذابتصيد بالغزل اوشبوك كبيره الاحتمال يرتفع شوي لان في مناطق خاصه للصافي
لاكن اكثرمايضرب الغزول البدح والقرقفان والحاقول والنيسروالضلعه
وانت تبي السبيطي والشعوم والشعري والهامور........
طبعا المنطقه تغيرت 180 درجه عن السابق
والصيد بالسناره يعتبرمن الحظوظ اقصد الصيد الثمين مثل السبيطي
وبالنسبه للمواقع كل وله رايه في الموقع ناس تتعدى مركزالقصاروناس عنداللسان اوراس حربه مثل مايسمونه واول ماتخش البحر يستقبلك الحاقول وبالنسبه بالليل انتبه تولع الكشاف اواي شي يلمع
لان الحاقول والدويلمي يجيك منطلق ويصدم في الجسم المنورويمكن يصدم بك انت شخصيا والحذرواجب
لاكن الله يوفقك ...................
واذا تبي النصيحه اذا عندك فرقه مدمره رح (يعني ناس راعيين بحر)
علشان تعملون تسكيره ممتازه ويضرب معاكم الحظ بالشعوم والسبيطي
واذا انك رايح علشان حداق بيروح تعبكم خساره
طبعا فيه المناطق اللي بعد العقير مثل الزخنونيه وأم حويض يمكن افضل من العقير
بس لازم تمرعلى مراكزحرس الحدود وتأخذالاذن منهم وتبين موقعكم اللي متجه له ...............
واللهيوفقك

[عندق]

أخي طحنون ما أضنه قصر معك .
ومثل ما قال سناره راح تتعب ورزق على الله.

[ابو فوزي]

احداثيات بداية الطريق المؤدي الى العقير :
n 25 36 33.05
e 49 32 44.21
مع وجود لوحات ارشادية للقادم من الاتجاه الشمال وللقادم من اتجاه الجنوب لهذا التقاطع تبين جهة الشرق ( E ) هو المؤدي الى العقير ..
اذا وجهتك الميناء القديم فلا توجد هناك خدمات عامة سوى مظلات قديمة بدون حواجز للجوانب وبقالة متواضعة الاغراض مقابل مقر سلاح الحدود .
واذا غيرت الجهة الى الشاطيء الجديد ( البلدية ) التي ذكرها اخونا طحنون قبل الدوار توجد هناك مظلات ومواطير ايجار وبوفيه متنقلة والايام هذي اعياد بتلاقي سيارة ايس كريم والمكان زحمة يعني زحمة ... وارى انه مع الازعاج لا تدور سمك . وموفقين خير

[بالول]

الف شكر الك اخي طحنون......... والله ماقصرت وجاوبت على كل الاسئلة وزود

الله يوفقك ويحفضك وريعاك بعينه الي ماتنام...

طيب اخوي هل يوجد منطقة غير لعقير بنفس الاتجاه تنصحني بلاتجاه اليها للصيد تكون احسن من لعقير؟؟؟

والشكر طبعا موصول الى اخي عندق واخي ابو فوزي.... ومشكور على الاحداثيات..

[طحنون]

الاخ العزيزبالول
عندك رأس ابوقميص ممتاز والوقت الحين مناسب للصيدوكذالك الجو تحسن شوي

[ترتيب]

ام انا لك الدعاء مني الله يوفق ترجع بالصيد الوفير
الشباب ماقصرو

[بالول]

الاخ العزيزبالول

عندك رأس ابوقميص ممتاز والوقت الحين مناسب للصيدوكذالك الجو تحسن شوي
اهلا اخي طحنون

في وين تصير ابو قميص؟؟

والله دايما اسمع عنها بس مادري في اين تقع ؟؟؟

ياريت لو تقل لي هي في وين وباي اتجاه؟؟

وكم تبعد عن لعقير؟؟

ويش انواع السمك الموجودة بيها؟؟

(( معليش باتعبك معي اشوي))

وياريت لو تعرف تحط الها احداثيات على القوقل

الله يحفضك ويرعاك ويجعلها في ميزان حسناتك

[الوعدالصادق]

ماقصرو الشباب انشاء اللة يجاوبك على كل اللي تبي

[طحنون]

مافي داعي اعطيك الوصف اروح معك احسن





























طيب ماتبينا نروح معك
الوصف طال عمرك
انك تمسك طريق سلوى اذاوصلت سلوى رح صوب مركز حرس الحدود القياده وخذالتصريح منهم بيطلبون منك
صورلبطاقه الاحوال لك والمرافقين وصوره من استماره السياره
وبعدماتاخذالتصريح اتجه الى طريق البطحاء الامارات طبعا من سلوى ملف راس ابوقميص تقريبا 75كيلو
اذاوصلت اللوحه اللي مكتوب عليها ابوقميص من اللفه الى البوابه ابوقميص تقريبا 37كيلوياخذون من التصريح
وتتكل على الله وتمشي الى ان تأتيك للوحه مكتوب عليها منطقه متنزهين طبعا الشاطي طويل وفيه عده مواقع
والافضل الراس اللي مقابل الجزيره وكذالك الجزيره نفسها رقم واحد والوصول اليها بسيط وقت ماتروح المويه
يعني جزر تفاصيل الموقع يطول شرحها يعني لازم اروح معك

[بالول]

الله يسلمك اخي طحنون وتفضل معانا تراك والله في لعيون والقلب.... الله يحييك

وتشكر على الوصف في لعقير وفي ابو قميص

والحين الشباب رايحين على لعقير في هذه الدقائق ( انا جالس استناهم الان يمرون علي ونمشي )
احنا حوالي 14 شخص ونشاء الله بنبات هناك الليلة وبكرا نجي

ونشاء الله نحاول نبلغهم عن سالفة ابو قميص والصيد الي بيها
ونشاء الله نشد اليها الرحال في اقرب وقت ممكن

الف شكر اخويا طحنون وخويا الوعد الصادق ( ماشاء الله اسمك عاجبني يذكرني بلبنان )