المساعد الشخصي الرقمي

مشاهدة النسخة كاملة : زلاجــــــة رمــلــــيــــــة للــمــتــعـــة الــبــريــــــــة !!


عاشق السيل
16/10/2007, 08:48 PM
السلام عليكم ورحمة الله وبركاته ،،


هذه الفكرة قديمة وكثير من الكشاتة يعرفها والبعض مر عليها بالتجربة على قطعة قماش أو كفر أو أي شي يؤدي نفس الغرض ،، ولكن الجديد فيها أني مارأيت من قام بتصميمها بشكل مناسب وآمن يزيد من المتعة في استخدامها أثناء الرحلات البرية ،،


لذا قررت التصميم ثم التنفيذ وأخذ كل الاحتياطات في المتانة والمقاسات لتناسب الجميع وتقدم أفضل مايمكن للاستمتاع على الرمال وقد فاقت التوقعات ولله الحمد بنجاح باهر ،،


وحتى لا أطيل عليكم اترككم مع الصور علما أن المقاس :
الطول : 65 سم
العرض : 50 سم
الارتفاع : 10 سم
التكلفة : 50 ريال عند أقرب نجّـار !!


http://www.m5zn.com/uploads/cafc710cca.jpg (http://www.m5zn.com)


http://www.m5zn.com/uploads/dda8d17f7b.jpg (http://www.m5zn.com)


http://www.m5zn.com/uploads/3e3f83a269.jpg (http://www.m5zn.com)


http://www.m5zn.com/uploads/16bf530dd9.jpg (http://www.m5zn.com)


http://www.m5zn.com/uploads/989f1c7df5.jpg (http://www.m5zn.com)


http://www.m5zn.com/uploads/a8b4f9e509.jpg (http://www.m5zn.com)


وبما أن الابتكار ناجح 100% فقد قررت أن أصمم نفس الزلاجة لكن من الحديد لزيادة المتانة والقوة مع بعض التعديلات مثل وضع اسفنج لراحة الراكب والطول يكون 80 سم بدل 65 سم والارتفاع يكون 20 سم بدل 10 سم لكي لايتأذى الراكب من الرمال المتطايرة ،،،


أتمنى أن تكون حازت على إعجابكم وتقبلوا تحيات أخوكم عـــــاشـــــق الـــــســـــيــــــل ...
وسيـع البـنايد
17/10/2007, 05:09 AM
والله إنها مشكلة ..

إذا شفتهم متعلقين ومستانسين قلت ماعليه وإذا فكرت في اللي ممكن يصير من قطعة حديد أو زجاج
يسبب مشاكل للأطفال خفت عليهم .. لكن الفكرة ناجحة أخوي عاشق السيل
ارتست
17/10/2007, 02:02 PM
يسلمو عاشق السيل
وكل عام وإنت بخير (ليش ماترد على الجوال)
حلوة الفكرة بس ودي ازيد طولها عشان تاخذ شخصين
اما من ناحية كلام اخوي3210 فالزجاج ماظن يوصل للراكب وهذي ميزتها
مـدحـدر
17/10/2007, 02:04 PM
هي صحيح مسليه

ولكن مخاطره اكبر وخصوصاً على الاطفال

والمراهقين المتهورين
عاشق السيل
17/10/2007, 06:12 PM
أخوي 3210 : أطمأن مافيها أي خطورة خاصة إذا كنت في منطقة نظيفة ولأنها مرتفعة عن الأرض والخشب قوي لأي طارئ وهذا من واقع تجربة ،، وأشكرك على مرورك الكريم ..

أخوي أرتست : حياك يالغالي وكل عام وأنت بألف خير وتراك مادقيت على الجوال وأنا مستحيل أجحد أي رقم ولي كل الشرف على المرور الطيب ..

أخوي أبخص : صحيح إنك أبخص لك أطمنك ترى مافيها مخاطر وهي عموما ماتصلح لأقل من 10 سنوات والقضية كلها ترجع للسواق لايكون مطفوق وهذا أهم شي !! وسلمت يالغالي على المرور الكريم ..


.
تلسكوب 1
18/10/2007, 08:19 AM
فكره رائعة تستحق الاشاده بها وتشكر على ماقمت به
خالد940
18/10/2007, 08:49 AM
تسلم يا الغالي .
s3ed
18/10/2007, 12:02 PM
لو كانت الارضية اللي تحتك بالرمل من الفيبر جلاس بتكون سريعة


انا مسوي نفس الحركية بصينية من اكبر حجم
عاشق السيل
18/10/2007, 06:15 PM
تلسكوب 1 : الله يخليك وهذا من ذوقك يالغالي ،،

خالد 940 : الله يسلمك وشرفني مرورك ،،

سعيد : أكيد الفيبر أفضل لكن مايتحمل كثرة اللعب عليه لأنه معرض للكسر إلا إذا كان من النوع المتين مرة وياليت تحط صورة للي عندك علشان نستفبد منها وتسلم على المرور يالغالي ،،،



.
ابو عمر النوح
18/10/2007, 06:53 PM
أنا أسويها مع أولادي بقماش خيام مفصله و له مقابض جانبية للتمسك و حزام أمامي للواير
و فكرتها بالخشب عملية أكثر و لكن لو انها أطول عشان تاخذ ( 2 ) أحسن
و بعدين المفروض إن السائق ما يتعدى سرعة ( 30 ) ك /س عشان لو طاح واحد من الأولاد ما يضره شيء بإذن الله .
عاشق السيل
18/10/2007, 07:25 PM
صدقت يابوعمر وكلامك على متمه ،، بس القماش معرض للخطر من أي شي ممكن يشق القماش ويأثر على الراكب !!

وزي ماقلت ناوي إن شاء الله أسويها من الحديد وأزيد بالطول شوي ،،

شرفني مرورك يالغالي ....




.
ابوقاسم
19/10/2007, 04:50 AM
ما شاء الله عليكم
راح الصيف وبدت الافكار الترويحية تطلع من مخباها
افكار ولا احلى
وتسلمون
هاوي الخرج
19/10/2007, 05:52 AM
والله فكره ولآ أروع
وتستاهل من يسويها
مشكور اخوي على الأختراع
ماشاء الله ... الله لآيضرك
تقبل مروري
عاشق السيل
19/10/2007, 02:51 PM
أبوقاسم : الله يحييك وسلمت يالغالي وشرفني مرورك ،،





.
عاشق السيل
19/10/2007, 02:53 PM
هاوي الخرج : ياهلا وغلا وهذا أقل شي نقدمه لأعضاء وزوار هالمنتدى الغالي والجاي أكثر بمشيئة الله وأسعدني مرورك الكريم ،،

لكن سؤال : اللي حول البرج ماء أمطار وإلا حركة فوتيشوب ؟؟!!



.
مشغول
20/10/2007, 10:23 AM
حياك الله

الفكرة حلوة ... وقديمة

والفكرة موجودة عند السنيدي شايفها من سنة مصنعة من الفيبر جلاس او البلاستيك المقوى قوية وانسيابية وغير ضارة لو طاحت على احد ... اما الحديد والخشب فهو خطير جدا ممكن ان يكسر او يفلق ...

ويا هلا بكم
عاشق السيل
23/10/2007, 05:36 AM
الله يحييك يامشغول ،،

وأنا عارف إن الفكرة قديمة مثل ماذكرت بالتقرير !!

أما اللي عند السنيدي شفتها بعد ماسويت اللي عندي الخشبية وحقة السنيدي حلوة مرة وتؤدي الغرض وعلى قولك قوية بس المشكلة إنها بـ 150 ريال وهذي كلفت 50 ريال بس !!

عموما أسعدني وشرفني مرورك يالغالي .....





.
مجتهد***
23/10/2007, 05:57 AM
كرة جميلة و مسلية

لكن مخاطرها أكيدة

على فكرة فكرتك ذكرتني بفلم الكرتون هايدي ( الله يذكر أيام الطفولة بخير )
قصرصالح البديوي
23/10/2007, 09:34 AM
السلام عليكم


أنا أبدي رأيي من نصائح ممكنه :
------ 1 تعريض الاطفال الىالغبار الناتج من حركة السياره .
------ 2 - تعريض الاطفال الى العادم ( دخان - كربون ) السياره .
------ 3 - اصطدام من قبل أحد المتهورين أو الغشمان من لايرى خلف السياره
من أطفال .
--------------------------------------------
والنتيجه مستقبلا حساسيه او ربو... لاقدر الله
فيه حلول غير جذرية :
ممكن نعملها في أماكن بعيده وفسيحه وتكون الارض ممطره والحبل طويل .



اطفالنا أمانه في أعناقنا ....
عاشق السيل
24/10/2007, 01:45 AM
أخوي مجتهد : أما هايدي هذي رهيييييييبة !!!!

وبالنسبة للمخاطر هذي واقفة على السواق نفسه إذا كان راكد مافيه أي مخاطر بإذن الله وحفظه ،،

وسلمت يالغالي على المرور الكريم ....



.
عاشق السيل
24/10/2007, 01:53 AM
قصر صالح البديوي !!!!

وعليكم السلام ورحمة الله وبركاته ،، كل اللي قلته صحيح ومايختلف عليه اثنين لكن ،،،،، بالنسبة للكربون فالراكب بعيد عن السيارة ومستحيل يتأثر بأي شي من الشكمان ،، وبالنسبة للغبار فلابد أن يكون المكان رملي ومافيه أي غبره وخاصة إن الراكب بعيد عن السيارة مثل ماذكرت سابقاً ،، أما الراكب فالأصل إنه كبير وبالغ وراشد وفاهم اللي يصير ومستحيل أركب طفل لايدرك شيئاً !! ومن ناحية الغشمان فممكن إنه يصدمك حتى لو كنت داخل السيارة والأصل أن يكون اللعب بعيد عن الزحمة وعن المتهورين والغشمان مثل ماقلت ولاتنس دور السائق وحرصه على سلامة اللي يجره بالخلف !!

وبيض الله وجهك على رأيك السديد وتراه في عين الاعتبار لكن الحمد لله وضعت الحلول قبل المشاكل اللي قلتا وعسى الله يحفظنا ويحفظ أبنائنا من كل شر ،، وأكرر شكري لك يالغالي على النصائح وعلى المرور اللي أسعدني وشرفني .....




.
عاشق السيل
28/10/2007, 03:28 AM
الله يرفع قدركم ،،،،



.
ابو ايمن
28/10/2007, 08:33 AM
ماقصرت على الفكرة الرائعة . اتمنى لك التوفيق .
ومشكور على الايثار
عاشق السيل
29/10/2007, 04:01 AM
حياك الله أبو أيمن ،،

بيض الله وجهك على المرور الكريم ،،

وسلملي على الذيب اللي بالصورة !!!




.
حامدي السيح
29/10/2007, 04:52 AM
الله يعطيك العافيه

بس احس انها مخاطرها اكبر من الفرشات

وفيه الكفر بعد يمكن اهون شوي
الوافي2008
29/10/2007, 05:41 AM
فكره حلوه وجميله والله يستر عليكم من كل شر
تقبل مروري اخوك الوافي2008
راعي ساموده
29/10/2007, 11:47 AM
فكره حلوه بس هذي تصلح بالثلوج
مهوب عندنا غبار وزبايل وقزاز
عقريص
29/10/2007, 01:56 PM
مشششششششششكور على الفكرة
عاشق السيل
29/10/2007, 08:03 PM
أخوي حامدي السيح ،،

بالعكس أنا جربت الفرشات وهي أخطر بكثير لأنها ملاصقة للأرض ومعرضة للتمزق من أي شي لاقدر الله ،،

سلمك الله يالغالي على المرور الكريم ....




.
عاشق السيل
29/10/2007, 08:05 PM
أخوي الوافي أشكر على هالدعوة الرائعة ،،

ولي كل الشرف بمرورك يالغالي ....



.
عاشق السيل
29/10/2007, 08:08 PM
ياهلا وغلا براعي سامودة ،،،

وأنا ذكرت بالتقرير إنه من شروط اللعبة إن تكون في أرض نظيفة بعيدا عن هالعالم الدايخة والوساخات اللي مالية البر علشان ترتاح وتطمئن على راكب الزلاجة ،،

أما لو كان عندنا ثلوج كان طلعت أفكار الزلاجات أفضل من هذي بكثير وهذا اللي ماعمري شفته بالرياض ولاغيره !!!!

وشاكر لك ومقدر مرورك يالغالي .....




.
عاشق السيل
29/10/2007, 08:09 PM
أخوي عقريص ،،،

ماسوينا شي !!

والشكر لك يالغالي على المرور الكريم ....


.
ق ص ك
30/10/2007, 01:49 AM
كفووووووو يالفله مشكوووووووور
عاشق السيل
30/10/2007, 04:34 PM
ق ص ك ،،،

كفاك الشر وماسوينا شي يالغالي ،،

وشاكر ومقدر مرورك الكريم .....



.
جبل حبشي
30/10/2007, 04:38 PM
أنتبه لمخاطر الزلاجة علي الأطفال
عاشق السيل
31/10/2007, 12:13 PM
أخوي جبل حبشي ،،

المسألة متعلقة مثل ماقلت بالسواق لازم يكون راكد ومنتبه لمساره ،، ومتعلقة أيضا بالمنطقة لازم تكون رملية ونظيفة جدا وخالية من مرور سيارات أخرى ،، مع العلم إن الحد الأدنى لعمر الراكب عشر سنوات !!

وبهالحال مافيه أي خطورة بإذن الله الحافظ ،،

ومن دواعي سروري مرورك الكريم يالغالي .....



.
Black VTC
31/10/2007, 09:43 PM
الله يعطيك العافية و بارك الرحمن في تقريرك انا كنت اشاور عمري وش الفرشة اللي مطرفه احطها زلاجة اما هالحين غيرت رأيي وشكلي بانقز لاقرب نجار ... و ودي تعطيني العيوب اللي واجهتك عشان اتلافها و بالنسبة للحديد اعتقد انه ثقيل شوي والخشب احسن من ناحية التحميل و التخزين (الوزن+ الصداء ومشاكل الرطوبة )
بندر88
01/11/2007, 02:43 AM
الله يعطيك العافية على الفكرة والموضوع
أنا سويت مشابه لها بس فرشه مفصلها من طبقتين قماش تنزاني ومربوطة بحبل طويل واهم شي تكون في منطقه نظيفة
بس شكلي بجرب طريقتك
و فيه في بالي فكرة زلاجة ركوب الأمواج اللي يوقفون عليها اعتقد لو اقدر اخرقها من قدام واربطها بحبل ويكون فيه حبل ثاني عشا يتمسك الراكب اعتقد أن متعتها بتكون اكثر وتكون مخصصه لكبار
عاشق السيل
01/11/2007, 06:57 AM
أخوي بلاك فتك ،،

الله يسلمك يالغالي أما الحديد تراها أفضل من الخشب وأتوقع بتكون أخف وزن !!

لأن الخشب لازم يكون من النوع المتين وبالتالي بيثقل عليك أما الحديد حط أخف شي بيكون أقوى من الخشب ،، ومشكلة الخشب مع السحب والمطامر على النفود وثقل الراكب عليها يخلي المسامير ماتتحمل كثير علشان كذا أفكر بالحديد ،،

ومن الأخطاء إنها نازلة شوي والأحسن إنك ترفعها عن الأرض أكثر علشان الرمل المتطاير على الراكب ،، وأيضا من ناحية الطول قصيرة ولوكانت أطول بزيادة 20 سم على الأقل راح ياخذ الراكب راحته أكثر ،،

بس هذي الأخطاء اللي لاحظتها وإن شاء الله بالتصميم الجاي لن تتكرر !!

والله يقويك على التصميم وهذا المقصد من عرض الأفكار بالمنتدى وأي شي تبيه أنا جاهز ،،

ومرورك شرفني يالغالي .....




.
عاشق السيل
01/11/2007, 07:06 AM
بندر 88 ياهلا وغلا ،،

من ناحية الفرشة أنا مجربها قبل وهي بصراحة أريح بكثييييييير من الخشب وأسهل بتركيبها داخل السيارة ،،
لكن المشكلة الوحيدة في خطورتها يعني لو صادفت شي حاد ومدفون راح تنبشه لك الفرشة وتطلعه من الأرض وبعدين ،،،،،،،،، أنت عارف الباقي !!!

أما زلاجة الأمواج ( الوقافي ) بصراحة جربناها قديما جدا قبل هذي الجديدة وكنا نحط مربوعة بعرض مترين تقريبا ونربطها بالسيارة من تحت بحبلين على الأطراف طبعا تكون بالعرض وبعدين نربط حبلين من السيارة للراكب علشان يتمسك وهو واقف على المربوعة ويبدأ التزلج الممتع ،، لكنه للأسف متعبة جدا وفيه خطورة أكثر خاصة إذا زلت رجل الراكب من المربوعة ،،

لكن أنا متاكد مع التطوير وتلاشي كل الأخطاء والمخاطر راح تكون أفضل وأمتع من الزلاجة الجالسة ،،

وأتمنى لك أخوي كل التوفيق بأفضل النتائج وشاكر ومقدر لك مرورك الكريم ......
الغدير
01/11/2007, 12:43 PM
خطورة الخشب والحديد كبيرة ولو انها تعتمد على السواق
والقماش غير نافع وخطر بسبب احتمالية وجود جسم مخفي في الرمل حتى لو عود تكون فيه خطورة
والافضل سجاد ثقيل وجربناها من قبل
ولابد ان يكون السواق محترف ويكون له مراقب عن جنب والانتباه للاطفال الصغار
http://www.mekshat.com/pix/upload02/images53/mk26213_dsc01390.jpg

والعذر لعدم وضوح الصورة بسبب انها اخذت من كاميرا فيديو
عاشق السيل
02/11/2007, 09:14 AM
أخوي الغدير ،،

ياهلا وغلا والسجاد مثل ما تفضلت قوية ومتينة لكن ماتفكك من بعض المطبات القوية واحتمال تكسر ظهرك إلا إذا كانت سرعة السيارة بطيئة جدا وبهالحالة تروح متعة الزلاجة !!

أما هالصورة والله ياهي رهييييبة ماشاء الله على هالشلة تقول سباق الزوارق !!!!

بيض الله وجهك على المشاركة اللطيفة ولك مني خالص الشكر والتقدير على مرورك الكريم ،،،،



.
ابو عود
03/11/2007, 10:38 PM
حلوه بس خطيره جدا ذكرت هايدي
عاشق السيل
04/11/2007, 05:48 AM
ابو عود ،،

الله يحييك يالغالي والله يكفينا شر المخاطر وشاكر لك مرورك الطيب ....




.
راعي الا4500
05/11/2007, 07:54 PM
والله هاالزلاجه بصراحه حلوه ومشكووووور على صور الزلاجه اخوك راعي الا4500
kal440
06/11/2007, 10:32 AM
مشكورررررررررر
عاشق السيل
06/11/2007, 04:49 PM
راعي 4500 : الله يسلمك يالغالي ومرورك أحلى بكثير من الزلاجة ،،

أخوي خالد : الله يعافيك يالغالي ومن جد أتمنى أتقهوى من هالبريق الرهيب والله يسلمك على مرورك ...



.
عاشق السيل
09/11/2007, 08:24 AM
الله يرفع قدركم جميعاً ،،،،،




.
عاشق السيل
10/11/2007, 04:42 PM
للــــــــرفـــــــــــع وبيض الله وجيهكم ،،،،




.
عاشق السيل
14/11/2007, 06:03 AM
برضو الله يرفع قدركم ويعلي شانكم ،،،،




.
عاشق السيل
20/11/2007, 04:57 PM
خلاص هذي آخر مرة يرفع !!!


.
مداوي
20/11/2007, 05:08 PM
جيد ابتكار رائع لكن ينبغي الحذر والحيطه وعدم السرعه
بارك الله فيك
عاشق السيل
21/11/2007, 05:53 AM
أخوي مداوي ،،

صدقت والله والبركة في مرورك على الموضوع يالغالي ....



.
ولدالعم
22/11/2007, 12:22 AM
بارك الله فيك

موفق لكل خير
عاشق السيل
22/11/2007, 09:55 AM
حيا الله ولد العم ،،

الله يبارك بعمرك يالغالي وعلى طريق الخير يسدد خطاك وشاكر مرورك ....




.
شقران نجد
22/11/2007, 06:30 PM
ييعطيك العافيه اخوي ولكن اهم شي ان تراعي وسائل السلامه والأمان ....

تمنيتي لك بالتوفيق
عاشق السيل
23/11/2007, 08:49 AM
أخوي السياري ،،

الله يعافيك يالغالي وأكيد لابد من الحرص ومراعاة السلامة فيها وفي غيرها !!

وشاكر لك مرورك الكريم والله يوفقك لما فيه الخير ....




.
محسن اليامي
23/11/2007, 09:31 AM
هههههههه والله لو يشوفنها عوالي إن ينشبون بحلقي سولنا وحده
عاشق السيل
24/11/2007, 05:55 AM
أخوي محسن اليامي ،،

طيب ليش ماتسوي وحدة مثلها ؟!!

تراها ممتعة جدا ومسلية خلال الرحلة بشكل ماتتصوره وهي ماتكلف شي ولاتأخذ مكان بالسيارة بس الله الله بالركادة أثناء سواقة السيارة علشان تتفادى المخاطر ،،

مرورك أسعدني وشرفني يالغالي ....





.
عاشق السيل
28/11/2007, 06:06 AM
والله يرفع قدركم جميعاً ،،،،،






.
عاشق السيل
19/12/2007, 11:28 PM
تقبل الله منا ومنكم صالح الأعمال وعساكم من عواده ،،،،




.
البرفسر
20/12/2007, 06:36 PM
فكره حلوه تسلم اخوي
عاشق السيل
21/12/2007, 10:38 AM
أخوي البرفسر ،،

الله يسلمك يالغالي وشاكر مرورك .....




.
الشقردي(العيون)
21/12/2007, 02:02 PM
مشكور اخوي على الحركة الرائعة بس اعتقد انة مخاطرة لو انة السواق
دق ابريك (فرامل ) وش يسوي الي في الخلف
عاشق السيل
24/12/2007, 10:07 PM
حيا الله الشقردي ،،

أما لو دق فرامل السواق مباشرة الزلاجة توقف مكانها لأن الرمل مايخلها تستمر تمشي بسبب ثقل الراكب وهذي مجربة ولاتخاف يالغالي !!!

وبيض الله وجهك على المرور الكريم ....




.
فتى الكهول
11/01/2008, 10:16 AM
ابداع تميز

ماشاء الله تبارك الله
عاشق السيل
11/01/2008, 10:22 AM
أخوي فتى الكهول ،،

عافاك الله والإبداع في مرورك على الموضوع يالغالي ....
راعي العوجاء
12/01/2008, 04:05 PM
اهم شي حط قزاز بلستيك قدام علشان يحميهم من التراب الي يطير من الكرات
عاشق السيل
12/01/2008, 11:17 PM
أخوي راعي العوجاء ،،

إذا كان واير السحب طويل ماراح يوصل الراكب شي من التراب المتطاير وخاصة إذا كان السواق راكد والهواء ساكن ،،

أشكر مرورك وإضافتك للموضوع يالغالي ....
KoKaToo
13/01/2008, 10:18 AM
الله يحفظكم أهم شي السلامه وانا اخوك
تحياتي
عاشق السيل
13/01/2008, 09:49 PM
أخوي كوكاتو ،،

حفظك الله من كل شر يالغالي ،، والزلاجة آمنة بإذن الله !!

شاكر مرورك وحرصك يالغالي .....
الوافe
14/01/2008, 09:19 PM
ماشاء الله تبارك الله,,,,
عاشق السيل
15/01/2008, 12:49 PM
أخوي الوفي ،،

حياك الله وشاكر مرورك يالغالي ......
suleman15000
16/01/2008, 03:26 PM
وناسههههههههه:)
عاشق السيل
16/01/2008, 04:54 PM
أخوي سليمان ،،

حياك الله وبياك ،، ولو جربت هالزلاجة كان عرفت الوناسة الحقيقية !!!

شاكر مرورك يالغالي وتسلم على الصورة الجميلة اللي بالتوقيع ،، عسى الله يغفر له ويسكنه فسيح جناته .....
هواووي
19/01/2008, 01:01 AM
فكرة رائعة جدا
عاشق السيل
19/01/2008, 01:08 PM
أخوي هواووي ،،

الله يسلمك والرائع مرورك يالغالي .....
كل القصيد
21/01/2008, 01:44 PM
عاشق السيل يالغالي فكتك جد رائعة ويعطيك الف عافية ،،،
ولكن وبما اني اراك متحمسا جدا للفكرة فأني ادعوك لتجربة مقرصة - حقت الفرصان - الحديد الكبيرة
وكل ماعليك انت فرش باطنها بعازل وان تلحم فيها ممسك للايدي وتنطلق بأقصى قدر من المتعة وتجد لها انحرافات والتفاتات رهيييييييييييبة ستعجبك،،،

ملاحظة يعيب عليها انها لشخص واحد وهذا لا يؤثر ..
وينصح بها للراشدين ...

والله يحفضنا واياكم...
عاشق السيل
22/01/2008, 11:43 AM
أخوي كل القصيد ،،

والله إنك جبتها يالذيب ،، هذي وشلون راحت عن البال ؟؟؟!!!!!

بيض الله وجهك على الفكرة الرهيبة والأكثر من رائعة وشاكر مرورك ومشاركتك يالغالي ....
عاشق السيل
27/01/2008, 03:32 PM
الله يرفع قدركم جميعا ،،،،،،
البدائع ديرتي
27/01/2008, 08:28 PM
فكرة اكثر من رائعه.
عاشق السيل
28/01/2008, 01:14 PM
البدائع ديرتي ،،

والأروع مرورك على الموضوع يالغالي ......
راعي طفات
10/02/2008, 07:31 PM
فكرة رائعه وتنفيذ اروع

بارك الله فيك
G-144
10/02/2008, 07:37 PM
مشكوور على الفكره الرهيبه
عاشق السيل
11/02/2008, 09:23 AM
أخوي راعي طفات ،،

الأروع مرورك على مواضيعي المتواضعة الله يبيض هالوجه ....
عاشق السيل
11/02/2008, 09:24 AM
أخوي جي 144 ،،

الشكر لك يالغالي على مرورك الطيب .....
بحارالاحلام
06/07/2008, 11:16 PM
جميل العمل..
وفقكم الله.
عاشق السيل
07/07/2008, 11:52 AM
أخوي بحار الأحلام ،،،

بيض الله وجهك على مرورك وإطراءك الرائع ،،،،
ابومشاري 111
17/07/2008, 09:25 PM
الفكره حلوه جدا اخوي عاشق السيل ..
لكن المشكلة لاطلع السواق نذل ثمن قلب بي وثمن تهبد على راسي ..
الطريقه حلوه لكن ودي بطريقة اكثر امان .. يعني مثل ما قال احد الاخوان لو تلفها بسفنج تكون امان اكثر
و اتوقع كل ما كبرت كل ما صارت ارسى واثقل ..
وتقبل مروري اخوي ..
عاشق السيل
18/07/2008, 10:30 AM
أخوي لاكازار ،،،

إذا كنت منت واثق من السواق مستحيل أحد يركب الزلاجة !!!! لابد أن يكون السواق محل ثقة وفيه ركادة وثقل علشان تكمن الاستفادة من اللعبة والاستمتاع بها ،،،،

أما أكثر أمان فالأمان زي ماقلت لك من ركادة السواق ومن نظافة المنطقة أما الأسفنج فمجرد زيادة راحة بالركوب وسويناها كثير بوضع مخدة تحت الراكب علشان يقدر يقعد وقت أطول وممكن من أي واحد يسوي هالزلاجة يبدع فيها على كيفه بالمقاسات والتعديلات اللي يشوفها مناسبة !!

مرورك وإحيائك للموضوع أسعدني وشرفني يالغالي فلك خالص الشكر والتقدير .......
النوخذة الأحسائي
10/01/2009, 12:27 AM
للرفع رفع الله قدركم ,,

حبيبي عتاشق السيل ,, لا هنت الصور مهب ظاهرة عندي :( ليتك محملها على مكشات ,,
khalaa2u
10/01/2009, 04:02 AM
جزاك الله خير
jgjc
10/01/2009, 11:29 AM
تسلم يا الغالي
عاشق السيل
10/01/2009, 01:32 PM
أخوي الحساوي ،،

الموضوع قديم وكانت الصور موجودة لفترة طويلة جدا ،، لكن للأسف لأنها ليست محملة على مكشات اختفت واللي قهرني أكثر إن الصور ليست موجودة عندي بالجهاز وما أدري وين راحت !!!!

وعلشان كذا خليت الموضوع يبعد ومافكرت إني أرفعه !!

فالعذر والسموحة منك ومن كل الأخوان الزائرين للموضوع وإن شاء الله نعوضكم بالأفضل ،،،،،