سؤال لأهل كبسة النثري ؟؟؟؟

[سمو الصيد]

سلام عليكم ياكويسين

الله لا يهينكم يالربع ممكن أحد يعطيني المقادير بالضبط حقت كبسة النثري عجزت احكرها صح ... :(

[مجتهد***]

الطرق و اجد و كلاَ و طريقته

أكتب طريقتك و الشباب ما يقصرون

الله يطول أعمارع و يجمعنا معهم في الجنة

[سمو الصيد]

طبعاً هاذي مقاديري :-
اقطع البصل واكشنه واحط الطماط واحط اللحم مع البهارات والملح واكبس عليه لمده (25) دقيقه طبعاً منقع الرز لمدة ( عشر ) دقايق احط الرز على اللحم ايلين يتغطى الرز شوي واكتم عليه ايلين يتس الكاتم واقصر على النار مره واخليه تقريباً ( 30 ) دقيقه واطلعه ولا يطلع النثري اللي عليه العلم ... :mad:
السؤال : ابي الرز نثري شلووووووووووووووووووووووووووون ؟؟؟؟؟؟؟؟؟؟؟؟؟؟؟؟؟؟؟ :cool:
اللي يعرف يعلمني والله يجزاكم خير ......

[برد القايله]

هزلت.....


كل شي يعلمك اياه مكشات

والله حرام عشان كذا صرنا نطلع 300 و350 كيلو ونلقا شباب مهب وجيه طلعات

يا اخي جرب وحاول لين تزبطها .... وكل واحد لقدره حجم ولرزه كثر يعني مستحيل تعطا



يا طير البر :)

[سمو الصيد]

هزلت.....


كل شي يعلمك اياه مكشات

والله حرام عشان كذا صرنا نطلع 300 و350 كيلو ونلقا شباب مهب وجيه طلعات

يا اخي جرب وحاول لين تزبطها .... وكل واحد لقدره حجم ولرزه كثر يعني مستحيل تعطا



يا طير البر :)


ياذيبان هو سؤال تعرف جاوب ماتعرف لا تتلكم بالاسلوب ذا بارك الله فيك . وعرفنا انك ذيب ومافيه أحد قدك . :D

[برد القايله]

يا اخ سمو الصيد






يا اخوي احس اني اخيطت عليك ............:(


تصدق تسرعت بالرد عليك لان هذا الرد كنت من زمان ودي اكتبه بمكشات
لكن ما الله اراد ومن ردات حظك اني شفت موضوعك بالشريط فوق ورديت عليك
يعني فيه ناس واجدين قبل سنه او اكثر وش حليلهم ولا يدرون وين الحلال سارح
واللحين اجلس معهم القاهم يتكلمون عن مقانيص الغربيه ...وبكرا يبي يروح يصييد مدري وين
وعرف ديار صيد يعني بالعربي طابين بوسط الفيضه.... وكل معلوماتهم اذا بديت اشكك لهم فيها قال والله
قريتها بمكشات(طبعاً من دون تجربه)..... :no2:






المهم اكرر اسفي خليتك كبش فداء :confused: ....>>>>اهم شي اللي بقلبي ومن زمان ودي اطلعه طلعته

[اراك@]

سمو الصيد (http://mekshat.com/vb/member.php?u=50490)



اسمع اخوي انا راح اعطيك الطريقه واللي انا اعرفه

لكن صدقني ماراح تظبط معك

السبب؟

ان الطبخ سواء النثري او غيره (( نفس ))

كذلك الطبخ ماراح تتعلمه من خلال مقادير وصور وكتب

فقط الممارسه بالطبخ

يا اخي وش فيها لاطبخت كم مرة ولاظبطن

جرب الين تظبط معاك خلاص وبعده راح يتولد عندك

مانسميه النفس على قولة المصرين نفس بالطبيخ

اصلا غصب من كثر الممارسه

راح تظبط معك حتى بدون تكلف

المهم طولنا عليك خذ بعض الطرق للنثريه

اول شي تحرص على الرز المظبوط

سواء مزه او عنبر (بشاور)

يعني يكون تاريخه حويل قديم حبة نظيفه طويله مومكسره

وبعدين اللحمه تكون لحمه صح يعني مو اي كلام

البهارات تكون بهارات صح

طبعا الطبخ اذا تبغى الافضل يكون على النار له نكهه غييير

نبدا / بعد ماتشب على اللحم تروح

على طول تغسل الرز تقريبا ثلاث مرات

وتنقعه بالماء الفاتر حوالي نص ساعه

هذي المزه اما العنبر عشر دقائق

وفيه ناس تنقعه بالماء والملح وبعده يغسلونه لكنها متعبه

وبعد كذا تنضا اللحم يعني تطلع اللحم بعد مايستوي من القدر

وتشخل المرق يعني يكون المرق صاااافي بدون البصل

والطماطم لان الطماطم هو اللي يربص الرز اذا خليته

وبعده تكب الرز على المرق بشرط

ان المرق يكون يطبخ يعني مايبرد

وبعده يكون المرق فوق الرز حوالي 3 سم

تحط معاه كم حبه فلفل اخضر يزين ريحه

وبعده تتركه على نار قويه الى ان تشوفه

بدا يطبخ كله وهذا شرط مهم

وبعده تقصر النار مره يعني تخليه

على جمر خفيف او تقصر الغاز مره

واذا كانت مزه احسن له تخليها الى اكثر

من نص ساعه الى ساعه مايضره بالعكس تظبط

اما اذا كان عنبر بالكثير 20 دقيقه

لانه العكس اذا تاخر على النار يخرب

المهم لا تنسى(( الكشنه )) طبعا معروفه هذي بصل وشوي

طماطم وشوي صلصه وبهارات وريح هيل مع الزيت تحمس

وبعد ماتبرد تصبه على الرز قبل ماننكبه

طبعا حسب الرغبه تزود والا تنقص

كذلك الزبيب لاتنساه

وبالهنا والعافيه

واذا فيه اي استفسار انا جاهز

هذي صورة للكشنه فوق رز عنبر


http://www.mekshat.com/pix/upload/images50/mk53892_1.jpg

[سمو الصيد]

بارك الله فيك اخوي نياف كفيت ووفيت ولك مني جزيل الشكر ...:)

[سمو الصيد]

يا اخ سمو الصيد






يا اخوي احس اني اخيطت عليك ............:(


تصدق تسرعت بالرد عليك لان هذا الرد كنت من زمان ودي اكتبه بمكشات
لكن ما الله اراد ومن ردات حظك اني شفت موضوعك بالشريط فوق ورديت عليك
يعني فيه ناس واجدين قبل سنه او اكثر وش حليلهم ولا يدرون وين الحلال سارح
واللحين اجلس معهم القاهم يتكلمون عن مقانيص الغربيه ...وبكرا يبي يروح يصييد مدري وين
وعرف ديار صيد يعني بالعربي طابين بوسط الفيضه.... وكل معلوماتهم اذا بديت اشكك لهم فيها قال والله
قريتها بمكشات(طبعاً من دون تجربه)..... :no2:






المهم اكرر اسفي خليتك كبش فداء :confused: ....>>>>اهم شي اللي بقلبي ومن زمان ودي اطلعه طلعته

حياك اخوي بس ترا اصابع يدك مهيب زي بعض مره ثانيه اربط جلنط قبل الرد :cool: .....

[سمو الصيد]

الله لا يهينك أخوي نياف يوم شاركت معي بموضوعي وابشرك ضبطت معي صح هاذي صوره منها والجاي احلى http://www.7mlo.com/uploads/ce0d817651.jpg

[أبومنصور]

سمو الصيد
كفو والله ولا يهون اخوي نياف
عز الله انك زبطت الكبسه

[سداااااح]

حياااك اخوي
لعل الروابط تفيدك ولو تتعمق بخيمة الطبخاات البريه
تبي تحصل مطلوبك واكثر
ولك مني
http://www.mekshat.com/vb/showthread.php?s=&threadid=8153
http://www.mekshat.com/vb/showthread.php?s=&threadid=7603

[اراك@]

http://www.mekshat.com/pix/upload02/images51/mk53892_11111.jpg


اخوي سمو الصيد ماشاء تبارك الله

واضح انك باول طبخه ظبطه

عساه بالعافيه

لكن اسمع اخوي ترى العين له حق بالطبخ

يعني انتبه للشكل ترى نص الطبخ تاكله بعينك

وكذلك الكركم لاتحرص عليه بالحيل

ولك كل التحايا يالغالي

[al-ftal]

السلام عليكم
اخي نياف انت تقول ان العين تاكل كلامك صحيح واجد الي عيونهم تاكل الصخر بس مايعرف يضبط اي حاجة بالبر والمقناص .
لاكن ابي اشور عليك شور اخوي نياف جرب لحم البط وراح تدعيلي .

[سمو الصيد]

أخوي دعب مشكور على مرورك
تسلم أخوي سداح على الروابط لا خلى ولاعدم وأنا أخوك تسلم على مرورك
أخوي نياف أسف على الصوره طلعت كبيره .. هذا من فضل الله ثم من فضلك تسلم أخوي على مرورك .......

[شفاف]

إذا أردت الرز يكون نثري

في القدر العادي

وإليك الطريقة :

ـ ليكن الماء يرتفع عن الرز بمقدار 4 سم وهذا الارتفاع لا يتغير في جميع احجام القدور .
ـ يكون الغطاء على القدر أثناء الطبخ .
ـ في هذه الحالة لا بأس أن تكون النار قوية .
ـ بعدما يتبخر بعض الماء حتى يصل مستواه مساوي لارتفاع الرز قصّر على النار حتى تكون أقصر ما تكون ( تكون هادئة يعني باقي لها شوي وتنطفي ) مع تسكير الغطاء بإحكام كأن تضع عليه شيء ثقيل .
ـ انتظر حتى يتبخر الماء ومعرفة ذلك باختباره بعد فترة بغرس ملعقة فيه والنظر في أسفل القدر .

[اراك@]

السلام عليكم
اخي نياف انت تقول ان العين تاكل كلامك صحيح واجد الي عيونهم تاكل الصخر بس مايعرف يضبط اي حاجة بالبر والمقناص .
لاكن ابي اشور عليك شور اخوي نياف جرب لحم البط وراح تدعيلي .

هلا اخوي

انا اقصد

لو صارت الطبخه طعمه 100/100 لكن شكله نص ونص يعني نسبه 20 / 100

تطلع تمشي الحال يعني حليله

لكن لا اجتمعن زين طبخ وطعم وزين نظره وشكل مظبوط نعمك ونعمين يعني تمام

وبخصوص البط راح اجربه وارد عليك يامنتخ هههههههههههههههههههههههه

تحياتي لك

[شخاط]

عندي مفاجئه الاسبوع القادم مدعمه بالصور انشاء الله تعالي