المساعد الشخصي الرقمي

مشاهدة النسخة كاملة : الله لا يهينكم بخصوص الحطب بسرعة تكفون


طخيمان
17/10/2007, 08:58 PM
يا جماعة الخير عندي الوالد الله يحفظه موصي على حطب سمر من رنية

وكمية الحطب هي سقس عادي (كفرين ورا) ويقول انه لقاها بـ7000 مقصصه بالمنشار

وجاهزة فهل السعر ممتاز او مبالغ فيه ؟؟

أبي الرد منكم الله لايهينكم
الوعب
17/10/2007, 10:21 PM
السلام عليكم ورحمه الله
الله يطول بعمر شايبك ويخليك له ,, تكفي وصاه الشايب عشان تشرية

بالنسبه لي انا اشريه ب 7 زي السلام عليكم ,,

والشباب بيفيدونك اكثر عن الاسعار بالتحديد

موفق خير
راعي الخطوط
17/10/2007, 10:37 PM
وش نوع السياره المحمله الحطب لو سمحت؟
ابو وتين
18/10/2007, 02:11 AM
والله رخيص بلحيل
قروي الأول
18/10/2007, 07:45 AM
في الرياض في سوق العزيزية يباع على 6000 واحتمال لو تصبر شوي لين يكثر الجلاّبة رخص زود
عاشق السيل
18/10/2007, 06:29 PM
أول شي الله يخلي لكم الوالد ويطول عمره على التقوى والصحة والعافية ،،

ثاني شي إذا كان مثل ماقلت مقصص ومصفوف صف كبريت والسقس مليان أنا أقول إنه رخيص جدا !!

لأن السقس إذا كان مليان يبيعونه بـ 6000 ريال بس بدون تقصيص ،، ولاتنس إن التقصيص يخلي الكمية مضاعفة تقريبا لأنه يكون مرصوص بصندوق السقس ،، ومنها يريحك من التقاول مع عمال التقصيص ،،

الله يبارك لكم بهالحطب وعساه داخل عليكم بالعفو والعافية والجلسات الدافية ،،

وعلى فكرة ترى سعر الحطب في ازدياد كلما برد الجو حتى لو زادت الكميات بالسوق وهذا عن خبرة وتجربة !!

وتقبل مروري يالغالي .....




.
عاشق السيل
20/10/2007, 02:49 AM
وش صار عليك ياطخيمان !!

شريت الحطب وإلا لا ؟؟!!

علمنا علشان نشوف وش أخبار السوق هاليومين .....





.
سيف الرياض
20/10/2007, 02:09 PM
طخيمان السلام عليكم كل عام والجميع بخير اقول توكل على الله واشتر انا موصي واحد يدورلي ديانا شاص طويل من حطب المدينه ويقول واصل الرياض ب6500
وكري2007
20/10/2007, 02:20 PM
أنا رحت الرياض بحملة دنه 6000 ريال حطب سمر اللي له شف (دنه سوبر جامبو الكبيره)

يرسلي بالخاص
طخيمان
20/10/2007, 10:45 PM
الله يعطيكم الف الف عافية يالربع وما قصرتوا والله

وبالنسبة للحطب الوالد توكل على الله وشراه