طريق الجوف حايل ( بعض الاخطار )

[northstar46]

مع بداية استخدام طريق الجوف حايل الجديد ورغم روعة هذا الطريق نهارا الا انه يحوي بعض الاخطار ليلا ومنها الابل- عدم تخطيط الطريق حتى الآن- عدم وجود دوريات أمنية عليه ( كثر الحديث عن عمليات تشليح مسلحة )
اما الباقي فهو رائع

[يزيد_1977]

السلام عليكم

اخوي انا دايم ماسك هالخط لك عليه من ناحية التخطيط زي ماتفضلت والوصله الاخيره من جهة الجوف لان السيارات تقضبها لان الشركه شغالين بالسيد الثاني اما عمليات تشليح مسلحه اعتقد ان هالكلام غير صحيح مالاحظنا شي على هالخط وكل اسبوعين انا ماسك هالخط تقريبا

[northstar46]

جزاك الله خير وشكرا لتبيان الحقيقة ودحض الشائعات

[قناص الظبي]

( كثر الحديث عن عمليات تشليح مسلحة )
ليش والله لو انا بشيكاغو
ابل وعدم تخطيط اوكي اما تشليح اعذرني هذا غير صحيح

[عين الظبي]

اما بالنسبة للحوادث عد وغلط
لكن للمعلومية!
تم استلام طريق القصيم - حايل
وطريق حايل - الجوف لم يستلم بعد
وشقرررررن

[فارس طي]

السير على الخط ليلا نعم فيه خطورة من ناحية الإبل وعدم إكتمال المسارالثاني

لأنك تتحول من مسارين إلى مسار واحد والله يستر عليكم وتحروا الدقة أما التشليح ماأعتقد ؟؟؟

لكم تحياتي

[يزيد_1977]

اخوي عين الظبي بالنسبه للحوادث صادق ياخوي مليان حوادث واغلب الحوادث انقلاب نظرا للسرعه الزائده طبعا نؤمن بالقضاء والقدر لكن السرعه الزائده والله انها اشبه بالانتحار والله الله بالركاده الناس راجعه من الاجازات يبي للي يمسكه يتوقع بسواقته

[Black VTC]

الله يستر على المسلمين من شر الحوادث نعم الركادة زينه ..

[واثق الخطوة]

( كثر الحديث عن عمليات تشليح مسلحة )
ليش والله لو انا بشيكاغو
ابل وعدم تخطيط اوكي اما تشليح اعذرني هذا غير صحيح


ليه وش زودنا عن شيكاغو الخير والشر موجودة بكل مكان وكل زمان من وقت الرسول صلى الله عليه وسلم
العام الماضي حالات قطع طريق كثيرة حصلت على طريق الوادي وعند رنية واسأل وتأكد.
الدنيا ليست وردية أخي الكريم المشاكل كثير بشكل ما تتصوره وما أظن أحد ناسي وش صار عند مدائن صالح
وقتل الفرنسيين إلى أن تمكنت الدولة الله يحفظها من الامساك بهم
مير ما نقول الا الله يطول بعمر المعازيب والحكومة لردع هالفئة .
أتمنى قبول الرأي بصدر رحب وكل عام وحنا بأتم صحة وعافية

[يزيد_1977]

اخوي الكريم واثق الخطوه

الاخ نورث ستار يقول دحض الشائعات معناته انه سامع سمع الرجال

وانا والاخوان اللي ردينا نقول انا قضبنا الطريق وخابرينه لكن قطع طريق ماصار على هالطريق

وبالنسبه للامن والامان للتوضيح تراه من الله ماهو من عبدالله .

بعدين الطريق بين حايل والجوف يعني ماهنا بواقين بهالديرتين

اتمنى انك بعد تقبل وجهة نظر غيرك ويوم نتكلم ترانا نتكلم من واقع هذانا نطلع للنفود ونمرح هناك لحالنا

يومين وثلاثه ليش ماحد جانا وسرقنا !!

لاتعمم اللي يصير بمنطقه معينه على منطقه ثانيه.

[عشانا]

ان فكنا الله من العرب المستعربة فحنا بالف خير

[beddo]

اجل ياأخ غدانا اقصد عشانا ابشرك اكثرالديرة عرب مستعربة

h

[قناص الظبي]

اخوي الكريم واثق الخطوه

الاخ نورث ستار يقول دحض الشائعات معناته انه سامع سمع الرجال

وانا والاخوان اللي ردينا نقول انا قضبنا الطريق وخابرينه لكن قطع طريق ماصار على هالطريق

وبالنسبه للامن والامان للتوضيح تراه من الله ماهو من عبدالله .

بعدين الطريق بين حايل والجوف يعني ماهنا بواقين بهالديرتين

اتمنى انك بعد تقبل وجهة نظر غيرك ويوم نتكلم ترانا نتكلم من واقع هذانا نطلع للنفود ونمرح هناك لحالنا

يومين وثلاثه ليش ماحد جانا وسرقنا !!

لاتعمم اللي يصير بمنطقه معينه على منطقه ثانيه.


لافض فوك كفيت ووفيت وللمعلومية يوميا" اروح واجي مع الطريق والله مافي غير الابل مشكلة ليلا" والحمدلله على نعمة الامن والامان