هاذي رجوله يا ناس

[ابو سمحه]

السلا م عليكم ورحمت الله وبركاته طلعت مع ناس في موسم القميري 200 كيلو تقريبن ومعي شاهينه قلت ابدربها على السبب ومسكت الطير والحبل مع واحد ثاني المهم مربط برج الطير والحمامه بعيده وافتح برقع الطير واهد والطير روح سليم والحمامه كان جنبه شجره ودخلد فيها والطير وقف عند الشجره وطلعت الحمامه يله تطير لنها منتفه وطير يوم طار عليها وخوينا يشوف حيه صغيره ويجدع الحبل ويلحقها وثاني معه وانا اشوف الطير قدامي يبعد وقوم الحق الحبل وراه وراه لين مسكت طرف الحبل واشكر الله واقوم اتهاوش معهم ودق سلف الشاص ومشي

[راعي اعناد]

لا والله مب رجوله هاذي نااااااااااااس مرضااااااا

وانت اكبررررررر من هاذي الاشكااااااااااااااااااااااااال

اخوووووووووووك راعي عناد

[بن سعيّد]

احمل لاخيك سبعين محمل حسن

ولا تخلي الشيطان يلعب براسك ويرقص بك

وخويك يمكن انك نطلت عليه كلمة وازعلته ورقص به الشيطان وعزم يترك المكان

وتذكر ان الاعمال ماترفع لله سبحانه الا لما تتصالح انت وخويك

واذا ماتعدي في بعض الامور ترى ابشر بالسكر والضغط قريب مره مره مره

ثم وانا اخوك لو انت بتأخذ بكل زلة من صديق فثق اخي الكريم انك في يوم بتحصل نفسك لوحدك بدون صديق

والناس وانا اخوك صدورها مهيب وحده وانت لازم تعذر خويك وحاول تصلح الامر بينك وبينه

واعذره وانا اخوك يمكن يوم شاف الداب انه قال في خاطره : يمكن الداب تروح لخويي وهو ما انتبه

ويطلق الحبل ردة فعل لا ارادية حماية لنفسه ولك ويمكن بس حماية لك لانه منتبه لها

-------------------------------

هدانا الله واياك لكل خير

يقول زهير بن ابي سلمى

من لم يصانع في امور في كثيرة ----- يضرس بأنياب ويوطأ بمنسم

[ترتيب]

خذ وخل ياماتشوف

[راعي النيسان]

بيض الله وجهك اخوي بن سعيّد ... وهذا الكلام السنع ...

اخوي ( ابو سمحه ) اخوك ( بن سعيّد ) كفى ووفا وما ترك لنا شي نقوله


تحياتي

[رضوان]

السلام عليكم
مالي الا اقول سبحان الله ولا اله الا الله وخلاص حسبي الله عليهم

[قناص الوعول]

اخوي ابو سمحه تراك زعلت خويك يمكن قصده شي زين يمكن يبي يخلص الحمامه من الحبل او مع الموقف هاذا ما انتبه للحبل وانفك من يده ـــــــــــ اذا دققك على زلات الصديق مراح ترتاح والانسان ماهو معصوم من الخطى وكل الناس تخطي وناس تسامح وأسئل الله ان يصلح ما بينكما وان يهدي بالك.

[yahoo]

أمسكه وأوطى على راسه علشان مايكررها مره ثانية
أو ركبه حق وشهد عليه ربعه علشان يتأدب مايكررها
أو خلو معيارته أبو داب
هههههههههههههههههههههههه
علشان يصير عبره لمن لايعتبر

[*الـزيـن*]

خبري في السبب الحبل ينربط في الموتر كان ريحت عمرك وريحت اخوياك يابوسمحه


ويعطيك العافيه






اخوك الزين

[صلهامه]

أحيانا ما نتعلم الا بالطريقه الصعبه يعنى بعد ما يصير شي نتعلم منه

ان شاءالله انه درس لك

الثقه ما هي فى كل واحد

نصيحه وراك ما اخذت رفيقك والحية وصكيت عليهم بصندوق عشان يتعلم بالطريقه الصعبه http://smilies.sofrayt.com/fsc/clap2.gif

[أبو فيصل]

يا سلام يابن سعيّد أرفع لك الرايه وردك انشاء الله محمود من الخالق و المسلمين

بعدين يا بو سمحه خويّك شاف داب وصار عنده ردة فعل طبيعي أهم من الخيط ......... ولكن ردّت فعلك أقوى وفي غير محلها و لو أنك زعلت بس عشيت طيرك و توضيت و صلّيت بيختلف أسلوبك خصوصآ اذا عطيت مجال لخويك يشرح لك اللي حصل منه و أنت في قمة الأنصات له حتى يكمل ما عنده لوجدت أن الموضوع ما يسوى ومن غير قصد

أعذرني في صراحتي ولكن أسلوب أبن سعيّد أعجبني وهذا ما أجده في من ملأ قلوبهم الأيمان و بعد عنهم الشيطان من غير قصور فيك و كل من شاهد ردّي

[مصيول]

احمل لاخيك سبعين محمل حسن

ولا تخلي الشيطان يلعب براسك ويرقص بك

وخويك يمكن انك نطلت عليه كلمة وازعلته ورقص به الشيطان وعزم يترك المكان

وتذكر ان الاعمال ماترفع لله سبحانه الا لما تتصالح انت وخويك

واذا ماتعدي في بعض الامور ترى ابشر بالسكر والضغط قريب مره مره مره

ثم وانا اخوك لو انت بتأخذ بكل زلة من صديق فثق اخي الكريم انك في يوم بتحصل نفسك لوحدك بدون صديق

والناس وانا اخوك صدورها مهيب وحده وانت لازم تعذر خويك وحاول تصلح الامر بينك وبينه

واعذره وانا اخوك يمكن يوم شاف الداب انه قال في خاطره : يمكن الداب تروح لخويي وهو ما انتبه

ويطلق الحبل ردة فعل لا ارادية حماية لنفسه ولك ويمكن بس حماية لك لانه منتبه لها

-------------------------------

هدانا الله واياك لكل خير

يقول زهير بن ابي سلمى

من لم يصانع في امور في كثيرة ----- يضرس بأنياب ويوطأ بمنسم


رحم الله والديك على الكلام السنع هذا

وكل عام وانت بخير ..

[راعي دهام]

.


يمكن خويك غشيم في سوالف الطيور

وهذي ردة فعل غير مقصوده فالمفروض انك تعذره وخصوصاً انك لحقت على الطير

ولا ضاع وهذا اهم ما في الموضوع .. وما فيه احد معصوم من الخطاء ..



خلك وسيع صدر وانا اخوك ..




بالتوفيق ..



.

[عز الخوي632]

الخوي بالذمه وسع صدرك يمكن خاف عليك لاتنقرص

[m16]

ابـو سمحه يالغـالي انـت الكبيـر ومهمــا يكــون بيظــل خويـك ولا مايمـون عليك ماخــذته معــك وتراك انت تعــلم ماتعــلم وتحياتي لك

[الزئبق الاحمر]

ابن سمحه

ابن سعيد صادق وفاء بكلامه ولا عاد لنا كلام بعده

وكلامه عين الصحيح

[((الخالدي))]

لا والله ماهي برجوله