استفسار عن قارمن 45 وفقكم الله

[الطيار2000]

السلام عليكم ورحمة الله

عندي قارمن 45 الأبيض من خمس سنوات تقريبا ما شغلته واليوم من الصباح شغلته ومشيت فيه بالسيارة وخليته لأكثر من عشر ساعات لكن ما استقبل ولا قمر واحد،وشكرا مقدما

[مريقب العيفار]

اخوي الكريم

هل اخترت تحديد مكان جديد

ثم اخترت السعودية

حدد الدولة ثم اتركه وقت طويل في مكان مهيأ لاستقبال الارسال

وسوف باذن الله يلتقط الارسال

[الطيار2000]

اخوي المريقب ما فيه فايدة

[بارق الضحى]

السلام عليكم
أخوي لا تتعب روحك ,ترا صارت معي وعلى نفس الجهاز .
ازرق الله لا يهينك لدار موجه وأنت واقف وببلاش , يسويله برمجة .
هذا الي صار معي أخوي العام الماضي
وسلامتك

[مريقب العيفار]

اخوي الطيار

ما دام ان الحل اللي عطيتك ما نفع

فانا مع رأي الاخ بارق الضحى يمكن السوف وير يحتاج الى تحديث

[الطيار2000]

بيض الله وجيهكم جميع وما قصرتوا

[لمع السحاب]

لالالا ياخي الطيار عفوا لأخي مريقب العيفار القارمن 45 لا ينفع فيه تحديث ولا شي الجهاز عندي من سنه جديديديديديد مررره ونفس المشكله ورحت لدار موجه واكدولي ان الجهاز لا يوجد له اقمار يتصل بها لانه 8 اقمار وان الاقمار اللي تخصه انلغت و لا يمكن الارتباط او الوثوق فيه احيانا يلقط بس بعد فتره او مسافة لا يتجاوب معك
تقبلوا تحياتي واسف ان كاني ضيقت صدرك وانا الان مشخص به في المجلس برواز