طريقه اتبريد الماء والبيبسي بدون ثلاجه..............!

[jomran]

بسم الله الرحمن الرحيم

هذي اول مشاركه لي وانشاء الله تعجبكم .


( الموضوع يمكن قديم بس مافي احد يطبقه)


اذا كنت بالبر ومعك بيبسي (اهم شيء ) :d ولا مويه
وتبي تبردها شلوووون ؟؟

عندك طريقتين اللي انا اعرفها
الطريقه الاولى :
أولاً : لازم يكون عندك سلندر (دبه ) (اسطوانه ) :d غاز طبخ ...

وهاذي الطريقة يسمونها التبريد بالغاز ...

أحضر وعاءً به ماء وضع الأشياء التي ترغب بتبريدها داخل كيس من النايلون وأربطة جيداً (لأن الغاز يترك أثراً مثل الزيت على المعلبات من الخارج كما يترك طعماً عليها] .
ثم أدخل أنبوب (اللي) الغاز داخل الماء الذي في الوعاء وأفتح صمام الغاز إلى نهايته ، وخلال أربع دقائق سيتجمد الماء في الوعاء ويصبح ثلجاً . مع ملاحظة أن هذا الثلج لا يصلح للإستعمال مباشرة بل فقط لتبريد أي معلبات أو أي أغذية داخل أكياس وهو أيضاً غير قابل للأشتعال .

ملاحظة : إن أنابيب الغاز الصغيرة والتي تستخدم مع مواقد الرحلات لا تصلح لهذه الطريقة فهي تبرد الماء قليلاً ولكن لاتحوله إلى ثلج !!

الطريقه الثانيه اسهل بس ماتنفع الا بعد المطر :d
وهي انك تحط مثلا علبة البيبسي بكيس خفيف
وتدور مكان فيه ظل وتدفنها فيه ربع ساعه ويكون بارد بس مو مره مثل الطريقه الاولى
بس اهم شيء المكان اللي دفنتها فيه يكوون بارد
يعني ماتدفنه جنب النار وتبيه يبرد

انشاء الله يكون الموضوع اعجبكم .



مع تحيات jomran

[مجازف2010]

مشكور اخوي على الطريقه الحلوه بس عندي اضافة اذا سمحت لي
هي انك لازم تميل الاسطوانه او تقلبها عشان تبرد الماء لان اذا كان بوضعها العادي ما راح تبرد الماء

تحياتي لك

[عاشق السيل]

أخوي جمران حرام عليك كل مشاركة تقول هذي أول مشاركة ؟؟؟!!!

هههههههههههههههههه أمزح معك !!

عموما بيض الله وجهك على هالطرق ومن زمان ودي أسوي طريقة الغاز يقولون إنها تبرد بزيادة ،، وعلى فكرة أنصحك تبعد عن الببسي تراه يضرك وياكل مصارينك وأنت ماتدري ،،

وتقبل مروري يالغالي .....





.

[قناص الوعول]

عندك مشكله واحده في هاذهي الطريقه لازم تكون الاصطوانه مليانه يعني جديده حتى تدفع الغاز بقوه ويثلج الماء

[جنون الليل]

طريقة الدفن قديمة وأنا إكتشفتها من أكثر من عشرين سنة يوم كنا بالبر ودفنا كراتين الببسي عن الصغار عشان ما يشوفونه وكل شوي يشربون خبركم كاشتين الربيع كله وهذا هو مستودعنا تحت الأرض كل مدفون لكن إللي بالغاز هذي والله ماهضمتها لاعاده الله من من ببسي هههههههههههههه

[jomran]

مشكورين على الردود الحلوه وبنسبه اني اقول هذي اول مشاركه اقصد يااخوي عاشق السيل انه اول مشاركه لي في خيمة الطبخات البريه .




مع تحيات jomran

[rsarsa]

مشكور اخوي طريقه سوف تجرب باذن الله تعالى

[روح ثرمداء]

مشكووووور وما قصرت

[عرق دقله]

الله يعطيك العافيه

[هاوي قطا]

مشكور وما قصرت

[بروق الدرعية]

طريقة الغاز هذي جديده علي عزالله انها مفيده ومشكور عليها

[برق بن رعد]

طريقة الغاز حلوة ويعطيك العافية

[فتى احد]

السلام عليكم ...

المشروبات الغازية ماوراها إلا البلاء والشقاء وتدهور الصحة والله أني من يوم قاطعتها نهائيا قبل سنة ونصف تقريبا وأنا بصحة وعافية ونشاط وحتى الآن سحبت معي من أقاربي من نساء ورجال حوالي 19 شخص مقاطعين المشروبات الغازية ولانشرب إلا عصير طازج والحملة قائمة للمزيد من دخول الأخوان فيها من الأقارب والقبيلة وإن شاء الله تحذون حذونا .

[northstar46]

اولا لا للبيبسي واخوانه :
ثانيا لتكوين الثلج لا بد من ان تكون الاسطوانه مقلوبة و بدون محول ويجب ان تفتح داخل الماء مباشرة ويمكن استخدام لي كبير وليس لي الغاز العادي والطريقة خطرة والثلج المتكون قابل للاشتعال بشدة من واقع التجربة الشخصية
وافضل طريقة للتبريد : خيشة مبلولة حط فيها قواريرك وعلقها وكل شوي صب عليها ما اسلم وارخص وممكنة التنفيذ

[عسير9998]

مشكور اخوي على الطريقه

[أبومنصور]

عافاك الله
انا ما قد جربت الا دفن الببسي ونصب على التراب شوي ماء
وتعال بعدها بكم ساعه وشف وشلون صار ثلج

[ولد الطايف]

أرى أنه ما في داعي لإستخدام هذه الطرق الخطيره في التبريد لأضرارها المتوقعه ( ولا تلقوا بأيديكم إلى التهلكه) وحتى لا تتحول الرحله من كشته وترفيه إلى كارثه ( لا سمح الله) ناهيك عن الأضرار الصحيه للمشروبات الغازيه التي ذكرها الأخوان جزاهم الله خير 0