المساعد الشخصي الرقمي

مشاهدة النسخة كاملة : استفسار بسيط عن الكراوين


فتى باريس نجد
20/10/2007, 04:05 AM
السلام عليكم ورحمة الله وبركاتة

اخواني الصقاقير ابارك لكل واحد صاد ( حباري +كراوين) واللي ماصاد مثلي اقول له فالك (الخرب) قولو آآآآآآآآآآآآآآآآآآآآآآآآآآآآآمين

استفساري هو اين يتواجد الكراوين في منطقة (القصيم ) وشي اقرب منطقة له


انا من سكان عنيزة


اخوكم ابو عبدالله
الاشعل 316
20/10/2007, 05:19 AM
بسم الله الرحمن الرحيم

الموقع / امسك طريق القصيم موجه شمال لحد مايجيك اول نقطة تفتيش تعدها بيجيك كبري معبر جمال برضو تعده لحد مايجيك مسجد على اليمين مزينينه الناس الله يجزاهم بالخير على اليمين لف من قبله يمين وامش سيده لحد مايجيك مراح نعيم شق المراح من النص بيجي بوجهك ظليع صغير تياسر عنه شوي يعني حوطه ثم امش سيده لحد شوي وهذا اللي وصلني من الوصف

منقول

اخوك ابو سطام
فتى باريس نجد
20/10/2007, 11:46 PM
الف شكر يابو سطام بيض الله وجهك
انت تقول امسك طريق القصيم موجة شمال كاني رايح (لحايل )
][ الأصيل ][
21/10/2007, 11:06 AM
ياهلا والله براعي عنيزة

اطلع لنفود الدخول اللي عند قبة تراه ممتاز وايضا للشامات شامة زرود اذا تعرفه تر بتلقى خير

الشامات هذي طال عمرك ورى الخوير تفرق مع مفرق الاجفر وبعد حوالي 30 كيلو يجيك الاجفر بعده بعشرين كيلو يجيك الخوير بعد الخوير 12 كيلو تحصل عروق هناك بتلقى ماتتمنى

موفق اخوك الاصيل
شبراق
21/10/2007, 11:43 AM
ياخوي عندك الاحمدية ودهيماء كله غرب الصياهد الي عندكم به انشاءالله رزق هذا اقرب شي وفيه بعد المستوي فيه انشاءالله رزق
وعندك الخويشات بعد ام حزم الي وراء المذنب يمكن تالقاء حبارى بعد والله يرزقنا وياك انشاءالله
فتى باريس نجد
22/10/2007, 02:51 PM
اشكر الجمع على الردود والتوضيح