خيام الندم
20/10/2007, 04:41 AM
السلام عليكم :
الوسم هو أول نجم من نجوم الحيا ( الحيا يقصد به المطر ) ومدته 52 يوم وعدد نجومه أربعه هي العواء والسماك والغفر والزبانا... واذا الله كتب فيه ونزل مطر ينبت الفقع وتربع الارض وسمي بالوسم لانه يوسم الارض.. يعني الارض اللي ينزول عليها مطر في تلك الفتره تصير خضرا ومربعه وبها فقع وينبت الخزاما والنفل
عقب الوسم تدخل المربعانيه ...والمربعانيه هي اول نجم من نجوم الشتاء القارس وعدد أيامها أربعين يوم متتالية وعدد النجوم فيها ثلاثة وهي الإكليل والقلب والشوله ...وفيها يحت ورق الشجر ويموت العشب من شدة البرودة ..ويكثر الطلب على الدفايات والحطب والفحم والدقلات والخلاقين ...ومطرها يكون في الغالب في الليل او آخر النهار ...ويقولون الاولين البرد وجه ذيب ...يعني ما تدري متى يفيض عليك ...
ثم تدخل الشبط عقب المربعانيه ..والشبط عدد أيامها 26 يوم مقسومة على نجمين كل نجم 13 يوم وهي النعايم والبلده ...وبردها أشد من برد المربعانيه ومؤثر وقارس جدا ..واحيانا من شدة برودته تيبس عسبان النخل وتموت الاشجار ...ويجب الاحتياط للبراد لانه إذا دخل في الجسم وعقب الشبط تدخل العقارب.. ( ويقولون الاولين في المثل .. اذا دخلت العقارب فترا الخير قارب ) وهو ثلاثة نجوم كل نجم 13 يوم وهي سعد الذابح وسعد بلع وسعد السعود
ثم يدخل الحميم ...يقولون الاولين ..في المثل ( يالله ياكريم عدنا برد الحميم ) وهو عباره عن نجمين هي سعد الاخبيه والمقدم وكل نجم عدد ايامه 13 يوم وفيه يبدا موسم الربيع وتخضر الارض ويبدا يدفا الجو
يثم يدخل عقبه الذراعين ..وهو عباره عن نجمين وهي المؤخر والرشا وعدد ايام كل نجم 13 يوم ..ثم تدخل عقبه الثريا وعدد نجومها ثلاثه وهي الشرطين البطين والثريا كل نجم عباره عن 13 يوم وهي آخر نجوم الحيا ( المطر ) تقريبا ثم بعده تدخل نجوم الصيف على التوالي ...
طبعا الأولين كان عندهم أدراك تام لها النجوم ومنازلها لانها مرتبطه بحياتهم ارتباط مباشر سواء من ناحية الزراعه ومتطلباتها أو من ناحية الرعي وتتبع أماكن نزول المطر ...وكان عندهم فراسه وقدره عجيبه على معرفة تلك الأمور ومنهم الشاعر الفذ الله يرحمه راشد الخلاوي الذي نظم قصيدة طويله وصف فيها منازل النجوم ومواعيد دخولها وارتباط دخولها بمواسم المطر والزرع..وكان الأولين ليدهم دلالة وفراسه في معرفة بواشير الخير ونزول المطر ..وذا هبت ريح الجنوب أو الهيف يعني جنوب غرب وهي اللي يسمونها بالمثيره لانها تثير السحاب بإذن الله يستبشرون بالخير ..بعد ذلك تبدأ السماء باذن الله في التكتيم ( يقولون الالوين ...اليوم السماء مستمه ..أبشر بالخير ) يعني أن هناك بوادر تكوين للسحاب ..وأول ما يظهر من السحاب نوع يسمى عندهم بـ ( السدا ) وهو عباره عن سحاب خفيف يمتد في وسط السماء من الغرب الى الشرق ..ثم يليه تتدافع للسحب الاكثر كثافه مثل المزن والضروس والنصوب ...حتى تصبح السماء سوداء داكنه وتكون الرياح معه في الشتا خفيفة ويكون مطر الشتا خفيف ودقاق ومتواصل لا رعد فيه ولا برق في الغالب ..يعني ديمه ويقولون الالوين في المثل ( يالله ديمه على ديمه ...تسقي العروق القديمه ) ويكون مطر الشتا متواصل وعام أي ان السحب يكون مطرها في الغالب يغطي مناطق كثيره ومتباعده نظرا لكون السحب في الشتاء تمتد في أعلى طبقات الجو عكس سحب الصيف اللي تكون في الغالب منخفضة وقريبه للأرض.. ويظهر في السحاب الممطر في الشتا غالبا نوع يسمى بالطها ويبدأ في الظهور مع اول نزول المطر ويكون لونه ابيض بسبب شدة سواد السحاب اللي فوقه ..وذا ظهر الطها يستبشرون الاولين بالخير لانه يعني أن المطر سوف يكون غزير بإذن الله ...وغالبا بعد نزول المطر وانقشاع السحاب ..يعني اذا اصحت تصير السماء زرقاء صافيه وتهب بعدها ريح الشمال ويكون البرد قارس جدا ..أما في فترة الربيع فأن السحب تتكون في الغالب بعد الظهر ومع العصر وتمتد إلى أول الليل ويكون المطر غزير وتصحبها رياح قويه يسمونها ريح الغربي تهب من الغرب وشبوب ( يعني البرد ) ( الله يكفينا شر البرديه ..اذا نزلت دقت الزروع والدبش ) ...منول الاولين يخافون من البرديه خوفا على زرعهم ودوابهم لانها مهلكه اذا كانت البرديه غزير وحباتها كبيره ..وفيه سالفة سمعتها على لسان أحد كبار السن يقول أيامه كان فيه شاوي ( راعي ) سارح بالغنم في البر.. وركب عليه السحاب وحق الحقوق وصارت ترعد وتبرق ...يقول وما أمداه يوصل للديره وطاح المطر عليه وهو في البر ومن شدة السحاب وقوته كان معه برديه فأصيبت بعض الغنم في عيونها بالبرد وتفضخت خاصة الغنم اللي ما قدرت تتقا عن البرد تحت بعض ..لان البهائم فطرها الله على كل شي فيه منفعه لها فهي عند نزول المطر تجعل رؤسها تحت بعض للحمايه وعند جريان السيول تستطيع أن تعوم كأمهر سباح ..بقدرة الله الذي خلق كل شي وهدى ..سبحانه
أما مطر الصيف اللي هو آخر نجوم الحيا ( المطر ) فهو أشد غزارة وحبة المطر فيه كبيره كنها فرش ...ويكثر فيه الرعد والبرق وتكثر فيه الصواعق المهلكه وتكوين السحب عادة بعد الظهر إلى آخر العصر ..وتتكون السحب بسرعة وغالبا يصاحبها هبوب هوا قوي ونجل ( النجل جمع نجله وهو الهوا القوي اللي معه تراب احمر ) وتسير أيضا بسرعة تغيم وتصحي ويكون وميض البرق فيه سريع ومتواصل يعني حقوق ورعده يسمع بوضوح لان السحاب طامن وقريب من الأرض عكس سحاب الشتا ...( ويقولون الاولين في المثل عن هالحاله ..سحابة صيف ) يعني هذا الشيء سريع التواجد والاختفاء .. ويعرفون الالوين نزول المطر من السحاب بدلاله معروفه لديهم وهو ( الهملول ) والهملول هو عبارة عن تشكيل انسيابي من السحاب يمتد من أعلى السحاب إلى سطح الأرض فإذا حصل ذلك عرفوا أن السحاب ممطر بإذن الله وأن المطر ينزل ..لان هناك نوع من السحب غير ممطرة .. وإذا صار لون شعقت البرق أبيض فهذا يعني أن المطر بإذن الله غزير والسحاب قوي ..وايضا اذا كان سيف البرق صالب وهو نازل من السحاب الى الارض يعني يكون بشكل شبه خط مستقيم من أعلى إلى أسفل فهذا قد يكون صعقه قويه .. والواقي الله سبحانهhttp://www.hrmla.com/forums/images/smilies/smilie.gif .. أما اذا كان لون البرق يميل للون الاحمر أو أن البرق تكون شعقته بسيطه فهذا يدل على أن السحاب ضعيف ومطره خفيف ...
م , ق
.
الوسم هو أول نجم من نجوم الحيا ( الحيا يقصد به المطر ) ومدته 52 يوم وعدد نجومه أربعه هي العواء والسماك والغفر والزبانا... واذا الله كتب فيه ونزل مطر ينبت الفقع وتربع الارض وسمي بالوسم لانه يوسم الارض.. يعني الارض اللي ينزول عليها مطر في تلك الفتره تصير خضرا ومربعه وبها فقع وينبت الخزاما والنفل
عقب الوسم تدخل المربعانيه ...والمربعانيه هي اول نجم من نجوم الشتاء القارس وعدد أيامها أربعين يوم متتالية وعدد النجوم فيها ثلاثة وهي الإكليل والقلب والشوله ...وفيها يحت ورق الشجر ويموت العشب من شدة البرودة ..ويكثر الطلب على الدفايات والحطب والفحم والدقلات والخلاقين ...ومطرها يكون في الغالب في الليل او آخر النهار ...ويقولون الاولين البرد وجه ذيب ...يعني ما تدري متى يفيض عليك ...
ثم تدخل الشبط عقب المربعانيه ..والشبط عدد أيامها 26 يوم مقسومة على نجمين كل نجم 13 يوم وهي النعايم والبلده ...وبردها أشد من برد المربعانيه ومؤثر وقارس جدا ..واحيانا من شدة برودته تيبس عسبان النخل وتموت الاشجار ...ويجب الاحتياط للبراد لانه إذا دخل في الجسم وعقب الشبط تدخل العقارب.. ( ويقولون الاولين في المثل .. اذا دخلت العقارب فترا الخير قارب ) وهو ثلاثة نجوم كل نجم 13 يوم وهي سعد الذابح وسعد بلع وسعد السعود
ثم يدخل الحميم ...يقولون الاولين ..في المثل ( يالله ياكريم عدنا برد الحميم ) وهو عباره عن نجمين هي سعد الاخبيه والمقدم وكل نجم عدد ايامه 13 يوم وفيه يبدا موسم الربيع وتخضر الارض ويبدا يدفا الجو
يثم يدخل عقبه الذراعين ..وهو عباره عن نجمين وهي المؤخر والرشا وعدد ايام كل نجم 13 يوم ..ثم تدخل عقبه الثريا وعدد نجومها ثلاثه وهي الشرطين البطين والثريا كل نجم عباره عن 13 يوم وهي آخر نجوم الحيا ( المطر ) تقريبا ثم بعده تدخل نجوم الصيف على التوالي ...
طبعا الأولين كان عندهم أدراك تام لها النجوم ومنازلها لانها مرتبطه بحياتهم ارتباط مباشر سواء من ناحية الزراعه ومتطلباتها أو من ناحية الرعي وتتبع أماكن نزول المطر ...وكان عندهم فراسه وقدره عجيبه على معرفة تلك الأمور ومنهم الشاعر الفذ الله يرحمه راشد الخلاوي الذي نظم قصيدة طويله وصف فيها منازل النجوم ومواعيد دخولها وارتباط دخولها بمواسم المطر والزرع..وكان الأولين ليدهم دلالة وفراسه في معرفة بواشير الخير ونزول المطر ..وذا هبت ريح الجنوب أو الهيف يعني جنوب غرب وهي اللي يسمونها بالمثيره لانها تثير السحاب بإذن الله يستبشرون بالخير ..بعد ذلك تبدأ السماء باذن الله في التكتيم ( يقولون الالوين ...اليوم السماء مستمه ..أبشر بالخير ) يعني أن هناك بوادر تكوين للسحاب ..وأول ما يظهر من السحاب نوع يسمى عندهم بـ ( السدا ) وهو عباره عن سحاب خفيف يمتد في وسط السماء من الغرب الى الشرق ..ثم يليه تتدافع للسحب الاكثر كثافه مثل المزن والضروس والنصوب ...حتى تصبح السماء سوداء داكنه وتكون الرياح معه في الشتا خفيفة ويكون مطر الشتا خفيف ودقاق ومتواصل لا رعد فيه ولا برق في الغالب ..يعني ديمه ويقولون الالوين في المثل ( يالله ديمه على ديمه ...تسقي العروق القديمه ) ويكون مطر الشتا متواصل وعام أي ان السحب يكون مطرها في الغالب يغطي مناطق كثيره ومتباعده نظرا لكون السحب في الشتاء تمتد في أعلى طبقات الجو عكس سحب الصيف اللي تكون في الغالب منخفضة وقريبه للأرض.. ويظهر في السحاب الممطر في الشتا غالبا نوع يسمى بالطها ويبدأ في الظهور مع اول نزول المطر ويكون لونه ابيض بسبب شدة سواد السحاب اللي فوقه ..وذا ظهر الطها يستبشرون الاولين بالخير لانه يعني أن المطر سوف يكون غزير بإذن الله ...وغالبا بعد نزول المطر وانقشاع السحاب ..يعني اذا اصحت تصير السماء زرقاء صافيه وتهب بعدها ريح الشمال ويكون البرد قارس جدا ..أما في فترة الربيع فأن السحب تتكون في الغالب بعد الظهر ومع العصر وتمتد إلى أول الليل ويكون المطر غزير وتصحبها رياح قويه يسمونها ريح الغربي تهب من الغرب وشبوب ( يعني البرد ) ( الله يكفينا شر البرديه ..اذا نزلت دقت الزروع والدبش ) ...منول الاولين يخافون من البرديه خوفا على زرعهم ودوابهم لانها مهلكه اذا كانت البرديه غزير وحباتها كبيره ..وفيه سالفة سمعتها على لسان أحد كبار السن يقول أيامه كان فيه شاوي ( راعي ) سارح بالغنم في البر.. وركب عليه السحاب وحق الحقوق وصارت ترعد وتبرق ...يقول وما أمداه يوصل للديره وطاح المطر عليه وهو في البر ومن شدة السحاب وقوته كان معه برديه فأصيبت بعض الغنم في عيونها بالبرد وتفضخت خاصة الغنم اللي ما قدرت تتقا عن البرد تحت بعض ..لان البهائم فطرها الله على كل شي فيه منفعه لها فهي عند نزول المطر تجعل رؤسها تحت بعض للحمايه وعند جريان السيول تستطيع أن تعوم كأمهر سباح ..بقدرة الله الذي خلق كل شي وهدى ..سبحانه
أما مطر الصيف اللي هو آخر نجوم الحيا ( المطر ) فهو أشد غزارة وحبة المطر فيه كبيره كنها فرش ...ويكثر فيه الرعد والبرق وتكثر فيه الصواعق المهلكه وتكوين السحب عادة بعد الظهر إلى آخر العصر ..وتتكون السحب بسرعة وغالبا يصاحبها هبوب هوا قوي ونجل ( النجل جمع نجله وهو الهوا القوي اللي معه تراب احمر ) وتسير أيضا بسرعة تغيم وتصحي ويكون وميض البرق فيه سريع ومتواصل يعني حقوق ورعده يسمع بوضوح لان السحاب طامن وقريب من الأرض عكس سحاب الشتا ...( ويقولون الاولين في المثل عن هالحاله ..سحابة صيف ) يعني هذا الشيء سريع التواجد والاختفاء .. ويعرفون الالوين نزول المطر من السحاب بدلاله معروفه لديهم وهو ( الهملول ) والهملول هو عبارة عن تشكيل انسيابي من السحاب يمتد من أعلى السحاب إلى سطح الأرض فإذا حصل ذلك عرفوا أن السحاب ممطر بإذن الله وأن المطر ينزل ..لان هناك نوع من السحب غير ممطرة .. وإذا صار لون شعقت البرق أبيض فهذا يعني أن المطر بإذن الله غزير والسحاب قوي ..وايضا اذا كان سيف البرق صالب وهو نازل من السحاب الى الارض يعني يكون بشكل شبه خط مستقيم من أعلى إلى أسفل فهذا قد يكون صعقه قويه .. والواقي الله سبحانهhttp://www.hrmla.com/forums/images/smilies/smilie.gif .. أما اذا كان لون البرق يميل للون الاحمر أو أن البرق تكون شعقته بسيطه فهذا يدل على أن السحاب ضعيف ومطره خفيف ...
م , ق
.