دفاع عن 00 نيسـان باترول

[القرناس المهاجر]

بما أني من هواة نيسان باترول ومن الذين جربوا هذه السيارة على المدى البعيد فإنني اتـبنى الدفاع عنه 00 ولو أن فيها دعاية ولكن غليت علي العاطفة 00 حيل الله اقوى :D :D


ياخوي نيسان في برجه = طاريه دايم بكل السان
من يعرفه مامعه هرجه = خصوص من راح للخـليان
يحـلا به الحـوم والدرجه= مضمون مايختلف سمحـان



شاعر المقناص/ القرناس المهاجر

[راعي مرات]

القرناس المهاجر000

تحية يا أخي000( وين وكيل الشركة عنك000
ياليت في يدي شيء00كان هدية سيارة مع التحية للدفاع عنهم000
لكن العين بصيرة واليد قصيرة000

أخي القرناس المهاجر000لا يمكن أن يتفق الجميع على ذوق واحد000مستحيل00

خلق الله الخلق بهذا الطبع لحكمة إلهية 00وتنوعت المشارب00حتى تكون الحياة لذيذة000
واللي يعجبك00ما يعجب غيرك000والعكس صحيح000

تسلمون

0يقول الشاعر الأمير خالد الفيصل000( حسب ما يحضرني الآن)000
( يا مدور الهين ترى الكايد أحلى **أسئل مغني كايدات الطروقي
الزين غالي لكن الأزين أغلى *** ولكل شرايٍ بضاعة وسوقي)

[القرناس المهاجر]

مشكور اخي العزيز 00 راعي مرات

اللي فيك مخبور00 والله يسلمك على اهتمامك بالتكريم 00 عسى الله ييسر خير 00 وابشر بالبشاره
إن الله كتب لنا جويب واللا..؟ من هالتجار ولو اني اعتقد انهم مايدرون 00 حنا في وادي وهم بالثاني 00
لكن المثل يقول00 وللناس فيما يشتهون مذاهبُ:D وهذا عشقنا والقلوب مملوئه بالعواطف

اشكرك على تعليقك اللطيف الظريف 00 وأود الإشارة إلى أني سبق وأن نشرت قصيده وهي عبارة عن محاورة بيني وبين جيبي البترول 00 وهي قصيده رائعة نالت استحسان الجميع وارجو ممن يريد الإطلآع عليها ان يذهب لمجموعة قصائدي بعنوان (( قصائد شاعر المقناص 00 القرناس المهاجر ))

[الألماني]

لاتكسر البيت الله يجزاك خير
الجيب مايقطع الفرجه .... لا كان من نوع نيساني
يرميك في قطعة حرجه .... طعام للذيب سرحاني
مع تحيات راعي التويوتا ( الألماني )

[الخماسين]

اسمحلي اخي بالرد علي الابيات بالتالي :


للقلب فزت وللحب خلان = واترك امريكا ووروسيا وخذ اليابان
تقول احسن جيب نيسان = القرد عند امه احسن من الغزلان
وانا خوك انا فريت البران = وطرت من ايران لحدود جيزان
يا ويح قلبي من النيران = الا طفت عليك في النفوذ النيسان
تصيح وتبكي ومابه جيران = عندها تنقهر وتصير حيران


تحياتي للجميع .

[مكشات]

عز الله إنك عرفت تختار ;)
لكن من يطوله ؟ :confused:
شــــــــكــوى الســـفـاري (http://www.mekshat.com/stories/05/08.htm)

[خوي راعي كيف]

صح لسانك ياشاعرنا القرناس المهاجر سنايدي يابعدي اييييييييييييه تكفى :mad:

ليتي شاعر والله سان اكتبك قبل الباترول على هالمدحه

[صقر]

صح لسانك يا شاعرنا

لاعدمناك ايها الزميل

والله انك اثلجت صدري

[comnet007]

السلام ..عليكم

القرناس .. المهاجر ..

اسمع .. وانا اخوك .. يقول .. راع المثل .. اسئل مجرب ولا تسأل طبيب ..

اما في المقناص .. وخاصه اذا انت راعي طير .. وطردت .. فوالله ونعم الشارب .. بالنيسان ..

لجيت .. لك مطب .. والا جرف .. وطار الموتر .. وهف .. اول مايهف على التواير الأربع ..

ماهو مثل المواتر الباقيه .. هفتها على التواير اللي قدام .. وقشارك اللي ورى .. وطيورك ..

الي على السيت الخلفي .. منت بمحصلها في حضن السواق ..

اما عاد .. على الخط السريع والمدن .. ماقول شي ..

بس .. المديل الجديد 2002 يمدحونه .. فالسرعه ..

وللعلم .. وانا اخوك ..

عندي .. نيسان .. 1997 ولاني بمفرط فيه .. ابيه للبر والمقناص ..

وعندي VXR 2000 تيوتا .. مخليه حق البلاد .. وزحمة الموصلات ..

ولاعليك .. وانا اخوك .. من كلام العذال ..

.. وانت يالنيسان اللي مايعرفك مايثمنك ..

والسلام .. ختام ..


تدري .. انا نسيت .. اقولك اني شاعر .. وخذ ردي


راكب اللي مايكودك سرجه ... اشهد انه بالفعول احصان

مايجي لك مايل خُرجه ... خص كنك تقنص الوديان

ماخبرته صار به عرجه ... لاقطع له واديً مليان

لانويته حط له فرجه ... كنه الا بالفعل راكان .. ( ونعم بشيخ من شيوخ يام .. العجمان .. )





والسموحه .. على التقصير ..

وتحيتي .. والسلام

[comnet007]

والسلام .. ختام ..

[القرناس المهاجر]

الإخــوة كل من:

1- الألماني
بالنسبة لكسر البيت هذا ليس مني ولكن من الذي نشر القصيده في موضوع آخر
وقمت بالرد عليه بنفس القافيه 00 لكن طالما انك صححت المعلومه فهذا هو الرد اسفل

2- الخماسين
شكور على الدردشة التي ناضلت بها عن تويوتا :p

وإليكم الرد بعد التصحيح


نيسان كالنجـم في برجه
= طاريه مافارق السـاني
من يعرفه مامعه هرجه
=موتر مدينه وخـلياني
راحه وكشخـه بلا صجه
=هو شف قلبي ووجــداني
يحـلا به الحـوم والدرجه
=مضمون مابار سمحـاني

[القرناس المهاجر]

اخي الحبيب 00 ابو ياسر

لاهنت 00 وجزاك الله كل خــير 00 عزالله إنك جيت في الوقت المناسب وحطيت رابط القصيده النيسانيه :D :D اللي ماقدرت احيبه :)
مشكور ياعزيزي 00 ووجود تعليقك ومشاركتك 00 دليل اريحيتك وطيبتك

تقبل تحيات اخوك 00 القرناس المهــاجر

[حزم النيران]

راكب من عندنا ما تقل ياط******من سرعته خطه دواوير وخطوط
يطرب لمنه ضرب طلعه الغاط******لا حس لا ونه ولاصوت عرموط
داخله مخمل والارضيه بساط******وشعار تايوتا على الخشم محطوط

[ابو عايد]

أخي العزيز 00 القرناس المهاجر

اسعد الله مساك يابو عبدالله

وصح لسانك ويعطيك العافيه

وجعلك على القوه

والنيسان موتر ينشد به الظهر ولكن عيبه البانزيم

وتقبل تحيات // العاشق الولهان

[ابن شارخ]

القرناس المهاجر

صح لسانك
وبيض الله وجهك، شفت النيسان كل شئ في زين، ودايم اللي يسوقون النيسان تلقاهم اهل
فزعه وسنافية ولا تهونون، لكن النيسان عيبه هالبنزين يشرب شرب

تحياتي لك
اخوك
ابن شارخ

[نقا هشال]

انا ابي أطرح رأيي

والاختلاف في الرأي مشروع

انا جربت جيب النيسان لمدة 5 سنوات

والآ معي في إكس آر تويوتا

ودريت يوم شريت التويوتا اني كنت مندفن ومنعمي ولا ادري وين عقلي فيه يوم اشتري نيسان.

تــــــــويوتا وبس,,,

[الخماسين]

البارحه باح صدري وونيت == من كثر ما قول يا ليت .. يا ليت
ياناس .. يا عالم.. انا عنيت == والقلب هم ووابتلا.. وخليت
يا ليتني مع الناس فزيت == للعلوم الطيبه والمخاوي تخاويت
لا تقول نسيان تراني طقيت == بعد البلاء والهموم تراني تخليت
البنزين ياكل النار مع الزيت == والمصاريف ذبحتني وتعزيت
يا ليتني سمعت وما تمنيت == كلام الاخوان وماشفت وتبليت
والسلام علي خير ما تخطيت == رسول الله حبيته وتمنيت

[القرناس المهاجر]

الأخوة كل من :


خوي راعي كيف

الصقــر

مشكورين على اعجابكم وإطرائكم الجميل 00 دمتم سـالمين
................................

أخي 00 comnet007

مشكر على الإسهاب في افضلية نيسان والتفصيل المقنع 00 بارك الله لك فيما عندك وكفاك شرها 00 والمثل يقول إسأل مجرب ولاتسأل طبيب :D




تمنياتي للجميع بالصحة والعافية 00 والله يوفقنا وإياكم لما يحب ويرضى :good:

[الخماسين]

لا تتضايق يا اخ " القرناس المهاجر" فالاختلاف لا يفسد للود قضية ، ومن الطبيعي أن لكل منتج حسنات وعيوب ، فالكامل وجه الله عز وجل.

[القرناس المهاجر]

الأخوة كل من :

حزم النيران
ابو عايد
بن شارخ
نقا هشال
الخماسين

كل ماقلتم صحيح وانا مقتنع به وكل أرائكم وانطباعاتكم جميلة سواءً الشعريه أو النثرية 00 وتويوتا مثلما يقولون ( توزن ذهب ) والبعض يقول شيك في الجيب 00 وفي الحقيقه ليس في بالي ان تويوتا لاشئ .؟ ولكن الميول والمحبه والقناعه عندي خاصة 00 هي التي تجعلني اقف مع باترول نيسان وكما يقول المثل ( كل راس مركب على حكمة ) :D
احبابي اسعدني جداً تواصلكم ودفاعكم عن عشقكم ;) 00 أما البنزين فاوصيكم بالكربريتر الجديد وبس 00 والا اما الصرفيه فهي واحدة 00 ونا جربت الــ vxr والسفاري فوجدت الصرفيه واحدة 00 اما المركب والثبات في الخط فهو النيسان وبس :good: :D :D

اشكركم من الاعماق 00 والله لايهينكم :)

اخوكم القرناس المهاجر

[al-nashmi]

اخواني الكرام...
صباح الخير.....

انا استخدمت الباترول لاكثر من خمس سنوات ولا يزال معي ولا عندي نيه ان اغيره بموتر ثاني بسبب المميزات الكثيره اللي يمتاز بها عن التويوتا ..مع ملاحظه ان:

1- الباترول من م98 وطالع ما يتفكك مثل اللي قبله
2- صرفيه البنزين حول التويوتا ماهناك ذاك الفرق الكبير




النيسان.... لو يجي شنطه كان ياسلام........يجمع المجد من اطرافه.....

شكرا لكم....... وتذكروا....... ( لولا اختلاف الانظار لابارت السلع)





وتقبلوا تحيات اخوكم الصغير / النشمي

[الفهد]

اخوانى الاعضاء الكرام
واللة انا اقول السفارى وبس ليش انة اخف من التويوتا بالنسبة للفزة وللرمل{كرمكم اللة}وتحس انة اسهل من التوتا بالنسبة للطرد تقدر اتثبتة مو الاند كروز اللى مالة كبد على الرمل هذا وانا جربت السفارى والاند -- الاند خذة مركوب وتحميل واما عطايا اللة السفارى لاتقط منة شئ.............
وهذا راى الشخصى وتجربتى

[laith]

السلام عليكم ورحمة الله وبركاته...

اخي وعزيزي " القرناس .. المهاجر " ....:heart:

لقد رفعت معنوياتي بمدحك للنيسان وحقيقة قلت كم بيت في مدح النيسان .. عدت استحيت احطها خوف تكون مو لهناك..

[القرناس المهاجر]

هلا بالحبيب 00 النشمي

عزالله انك جبتها من آخــرها 00 ( لولا اختلاف الانظار لبارت السلع) :D :D
ونا بازيدك من الشعر بيت وهو 00 (( وللناس فيما يشتهون مذاهبُ ))00 والنيسان والتويوتا في نظري افضل سيارات للصيد والرحلات البرية لكن الله الله عاد في الجديد ;) ;) 00 حتى ماينسدح براعيه في عمق الصحــراء :confused:

[القرناس المهاجر]

الإخوة كل من :

الفهد
ليث


كلآكما عينان في رأس :good: :good: كل ماكتبتموه من عبارات كان جميلاً ورائعاً 00 سرني صدقكم وصراحتكم 00 شكراً من الأعماق 00 ودمتم ســالمين 00 :) :)

[عبدالله الصالح]

ياناس انا من المعجبين بالباترول لا من ناحيت الطرد ولا من ناحيت الخف ولا من ناحيت الراحه
وانا لاحضت ان الي يشتري باترول ما يقدر يطلقه والباترول في الشعيب والنفود اخف من التويوتا...

[الاجودي]

صح لسانك وبيض الله وجهك

وفعلا من جرب النيسان مايخليه

[laith]

أخي شاعر المقناص " القرناس المهاجر" ......

أرجو أن تقبل هذه الابيات اللتي على قد الحال ... أوصف بها النيسان ...... وش نقول عاد الحب قايده أعمى..‍‍‍‍‍‍‍‍‍ والسموحه من الاخوه الشعراء ان كان القصيده ماهو ذاك الزود .....:D



ابدا بأسم الله في علاه الواحـد الديـان = مقدم جزل المعـاني وشرح وافي البيان
المروة والشهامه والكرامه وفزعة الشجعان = تمثلت بك واعتزت بك خيرة الفتـيان
مـاثـل مسـتـمثـل لشرع الله يـاحكيـم = بـاعد ومتـباعد عن الردى والشيـان
اقـول قـول كـله قـــول في الصمـــيم = وأن وفيت ماكفيت كل حقوقك بالبيـان
قد علم ان السفـاري في الرمال مايماري = وقد تشرب الكــياسه والرياسه بالقـنـان
يمشي ركـاده بكـل ثـقه مـن غير جــنون = مـاتكلف في سجيته ومالبس ثوب الجبان
في الصحاري والفيافي المقفرات المدهمـات = في لاحنيس ولاونيس ومــا سرى انســان
فـوق هـام عـالي الجـبال الراسـيات = على الصفود والجلامد كد نقش نيشــان
مـاتردد أو توعــد واقـواله فعـول = نـار تلظى في لهـيبه يوم استــبان
فز صــدره وارتفع يوم نتــع بالرحـول = بكل نمره مسـتعد ومسـتجد في كل آن
مـلغم" شد بلد" بدون اضــافه او مزيــد = والاصايـل في غير حـاجه للتجمل بالزيان
لـون وعـون و وقفـته صـرح مجــيد = كل هيبه وكل رزه انرسم بذاك الكـيان
مــايلهم الشــاعرعلى قــول الفصـــيح = من غير مهجه داخلــيه مخفيه عن العـيان
وقد تقدم عــاذل بنقد لاذع و صريــح = ســاقه هـواه على هـواه في كل شــان
لم يوفي حق الـقـوافـي بالعـلم الصحــيح = وامتطى خـيل ابليس في التدليس المشــان
متفــاخر بجــيــل قد مضى وراح = وقيده التــاريخ صفحه من زمــــــــان
ومـادرى ان أتـون الـنــار واللهيــب = تخلف رمـاد تذريـه الريح في كل مكـان
مثل السوالـف تشمل كل غث وسـمــين = ويبقى ذكر الله في السوالــف حرز مصـــان
لابأبـيـــه ولابجده الفتــــى يـافطــين = ان الفتـى من اعتزى ان لزم امر وحـــان
قلت قـول جــازم في ماحـتواة = والعـذر ياحـاكمين ان كـان به نقصان

[al-nashmi]

تسلم ياليث ...... وصح لسانك على هالجميله.......... ياجميل

ولاتكفينا منك هذي نبي منك زود.....

وحنا بنتظارك.....................

[ريف النشـامى]

مساك الله بالخير يا القرناس المهاجر أنت و الربع


اسمح لي ياأخوي أني ما لي هوى بالنيسان مولييييية


و لا تزعل مني ......زين


لكن أحبيت أغير الموضوع إلى شعر الغزل بمجاراة قصيدتك الجميلة في النيسان


الصراحة .....


فاضت القريحة لما قرأت قصيدتك بشكل موازي و انقلبت(( عكسية )) !!!!!!

بغير شعور مني ..........

لكن تقبل مني هذه الأبيات و في انتظار ردك يا شاعر المنتدى.....






يا ضارب واسع الفرجة = على موديلات نيساني
يشدا لأصيلٍ معه سرجه = و لا قرانيس شيهاني
غيّر هوى هبة الهرجة = و اعدل على ساقيٍ ثاني
أنا هواوي و(( أبا )) الهجة = مع خلي اللي له عناني
خلا المعاليق منمرجة = و دخلت أنا عالم ثاني
عرقه صفا من بلا كرجه = من نجد هي زين الأوطاني
خواله عنوز لا وجّّّه = و العم من نسل مطراني
وسلامــــــــــــتــــــــــــكـــــــــــــم
ريــــــف النــــشامــــى

[laith]

السلام عليكم

اخوي "al-nashmi" الله يسلمك ويعافيك .. وسعدي والله يوم اعجبتك ابياتي المتواضعه ..لاعدمتك

وارجو السموحه من الاخ الشاعر "القرناس المهاجر" ان كان تعدينا موضوعه .. ولكن حرصا على عدم طرح مواضيع متشابهه