الربيع
28/08/2003, 01:26 PM
هذه ابيات اعتقد انها للشاعر/ احمد الناصر
تصف بعض الذكريات من الماضي القريب
ارجو ان تعجبكم
احمد الناصر ......نسيتي المزح بالقبه
نسيتي
نسيتي المزح بالقبه = نسيتي لعبنا الطبه
نسيتي كشختي دايم = بثوب دوبلين خبخبه
نسيتي غترة الململ = تغطيني تقل جبه
نسيتي الركض بالطايه = لاصار بدارنا شبه
لاجابوا فضلة القرصان = نتسابق ودنا نلبه
نسيتي ازعاجنا لمك = وهي بالحوش منكبه
نسيتي معلف ام العوف = تضفينه وانا اكبه
نسيتي ثوبك التنتر = وغيضك لانقطع حبه
لاجابت امك الوازلين = نهج للحوش مانحبه
تبي تدهن قوايمنا = وحنا نهوش ونسبه
نسيتي بسطة عزيز = إلى جا العصر بالقبه
نسيتي خرطه الماصل = يجيب الحكي من عبه
نسيتي القربة الشنه = وماها البارد نقبه
نسيتي قولك معصقل = وانا اعيرك يالدبه
نسيتي انعالنا التليك = هي الموتر ونلعبه
نسيتي من كثر ركضك = انا مسميك يالذبه
نسيتي موعد الحنا = إلى جا صابكم خبه
نسيتي طيحتك بالليل = وهي ظلما وانا السبه
نسيتي اكلنا الهبود = نتناقر والسبب حبه
وامك لا تهاوشنا = تحط بعيوننا شبه
نسيتي ثوبك الكرته = ننكت في ونشبه
نسيتي كحة المذن = قبل مايذن ينبه
نسيتي اتريكنا المصنج = نغسله قبل مانشبه
ندعي الله ياكود العنز = تجيب وليد نلعبه
نسيتي كيف اوصف لك = زمان يعلمه ربه
حلو رغم الفقر بالحيل = زمان راح ونحبه
نسيتي ليه مادري = دخلتي الوقت من جنبه
لك الفيديو لك التلفاز = لك المكياج ماحبه
لك الدنيا وزخارفها = عطينا حضار مع قربه
ومعهن مسفع بالي = وثوب اللاس والطبه
*****
أحمد الناصر الأحمد
نسقت بواسطة راعي مرات
تصف بعض الذكريات من الماضي القريب
ارجو ان تعجبكم
احمد الناصر ......نسيتي المزح بالقبه
نسيتي
نسيتي المزح بالقبه = نسيتي لعبنا الطبه
نسيتي كشختي دايم = بثوب دوبلين خبخبه
نسيتي غترة الململ = تغطيني تقل جبه
نسيتي الركض بالطايه = لاصار بدارنا شبه
لاجابوا فضلة القرصان = نتسابق ودنا نلبه
نسيتي ازعاجنا لمك = وهي بالحوش منكبه
نسيتي معلف ام العوف = تضفينه وانا اكبه
نسيتي ثوبك التنتر = وغيضك لانقطع حبه
لاجابت امك الوازلين = نهج للحوش مانحبه
تبي تدهن قوايمنا = وحنا نهوش ونسبه
نسيتي بسطة عزيز = إلى جا العصر بالقبه
نسيتي خرطه الماصل = يجيب الحكي من عبه
نسيتي القربة الشنه = وماها البارد نقبه
نسيتي قولك معصقل = وانا اعيرك يالدبه
نسيتي انعالنا التليك = هي الموتر ونلعبه
نسيتي من كثر ركضك = انا مسميك يالذبه
نسيتي موعد الحنا = إلى جا صابكم خبه
نسيتي طيحتك بالليل = وهي ظلما وانا السبه
نسيتي اكلنا الهبود = نتناقر والسبب حبه
وامك لا تهاوشنا = تحط بعيوننا شبه
نسيتي ثوبك الكرته = ننكت في ونشبه
نسيتي كحة المذن = قبل مايذن ينبه
نسيتي اتريكنا المصنج = نغسله قبل مانشبه
ندعي الله ياكود العنز = تجيب وليد نلعبه
نسيتي كيف اوصف لك = زمان يعلمه ربه
حلو رغم الفقر بالحيل = زمان راح ونحبه
نسيتي ليه مادري = دخلتي الوقت من جنبه
لك الفيديو لك التلفاز = لك المكياج ماحبه
لك الدنيا وزخارفها = عطينا حضار مع قربه
ومعهن مسفع بالي = وثوب اللاس والطبه
*****
أحمد الناصر الأحمد
نسقت بواسطة راعي مرات