عضو جديد !! وجاهل بالبنادق ممكن تفيدوني :)

[ع م ر 001]

السلام عليكم ورحمة الله وبركاته

أنا جديد وفي نفس الوقت جديد بالبنادق اليوم ولله الحمد شريت سكتون هوائي أسباني موديل 90

طيب وصلت البيت فكيت العلبه :D أبغى أعشق من وين أدخل الفشق ؟ << :eek: أفا ماتعرف تعشق <<:D
الحقيقة ماعندي معارف معاهم بنادق :D + ما عندي خبرة فيها :D = ما أعرف أعشق :(

فأي واحد يعرف كيف يعلمني

لأني محتاج !! وبسررعة ودي أضربها بشجرة

المهم وين الأزرار بالبندق اللي تفتح البندقية وتدخل فيها الرصاص + كيف طريقة حطي للرصاص
له جهتين قال لي البياع بس نسيت الجهه والمهم أي نصائح لواحد مايفهم في البنادق تعطوني إياها

:no2: لأنه لاسمح الله يمكن تموت نفس بريئة بسببي !

بسرررعة لأني ما اطيق النظر للبندقية بدون إستخدامها

بس بصبر علشانكم

نسيت أقول لكم البندقية شاريها بـ ألف وخمسمائة ريال ؟ ومعها ترخيص مفتوح ؟
بالمناسبة :D شريت البندق وأنا أتفحصها بالبيت لقيتها مخدووشة خدش بسيــط أستبدلها بثانية ولا أخليها
ولا هي من الصناعة كذا ؟؟؟

سلامز

[ع م ر 001]

يا أخوان معقوله ماتعرفون تعشقون ساكتون

[ذرب المعاني]

؟؟؟
معقول تشري شي ماتعرف له

عمووما الحمدلله انا ساكتون ماهيب خرازه ولا شاخووفه ولا فرد ولا كان جبت العيد

المهم ... ترجع للمحل وتستبدلها والمفروض خلووك تجربها عندهم

[ابونايف الروقي]

ارجع للمحل استبدلها وخله يشرح لك طريقه استخدامها لانها يبي لها وقت لين تعرف لها .. يمكن اسبوع او اسبوعين

[ع م ر 001]

أسبوووووووع أو أسبوووووووعين !
حتى السيارة ماتوصل أسبوع

المهم الخدش البسيط طلع لزقة لونها على لون الرصاص يوم حركته بأصبعي راح :) الحمدلله

وصرت أعبث فيها عرفت كيف أفك الماصورة وأعشقها بس بقا أطلقها على الشجرة اللي بالبيت !

لاتخافون شاري كنزه مضادة رصاص ؟

أعطيكم النتائج المذهلة !!!

[ع م ر 001]

وش صار لها

فكيت السبطانة ودخلت الرصاصة ورحت الحديقة وضغطت ع الزناد ؟

ماصااااار شي !

[ع م ر 001]

وألحين الرصاصة ناشبة في نص الماصورة !

لا تقولون لي خربت !!!

[ذرب المعاني]

???
انتبه تطالع في فتحة الماصوره بعينك وانت تجربها او تنتظر الرصاصه

فك الامان الله يصلحك

[ع م ر 001]

يا ذرب المعاني طلعت الرصاصة بعلاق حديدي
جبت زرادية وقصيت العلاق لين ماصار زي المسطرة :)

المهم فكيت الأمان اللي هو جنب الزناد اللي يمنعك عن الضغط عليه (فكيته)

بس ماطلق ولاطلع صوووت ؟

بجيب صور للبندقية :)

[ذرب المعاني]

هههههههههههههه

الله يرحم حالك وصلت الدعوه لعلاق حديد ؟؟؟
انتبه لنفسك

[ع م ر 001]

http://www.up.5alid.com/up/uploads/f1b8c3a017.jpg (http://www.up.5alid.com/up)

[ع م ر 001]

هذا الساكتون وأبي أعرف كيف أعشقه !

إسمع يمكن توصل الدعوة ... الله يستر بس
لا الحمدلله أنا ما أحط عيوني في الفتحة ولا أنا كنت في خبر (كان) :)

إسمع يا ذرب ألحين المحلات مسكرة والمحل اللي شاري منه مسكر ! أبغى واحد يعلمني

إذا جاء العصر ومع كثر العبث ومانجحت ذيك الساعة أدق عليهم !

المهم ألحين عندي التوقيت الساعة وحده وثلث باقي ساعتين

وتعرف أنا مولع بالبنادق يوم شفت مكشات ! الله يهدينا أجمعين

فكيف فكيت الأمان دخلت الرصاصة (ما أعرف كيف أعشق) !

[ع م ر 001]

طلعت لي فكرة شباب ؟

بروح المحل وبشتري بندق أسباني أصغر نوع

وبخلي الساكتون 90 بـ المجلس تحفة فنية :)

وأنا كانت عيوني عالصغير لأنه قوي وخفيف + مو معقد :) المهم

إن شاء الله بشتريه و أعلمكم آخر الأخبار جزاكم الله خيرا ً

[ع م ر 001]

أبشركم الحين تعلمت

مسكت الماصورة وحنيتها لأقصى حد طلع لي صوت فكرتها إنكسرت ! بعدين يوم سكرتها

مرت 3 دقايق بعدين جيتها قلت ليش هالبندقية الأسبانية مو شغاله لازم أرجعها

ومسكت الزناد قلت هاذي آخر ضغطة وضغطتها وإلا طااااااااااااااااخ صوت هز البيت هز :)

بس ماتوقعت ردة فعل البندقية خفيف جدا ً وما كنت ماسكها المسكه القوية بل كنت ماسكها مسكه بيد وحده بس

المهم عشقتها مرررة ثانية ومسكتها بيدين وطااااااااااااخ ولا كأني ضربت مافيه ردة فعل ماشاء الله تبارك الرحمن

المهم سمعت ناس يقولون أنه البنادق الأسبانية خراباتها كثيـــــــــــــــــــرة ؟ هل هذا صحيح جزاكم الله خير

[وسيـع البـنايد]

تصدق يا عمر .. إن أول مرة مسكت فيها الهوائية كان عمري 9 سنوات .. !!
كانت هدية نجاح ولا سويت سواتك - الظاهر إنك من الفرحة ضايعتن بوهتك
بنـعذرك

[ذرب المعاني]

?????????????/


عرفت تشحنها ؟؟؟؟


طيب بذمتك وشلون دخلت الرصاصه ؟؟؟ الي نشبت

لايكون من فتحت الماصووره ؟؟؟

[ع م ر 001]

ياحظك عمرك 9 سنوات وهدية لاتقول إنها من أبوك ^_^

أفا عليك ياذرب المعاني كل الناس يدرون إنه الرصاص مايدخل من فتحة الماصورة ^_^
أنا الحمدلله شفت أفلام أكشن @_@ ومالقيت واحد يدخلها من فتحة الماصورة فقلت أكيد بندقيتي من مكان ثاني

فحاولت لين ما صارت الماصورة منحنية عن البندقية ودخلت الرصاصة بدون ما اطلع صوت @_@

بس هي ام وحده وشحنها متعب مررررة 3 رصاصات وإلا أنا ألهث :)

[يازين الجو]

حدد موقعك واطرف واحد من المكشاتيين تقابل معه وتقهو ويصير خير ههه

[علي101]

يا ع م ر 100
والله إنك طيب بالحيل ونسيتني همومي الليلة
حدد موقعك وإن كنت قريب مني أو بعيد ( القهوة عندي )ويصير خير مع هالسكتون

[nejjer]

هههههههههههههههههههههههههههههههههههههههههههههههههه ههههههههههههههه

ياعمر ابوك وينه عنك ههههههههههههههههههههههههههههههههههههه

[ع م ر 001]

كيف حالكم

شكرا ً شكرا ً لا داعي لا داعي :) هههههههههه

تراكم حمستوني بشتري براوننج ههههههههههه

يازين الجو هات الطريفين وأتحداك إني بكون أولهم ^_^
علي 101 : إن شاء الله يسير (يصير) خير @_@ شكلي أنا بعيدن عنك برد واحد @_@
نيجير أبوي إن شاء الله بكره بوريه البندق (إصبر لين يطلع الترخيص) ^_^ بفتح لبوي كم موضوع بعدين نخش للزبدة :)

ألحين ودي أسألكم سؤال مهــــــــــم بما أنني مبتدأ فأريد أن أتدرب الرماية وفنونها فهل يوجد محل لتدريب الرماية بالسعودية

^_^ إيش رايكم بالسؤال الكشخه @_@ المهم ودي بس هالسؤال

وبكون له من الشاكرين بس . لو كان بالشرقية كان أحسن :)

يالله ياكريم مع السلامة ياقوم

[nejjer]

لاحول ولا قوة إلا بالله من اللي دلك على المنتدى

[ع م ر 001]

أفا نسيت ؟ أنت علمتني (أمزح)

بس كتبت بقوقل (ساكتون) طلع لي نتيجة تدعى مكشات ؟ فقلت بسم الله توكلنا على الله

وووووووو مع السلامة ^_^

[بارود برنو]

أفا نسيت ؟ أنت علمتني (أمزح)

بس كتبت بقوقل (ساكتون) طلع لي نتيجة تدعى مكشات ؟ فقلت بسم الله توكلنا على الله

وووووووو مع السلامة ^_^




اهلا وسهلا فيك عضو بين اخوانك البوارديه
البندق الهوائيه خطيره انتبه لا تستهونبها
طريقه استخدامها بسيط جدا لاكن الصعب وشلون
تصوب صيدك وتقنصه بالطريقه الصحيحه
اذهب في مكان خالي مثل سطح البيت
وحط امامك لوح خشبي وضع عليه علامه مثلا
دائره صغيره باي لون بحجم غطات الببسي
وبعد عنها 20 متر او اكثر وحطلك فرشه وبرادي
لعشان تمخمخ
وتكايه لكي تصوب صح بما انك عليمي
وركز عليها البندق وبسم الله لين تتعلم
وتعرف وزنه البندق وبعد كذا روح لقرب شعيب
وقول حياتنا كلها دقات وكل دقه بتعليمه
وسلام

[محارش]

أفا متعرف ترمي وشوله شريت بندك الله يصلحك ولا توجه البندك على أحد
خطر؟؟؟؟؟؟؟؟؟؟خطر؟؟؟؟؟؟؟؟؟؟خطر؟؟؟؟؟؟؟؟؟؟؟؟؟خطر

[ع م ر 001]

جزاكم الله خير بحاول لين ما أنجح بس اللي ما أعرف له هو الإصابة بدقة

بس ألحين الحمدلله تعلمت بالنسبة للوح الخشب حطيت لوح خشب وحطيت صورة إصابة
لكن جبتها بالدائرة الصغيرة بس مو بالنقطة يعني ما أعرف أصيب بدقة

ونسيت أقول لكم أنا بالساكتون نقطتين خضر وبعدها نقطة حمراء أجيبها مضبوط وإذا رحت ألقاها رايحه فيها

يعني ما فهمت كيف أصوب بالضبط حتى البياع قال لي الطريقة وأسويها صح وماتجي مضبوط !

المهم قررت أروح محل يوزن لي منظار لكن السؤال يمديه يوزن لي منظار البندق الأساسي وجزاك الله خير

[winchester]

عسى ماتكون من جيراانا بس خخخخخخخخ لاترمي يمنـا <=- يعني جهتنا


دمـت بود


خله لابد الليالي تصحيه * يقوم من نومه بليا منادي

[ابو مشعل 1]

24/10/2007, 12:37 PM
ع م ر 001 (http://www.mekshat.com/vb/member.php?u=63047) http://www.mekshat.com/vb/images/statusicon/user_offline.gif
مكشاتي جديد
تاريخ التسجيل: Oct 2007
المشاركات: 21
http://www.mekshat.com/vb/images/reputation/reputation_pos.gif


رد: عضو جديد !! وجاهل بالبنادق ممكن تفيدوني :)
يا ذرب المعاني طلعت الرصاصة بعلاق حديدي
جبت زرادية وقصيت العلاق لين ماصار زي المسطرة :)

المهم فكيت الأمان اللي هو جنب الزناد اللي يمنعك عن الضغط عليه (فكيته)

بس ماطلق ولاطلع صوووت ؟

بجيب صور للبندقية :)

ع م ر 001رد: عضو جديد !! وجاهل بالبنادق ممكن تفيدوني :)
كيف حالكم

شكرا ً شكرا ً لا داعي لا داعي :) هههههههههه

تراكم حمستوني بشتري براوننج ههههههههههه


وين بيتكم فيه :j لاتصير حولنا بس

[محمد الشاوي]

الله يستر عليك وش لون امسكت معك تشتري سلاح وانت ماتعرف له .

ولكن من جد ياعمر موتني من الضحك .

شكرا لك على الأسلوب المرح .

[ع م ر 001]

والله بحاول أنقص من مرحي عشان أصير متوازن بين مرح وساكتون

الحين أنا عندي إستفسار بسيط

لعبثي المستمر للسلاح وكانت من التجارب
1- كيفية تعشيق السلاح وقد نجحت وأخذت A
2- كيفية إدخال الرصاصة وقد نجحت بعد ما ادخلت واحده بوجه مقلوب !! C الحمدلله ماهي شوزن
3- كيفية الإصابة بخط مستقيم وقد نجحت A
4- كيفية الإصابة للأعلى ولم أنجح ؟
5- كيفية الإصابة يمين ويسار ولم أنجح ؟
6- كيفية وزن الدربيل ولم أنجح ؟
---
طيب نجي للزبدة أغلب النقاط المهمه مو ناجح فيها !

طيب ألحين ليه يبيعون أسلحه ومافي نوادي تعلم أسلحه !

((بالنسبة للناس اللي يقولون ليه تشتري سلاح وماتعرف له وتنصحني برميه !))

الجواب سهل لأن السلاح مفيد في أشياء كثيرة وأتحدى محد يعرف وش فوايده
(الدفاع عن النفس - الصيد) وفيه حديث للرسول صلى الله عليه وسلم
قال "علموا أولادكم السباحة والرماية وركوب الخيل"

الحمد لله أعرف أسبح وأعرف أركب خيل

فأي واحد يبيني أعلمه كيف يسبح السباحات السريعة يجي ^_^
وترا أنا نطيت من 9 امتار فوق سطح البحر ^_^
وركوب الخيل أعرف أمشي بالخيل سرعة مستحيله ماشاء الله وأعرف أطب معاه في البحر وكل كل شيء
بس يوم جيت اكمل الناقص ((سكتون)) !! فكرته سهل مثل (الخيول والسباحة)

طلع لي شي خرااافي

إسبوعين وما أعرف الأساسيات

فيا ناس لاتبخلون علي

وإذا واحد قريب نتفق مع بعض نروح بعثه تعليمية ^_^ لا
من جد أبغا نادي تعليم الرماية مهم حتى الوالد بدأ يصطا قصدي يصتصيغ ! الفكرة

وقال خلنا نروح مع بعض النادي ؟؟؟

وهاذي ماكنت متوقعها من الوالد اللي كنت متوقعه إنه يقول هذا (سلاح ومانبي واحد معه سلاح من العيال؟

رجعه عليهم ولايقصون عليك ويسرقون فلوسك!!)

أرجوووووووووووكم نادي أينما كان << لو بالمريخ

[محمد الشاوي]

الذي ذكرته ليس حديث عن الرسول صلى الله عليه وسلم بل هو مأثور عن عمر بن الخطاب .

ونحن نؤيد أن يتعلم الإنسان على السلاح وهذا شي ضروري بس حنا نقول :

ياعمر

ياعمر

لا تستخدم السلاح لحالك وأنت ماتعرف له . خايفين عليك وعلى أهل البيت .

وإذا تعلمت عليه ذيك الساعة بكيفك ..

بالنسبة لنوادي تعليم الرماية فحاليا لا يوجد بالمملكة ولكن سمعت أن الموضوع محل دراسة من قبل الجهات المسؤولة .

ولكن أكيد ستجد من يعلمك على طريقة استخدامه ممن حولك .

موفق خير ياعمر .

[ع م ر 001]

خلاص الحمدلله وجدت أحد أقربائي بالشرقية من هواة القنص

وعنده بندق ناري ياحظه >> منفجع

الحمدلله

وودنا اللي عنده معارف يعرفون لموضوع دراسة النوادي للرماية بالسعودية

يعلمنا أول ماينفذ الخبر جزاكم الله خير

[هواوي]

اخي الحبيب عمر

انت استخدمت مصطلحات في موضوعك لا يستخدمها الا الخبير في السلاح

[ابو نواف2007]

هههههههههههههههههههههههههههههههههههههههههههههههههه من جد والا تستهبل