نقطه مهمه جدا جدا

[عاشق الصقور]

بسم الله الرحمن الرحيم
السلام عليكم ورحمة الله وبركاته

مساكم الله بالخير أخوتي الصقارة في هذا المنتدى الطيب،،،،،،
أخوتي بما أن وقت القنص قرب وأوشك حلوله أحببت أن أطرح هذه النقطة المهمه ،،،،،،،، ألا وهي ::
إن الصقار من بعد الصيف أو بالأخص ربطة الطير يكون على لهف وشوق للقنص من بعد تلك المدة وأيضاً خوفه على صقره من الأمراض في تلك المدة ،،، ولكن مما يكدره ويزعجه ويحزنه أكثر في وقت القنص ما يقوم به بعض إخواننا من غير الصقاره بصيد أعز شئ عند الصقار ألا وهي ((( الحبارى ))) ،،،،،،،،،،،،
فأوجه نصيحه لأخواننا عند رؤيها أو رؤية جرتها إخبار إخوانهم الصقارة عن ذلك لما في ذلك من الإرضاء والمتعه ،،،،،،،،،،،،،،،، وشكرا لكم ...

أأسف على الإطالة و التفلسف ...

[المري]

عاشق الصقور


صح السانك يالسنافي والله انك ماقلت الا الصحيح وهذا هو المفروض اذا

لقاها راعي الحلال ينادي على راعي الطير ويصيدها ويعطيه اياها ويوفر عليه فشقه

بعض الاخوان الله يجزاهم خير اذا كان يعرف احد حوله ولا نادى بالجهاز على الموجه

العامه : يااقرب جهاز عنده طير ؟؟ واذا جاوبه قال : اطلع موجة كذا وكذا فأخذ يوصفه

الطريق حتى يأتيه ويهدون الطير عليها ويستانسون على هدد الطير ....


شكرا لك اخوي على طرح مثل هذا الموضوع....


وتقبل تحيات اخوك / المري

[اعقاب]

كلام من ذهب لكن راعيالبندق اذا حصل الحبارى ماتثاثا
ماهو ظامن ان راعي الطير بيصيدها
هو اساسا ماهو ظامن صيده لها
وييييييييييييييش تقوووووووول

[عاشق الصقور]

حياكم الله يا أخوي ((( المري ))) ويا ((( اعقاب )))

وأشكركم على الرد والتوضيح أكثر

وما قيل هو قليل مما عندكم

أخوكم عاشق الصقور

[ميراج]

الاخ عاشق الصقور السلام عليكم

كلامك صحيح 100 فى 100 وبعض الناس من اهل الحلال وبعض الكشاته اذا شافهها يذكرها للصقارين

والبعض يرميها وهو يشوف قنوص صقاقير حوله.

مره من المرات حنا فى الشمال قنوص ونقص حبارى ولا يوم جانا راعى هاك الددسن ونيت وصار يروغ

عندنا قمت وجيته وقلت له حنا عندنا حبارى هريب نقصها قال شايف جرتها قلت له معك طير قال لا

قلت اجل حنا معنا طير نبى نهده ونتبه لا تطيرها وتعال معنا تفرج قال خير وبعد عشر دقايق مادرينا الا

يوم تلنى الطير مع حس الرميه وبرقع الطير وناظر ولا الرجال راميها

جوه اخويانا وتمشكلو معه قال ذى طير ماعليه وسم لحد .

مريت اخويانا وقلت توكلو على الله بغينا نبلش معه علشان حبارى .

تقبلو تحيات اخوكم ميراج

[العـفــار]

يعطيك العافيه اخوي( عاشق الطير ) .
وتسلم والله هاالأنامل الي كتبت هالموضوع الطيب . وكلامك مافيه شك ولايختلف عليه ( صقارين ) والأجواد واجد وعيال الحلال ماتخفا عليهم سلوم الرجال . ولكن المشكله في بعض النوعيات التعبانه كالذي صادفه أخونا ( ميراج ) . ولو اني محل ميراج مادري ساعتها وش بيصير :mad: ولكن على ماقيل ( ان لم تستحي فافعل ماشأت )

[عاشق الصقور]

حياكم الله ويا هلابكم والله

يا أخوي ((( ميراج ))) ويا أخوي ((( العفار )))

ويعطيكم ألف عافيه .....

[ولد شقراء]

السلام عليكم ورحمه الله وبركاته

أخوي عاشق الصقور أشكرك على كلامك الطيب وجهودك المبذوله
والله تستاهل أنك تكون عضو نشيط لكثرة مواضيعك وشكراًلك ...:good: :good: :good: :good: :good: :good: :good:

[الرماي]

كلامك مضبوط
بس المعروف انه الحباره ماراح تضل في مكانها لين يجي الصقار الي يكون مو كاشت اصلا

فترضي نفسك افضل





ولك كل الاحترام