الشاص

[اعقاب]

الجيب


الله على اللي من الوكاله شريناه =خواجته صب البدي والغــــــماره
حس المكينه لاشتغل ماسمعناه= ولا يعرف التفتفه والحــــــــــــراره
شاص جديد ينعش القلب ممشاه= وسوق الدراهم في بديله خساره
الشاص موتر بدو والبدو تهـــــــواه= ولا يحب الحضر واهل الحــــضــاره
الشاص يبي اللي بعيد ممشـــاه= وشب ناره فوق راس الـزبـــــــاره
فوقه شجاع تفعل الطيب يمــــناه= وسواقته للجيب فن ومـــــــــهاره



نسقت بواسطة راعي مرات

[راعي مرات]

عقاب الغالي000

تسلم 00والله يستر عليك00وعلى جيبك00والله اللي تستاهله أنت وشرواك00

لكن أخي فيه بيتٍ يبي يزعل بعض الربع000

عموماً000المشاعر00لا تزيف 00وهذه حروف نضمتها المشاعر00

تسلم أخي000وبارك الله فيك00

[الفهد]

الاخ عقاب
حياك اللة وصح السانك على روعة القصيدة
تسلم واللة يباركلك بحلالك

[اعقاب]

مشكورين على الردود
ولا يزعل علي الاخوان لان اهل الحظارة لايحبونه ايظا
اكرر شكري واعتذاري من اللي خذا في خاطره
صرت افكر في؟؟؟؟؟؟؟؟؟

[المسفهل]

صح لسانك يا اعقاب أبيات جميلة ومعبرة والجيب يستاهل هذا واكثر

[اعقاب]

صح بدنك يالمسفهل

الجيب مثل الرفيق الموالي

اذا احتجت له عينته

[عبدالله الصالح]

صح اللسانك لاكن ترى البيت الرابع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اعقاب]

الله يعطيكم العافيه يا اخوان
اكرر اسفي
واكرره ايضا

[ابو عايد]

مشكوه اعقاب على هذه القصيده

وصح لسانك ويعطيك العافيه

ومن الشاعر اذا امكن

وتقبل تحيات ** العاشق الولهان

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه على القصيد الزين
(((( اعقاب ))))


شـــكـــراُ

[صقر]

مشكور اخي اعقاب

قصيدة جميلة واللي جملها اكثر مدح الشاص

بارك الله فيك...........