برق جده
26/10/2007, 08:43 PM
السلام عليكم ورحمه الله وبركاته انا ابسئل كم اعداد الضحايا على الطرقات السريعه بسبب الامطار كم من العوائل راحت ضحيه السيول ولو واحد يتخيل بس كيف الموقف عندما تكون وسط بين الحياه والموت ولا تستطيع ان تفعل شي بلله اش تسوي وانته محاصر مع اهلك او لوحدك واذا انته لوحد يمكن تقدر تتصرف لانك رجال اما النساء لا حول لهم ولا قوه بعد الله سبحانه وتعالى كم من العوائل راحت ضحيه من.... اذاالله نزل المطر على منطقتهم تشوف الفرحه على وجوههم والحمد لله ويقومون يطلعون للبر و الوادي والاب السائق طبعاا ينزلهم لاسفل الوادي على عنانياته مايدري شاف المطر وقف مايدري ان السيل يجي من مناطق تانيه لم يتوقف المطر فيهاا والله اعلم فتنقلب الفرحه الى صراااع بين الحياه والموت بلحظه .. يا اخوان تخيلوا وجيههم من الفزع خاصه النساء والاطفال ...... ماابغى اطول عليكم بس اقول فيه ناس تقولك احنا بعيد عن مسار الوادي ب 100 او 200 متر او غيره وسكان جده خاصه شرق حي الجامعه والروابي يعرفون ذكرى سيل قويزه عام 1424 وكان بعد الفجر الي عكس اتجاهه 180 درجه . وتوفى شخص بعد ماجرف السيل السياره في داخل المجرى وشفت بعيني السياره في المجرى الساعه 6 صباحا والناس تتفرج ولو كان وقته غير الفجر تخيلو ا كيف راح يكون عدد الضحايا وخاصه ان السيل كانت بدايته من قويزه ومر تحت كوبري الجامعه والله راح يجرف مئات السيارات لان الطريق مزدحم دايم الا اخر الليل . والرجال حصلوه بعد يومين في ا لخمره على بعد 20 كيلو ..على مسار المجرى نهايته ؟ ماادري ليش السيل يغير طريقه فجاءه . والاهم والمهم كيف نوصل مخاطر السيول والاوديه لكل الناس وننبهم للمخاطر و الاحداث التي صارت في غيرهم ليكونوا عبره لهم بدل مايكون عبره لغيرهم والله يحفظنا من كل مكروه