وين افضل ورشة تسوي توانك للباثفاندرالمنيوم

[يزيد2002]

السلام عليككم

اخواني واحبائي

وش فضل ورشة تسوي توانك المنيوم او ستيل
داخل السيارة اللي يجي خلف المرتبة

الله يجزاكم خير

[عاشق السيل]

وعليكم السلام ورحمة الله وبركاته ،،

عندك برق الحيا بالرياض ( مخرج 15 ) عندهم مقاسات مختلفة للباث وغيره وبأسعار معقولة ،،

وتقبل مروري يالغالي .....




.

[يزيد2002]

برق الحيا اسعارهم ناااااااااااااااااار

ولا من شغل زين
ويفصلونه برا

نبي ورشة متخصصة

[هدد ؟؟؟]

ورشة المواهب .. رح لهم عند صاحب الورشة أبو خالد وبيظبط وضعك.

[الحضرمي2006]

أو ورشة السوافي بالسلي
شغلهم زين ومجرب ماشاء الله

[إعصار]

المواهب ..

بس السعر لك عليه ..

[حنيني]

أرشح المواهب

لتعاملهم الجيد

[حنيني]

للفائدة منقول

00
0
مرحبا
بديهي ان كل هاوي بر وكشتات ورحلات سياحية يهمه في الدرجة الاولى وفرة الماء الذي بصحبته وطريقة حفظه وسهولة الحصول عليه بدون انزال العفش في نفس الوقت عدم تغير طعم الماء المحفوظ اضافة الى الامر الهام جدا وهو الحيز الذي يشغله التانكي وموقعه في سيارات دون سيارات
انا من الناس الذين تعبو في ذلك وجربت العديد من الخزانات الحديد والستانليس ستيل والالمنيوم الا اني لم اقتنع بالفيبر قلاس
اخيرا وجدت ضالتي في توانك بلاستيك - ماده تشبه البلاستيك - مصرحه من المواصفات والمقاييس وتصنع منها براميل البلاستيك بكل انواعها ومجازا يسمونها بلاستيك يتوفر منها عدة اشكال ومقاسات ولا يتغير الماء فيها لمدد طويله فانا احمل معي في سيارتي تانكيين كل منهما مستقل وعبأت احدهما في شهر رجب ولم استعمله الا في منتصف رمضان وكانت النتيجه اكثر من رائعه اذا ان الماء لم يتغير اطلاقا وكان ذلك بحضور مجموعه من الاخوان والجميع تذوق الماء واشاد بالتانكي
لن اطيل الحديث الا انني احب ان انوه الى انه يتوفر مقاسات على النحو التالي :
1 - خزان سعة 360 لتر مخصص للشاص وما شابهه
2 - خزان سعة 250 لتر مخصص للدينات ما شابهها
3 - خزان سعة 180 لتر مخصص لغالبية الوانيتات ويمكن وضعه افقيا او مسدوحا
4 - خزان سعة 80 لتر للسيارات الجيوب ويوضع في خلف السيارة من الداخل
وكل الانواع قوي جدا ويمكن وضع احمال عليه دون خوف وقد عملت فتحة في الخزان لوضع صنبور اضافي فوجدت السماكه تقترب من السنتيمتر الواحد
الان اترك الصور تتحدث اليكم

http://www.albrari.com/up/upload/nahham000001.JPG

http://www.albrari.com/up/upload/nahham%20111.JPG

http://www.albrari.com/up/upload/nahham%20113.JPG

http://www.albrari.com/up/upload/nahham%20112.JPG

http://www.albrari.com/up/upload/nahham3.JPG

http://www.albrari.com/up/upload/nahham000002.JPG

http://www.albrari.com/up/upload/nahham%207.JPG

ارجو ان اكون وفقت في عرض اشياء تهم اخواني الرحاله والكشاتين
نلتقي على خير ان شاء الله

[مرسال1]

المواهب بس أسعارهم بالحيل نااااااااااار ..

أزين شي رح للقصيم وخصوصا بالرس ... اللي تبي مايتعدى 500 ريال ..

أنا فصلت تانكي ستيل للهايلوكس ((طبعا تحت عند الإستبنه)) وأخذ المواهب علب 1000ريال :( ..

يوم رحت للرس والله لقيت واحد يفصل ستيل ونفس المقاس بــ600ريال ..

يعني فرق 400 ريال ... وأنا والله إلى الحين مادري وش اللي قردن وخلان أفصل عند المواهب ..

[العقارب]

السلام عليكم
الاخ حنيني
وين القى فيه التوانك البلاستك لاهنت واسعارها ...............ولك جزيل الشكر .

[جلوبلستار]

توانك الستيل والآلمنيوم سعرها الان بعد ارتفاع الاسعار لايقل عن 1500 للتانكي العادي ( الي يركب في الباثفندر )
انا انصحك بتركيب خزان الوادي سعته 145 لتر ولا يتغير فيه الطعم وقوي سمكه 7 ملم ومصنوع من مادة البولي ايثيلين ( مثل البلاستيك ) وخفيف وسهل التركيب والفك وسعره 570 ريال .
مركبه في الباثفندر من 8 أشهر .... ولا فيه عيوب .

[صيهد]

فيه ورشه قدام مقبرة النسيم
الورشه تفتح شرق
ما اعرف اسمها لكن يذكرون انها زينه

[منتعش]

حي الله أخوي المحب : يزيد2002
أنصحك الله يحفظك ويرعاك
1- أبعد عن البلاستيك وعن الفيبر لأنه يطلع ريحة في الماء ويمكن يعفن .
2- أنا كنت بالقصيم الخميس الماضي ولقيت عند السنيدي توانكي جاهزة من الألمونيوم وتأخذ 80لتر وعنده 100لتر
وسعر ( 80 لتر ) بــ 590 ، وسعر ( 100 لتر ) بــ 630
ومعه اللي والصنبور وغطاء للتعبئة فيه بلف مثل بلف الكفرات لأجل التنسيم وتلبيسة للتانكي
وأنصحك فيه لأنه عند بيعك لسيارتك تحمله معك وعند نهايتك من الكشته تنزله بالبيت عشان ما يزعجك بالصوت
وهذه وجهت نظري
والله يكتب لك الخير ويوفقك .

[قناص متقاعد]

شف ورشه سوافي شغلهم 100%

[aahhhh2]

يا الحنيني وين هلورشة في وكم اسعار التوانك

[حنيني]

يا الحنيني وين هلورشة في وكم اسعار التوانك
أخوي أنا ناقل للموضوع

لكن فيه توانك الوادي البلاستكيه موجوده في كل المحلات وفيه مواضيع كثيره في المنتدى عنها

[مكشاتي جديد]

انا انصحك ببرق الحيا 60 لتر ب640 اريحلك ويضمننونه لك

[فلر]

عندي في السياره مركبه تانكي المنيوم سعته من 80ال85 لتر وبزبوزه اسفل السياره كانك تبي التانكي نكامل اغراضه سمه سومه طيبه وسلامتك.
عمر التانكي 2.5 سنتتين ونص ولا شفت شي منه.

[شغوف]

انا من أهل الرياض وعرضت على ورشه تفصل لي تانكي سعة 100 لتر ألمنيوم قالي بـ4000 وستيل بـ1800 والله لميت راسي.
صبرت شوي إلين حصل لي زرقه للقصيم فسألأت هناك ودلون على واحد بالقاع البارد يفصل توانك ألمنيوم فصل لي بـ700 ريال فقط وكل شغله ألمنيوم ×ألمنيوم حتى الجلب .مكان الورشه في القاع البارد

[ابوقاسم]

مشكور يا اخولن على التفاعل
وياليت كل شخص يشوف ان معلومته بتفيد الاخرين يزودنا باسم الورشة ورقم التلفون علشان اللي يبي ما يتعطل ويروح لهم او يتصل عليهم ويقضي لزومه
ولا هنتوا يا اخوان خصوصا اخي حنيني على اثارة الموضوع