البارحة يوم العباد رقود

[نقا هشال]

البارحة يوم العباد رقــــــود***النوم ما يطــري على بالي

مجروح روح وخاطري ملهود***ياناس خلوني على فالــــي

تبكي عيوني والدموع شهود***اي والله ابكي صاحب غالي

يازين مالك من عذابـــي زود***إرفق بحالي يابعد حالــــــــي

ودي بوصلك يانعيم العــــــــود***ودي ولكـــن ما تهيــّا لـــــــــي

اللي ذبحني بالعين الســــود***من قبل أعرفه خاطري سالـي

ترى المحبه مابها منقـــــــــود***والله فلا أسمع هرج عذالــــي

يا عود ريحـــــــان عليــــه ورود***ومنين ماهـــــب الهوى مـــالي

هبي بريحه ياهبوب النـــــــــود***طفي بعض همي وغربــــالي

الحب يذبح والشقا محـــــــدود***مــاهي سوالف على الخــــالي

يا منوتي ياغاية المقصـــــــــــود***زولك يورّا لي ويرا لــــــــــــــــــي



الشاعر/ أحمد الناصر

[دغيم]

الغالي نقا هشال
تغب تغيب وفجئه تحط يد ك على الجرح سلمت يمنا كتبت
وصح لسان من قال
ومشكور اخوي على الذوق الرفيع

[مسافر]

حيالله نقا وين الشباب مبطين عنك والله
عودة قوية واختيار موفق وقصيدة جميلة
وشاعر اجمل (احمد الصالح)ونعم بالجميع
تقبل تحيات اخوك مسافر

[المسفهل]

صح لسانك على اختيار الجيد من الشعر وشاعر الردية أحمد الناصر

شاعر معروف أطال الله في عمره على عمل صالح وصحة دائمة .

[راعي مرات]

الغالي000 نقا هشال

إجازة سعيدة00أخي000والحمد لله على السلامة00

كلنا مشتاقين لك000

مشاركة جميلة000من شاعر الرد المبدع/ أحمد الناصر00

تسلم أخي000

دام عزك00ولاهنت

[العـفــار]

اخوي ( نقا هشال ) ...
تسلم لي هاالأنامل الي كتبت هالابيات. أختيار موفق لشاعر كبير
جمع بين قوة المعنى وجزالة الشعر . وهذا يدل على ذوقك الرفيع في تذوق الشعر
ويعطيك الصحه والعافيه .. وصح لسانك ولسان الشاعر/ أحمد الناصر ..

[الفهد]

الاخ نقا هشال
تسلم على الذوق الحلو فعلا رائعة
{{يازين مالك من عذابى زود ارفق بحالى يابعد حالى
مشكور وتسلم

[نقا هشال]

هلا وغلا اخوي دغيم

وشاكر لك مرورك

والسعاده تغمرني لأن مااخترته اعجبك

[الشمري]

الغالي نقا

بيض الله وجهك يالعزوه

ذكرتنا كل شي زين


سلمت يالقرم



الشمري

[الربيع]

اخي الغالي نقا هشال
صحيح انك على اسمك في هذه الدرر المنتقات التي تتحفنا بها بين فينة واخرى بارك الله فيك
هبي بريحه ياهبوب النود.........طفي بعض همي وغربالي
الله يطفي همك يالنقا بالسعادة وراحة البال

[نقا هشال]

أخوي مسافر ياهلا ويامسهلا

مرورك اسعدني

وشاكر على سؤالك ومهما انقطعت فأنتم على البال ياغالي,,,,

[نقا هشال]

أخوي المسفهل صح بدنك وشاكر لك مرورك الذي اسعدني,,,,

[نقا هشال]

مشرفنا الرائع راعي مرات

هلا وغلا

والله يسلمك ياغالي وإشتاقتلك العافيه

مرورك اسعدني

وتقبل تحيتي,,,,

[نقا هشال]

أخوي العـفــار

هلا ومسهلا

مرورك وإعجابك اسعداني

وصح بدنك,,,,

[نقا هشال]

أخوي الفهد

هلا ومسهلا

مرورك اسعدني

والله يسلمك

[نقا هشال]

أخوي الشمري

ياهلا ويامسهلا

وبيض الله وجهك ياغالي

مرورك اسعدني

ولاهنت

[نقا هشال]

أخوي الربيع

هلا وغلا

والله يسلمك ياغالي على هاالاطراء

مرورك اسعدني

ولك كل الشكر