أيهما تفضل مع القــهــوة :(( التمر )) أو (( الحلويات ))

[موطي الشري]

نفس السؤال في العنوان :d

[عاشق السيل]

إذا كان على الريق أفضل التمر وبعده الحلويات بكمية قليلة وبشرط مايكون حلاها زايد لأني أهرب من السكر هروبي من الأسد !!

وإذا كانت بعد المغرب أفضل الحلويات على التمر بالشروط السابقة ،،،

وتقبل مروري يالغالي ......




.

[خالد940]

والله اني احب القهوة معهن كلهن .

[ناصر التميمي]

انا افضل التميره يابعد حيي
طعام اهلي واجدادي
الله يديم النعم علينا

[حاكم العشاق]

والله كلها سوا بس فيه تمر عن تمر وفيه وفيه بعد حلويات عن حلويات وقول انا الي يجي من الله حياه الله

[طرقيه]

اكيد مع التمر لا اخلاء ولا اعدم و1ذ مافيه تمر يستاهل 00 يكون القهوة لحالها ازين لانها تقعد الراس بلحالها

[التسعاوي]

بهار القهوه تمر...

[شبح الصحراء]

طيب تمر مع لبن ماهو احسن؟ أو تمر مع ماء؟ ليش مصممين على القهوة مع التمر مع ان الرسول صلى الله عليه وسلم كان يفطر اذا صام على بضع تمرات مع لبن أو ماء ، القهوة ذبحت الناس ومضارها اكثر من فوايدها .

[ابن بدران]

التمر الزين مع القهوة مقدم على كل شي

[جبال الهملايا]

والله أنا مدمن حلاو بقر مع قهوة المغرب :d :d

والتمر لاغنى عنــــه .

[مساعد99]

غير التمر لاتدور

التميرات الله لايحرمنا اياها

ويقولون الاولين ( التمر مسامير الركب )

وسلامتكم

[الكهف1]

تمرررررررررررررررررررررررررررر

[اكس ابرس]

نبدأ بالتمر العادي ............
ثم نحول على تمر أمريكان ؟؟؟؟؟؟؟؟؟؟؟؟؟؟؟




(( كتكات / سنكرس / مارس ألخ ))

[كشته 111]

تمر واذا ما حصل تمر معبوط مع سمن اوأ قط واذا ما حصل بلح الشام ( طرمبة ) اللي عند عجاجي الملز في الشارع اللي جنب مطاعم غوار تراه مع القهوة خيال ,,,,

[راعي البرهـ]

والله انا افضل
التمر عن الحلويات

[جنون الليل]

أمممممممممممم والله إذا الوقت صيف والرطب توه طايح ياسلاااااااااااام
على التمرأقصد الرطب ولاشيء غيره وإذا كان شتاء فما مثل السكري الكنيز اللي
تقول كنه حلاو بقر بالتوفي من كثر الدبس اللي فيه خاصة إذا كان فيه شوية (حثاريب) تلاقون بين التمر حبيبات سكر التمر متبلورة هذي هي المقصودة
أطلق من أي حلويات
لكن إذا مافيه تمر سنع ولاهو وقت رطب فوالله لازم حلى أي نوع مو مشكلة وكاني جوعانة
أجيب سينبون أو دونات أو كيك وتصير قهوة فطور ولا عشا