سؤال للي يعرفون في الحطب

[فتى التويم]

السلام عليكم,,,,,,,,


مساكم/صبحكم الله بالخير


ودي اعرف ياجماعة الخير وش لون افرق بين سمر المدينه وسمر الجنوب

لأن واحد قال لي شل شلخه من سمر المدينه وشلخه من سمر الجنوب وشف اللي اثقل


وواحد ثاني قال لي على الحمره اللي في الحطبه

ان كانت حمرا مره فهي المدينه وان كانت حمرا مايله للزهري فهي الجنوب

عاد نبي نسمع منكم يا اهل الاختصاص

ونورونا الله ينور عليكم

[gamer]

بالنسبه لي مادري


بس دايم اذا جيت اخذ اشوف المشلخ الثقيل

[قناص الوعول]

سمر المدينه سمر الجنوب سمر نجد كلها سمر طيب ـــــــــــ عندك الطلح انتبه منه دخانه كثير وجمره ردي ودايم يغشون به ويكون شلايخ لونها احمر ووزنها خفيف بالمقارنه باسمر . تقبل تحياتي

[فتى التويم]

الله يعطيكم العافيه

[الصل الأسود]

سمر المدينة أفضل سمر وأغلى سمر
أما الشكل فبالعكس سمر الجنوب أجمل ، أما التفريق بينهما بالمنظر فهو صعب جدا
ويمتاز سمر المدينة بالبقاء مدة أطول ، ولكن ليس بالدرجة الكبيرة
وكذلك ودك تتطيب به من زين ريحته :) ، ودخانه ما يوجع العيون زي باقي الحطب
لكن يبقى انها متقاربة نوعاً ما ، لكن لا تاخذ إلا شلايخ
وهذه تجربتي الخاصة ، وأتمنى أني أفدت

[فتى التويم]

مشكور يالصل الاسود

انا هين اعرف الحطب اذا شبيته بس المشكله اذا جيت بأشري مايبين معي

[قناص الوعول]

اليوم مريت على بقاله على الدايري الغربي ولقيت حاطين مع شلايخ الحطب ما تتتتتتتتتتصدق خالطين مع حطب الحزم خشب اثل وشي خشب شجر الشوارع
والمشكله ان الاغبياء الهنود تاركين قشر الاثل في الخشب وكذالك شجر الشوارع بقشره يعني واضح الغش بس عندي سؤال هل فيه ناس ما تفرق بين الحطب السمر وخشب الاثل ؟؟؟؟؟؟؟؟؟؟؟؟؟؟؟؟؟؟؟؟؟؟

[قناص الوعول]

تابع
والسعر عشرين ريال بعد