مساعده جزاكم الله كل خير

[ساعي]

السلام عليكم ورحمة الله وبركاته صبحكم الله بالخير يالربع يا اخوان انا ارخمه ما اعرف بامور الصيد شيء وانا ابي امساعدتكم عشان اتعرف على الطيور ومواقعها وانا شبوكي جاهزه وابي اطلع حول ديرتي اقنص
وانا من اهل حفرالباطن وامس اول مره اطلع اقنص وما حصلت الا باشقين بالظهره وانا سمعت انه الشياهين مكانه بالظهره بس الشكوالله ما حصلت شيء ولا تقصرون معي ولكم الاجر والثواب

[الروقي نت]

وعليكم السلام ورحمة الله وبركاته
حياك اخوي ساعي اولا اخوي اللي مايعرف بأمور الصيد شي يسمى جاهل من الفعل يجهل وليس ارخمه كما قلت
عموما ثق اخي العزيز بأن الله هو الرازق فوق عباده وان الله كفيل بخلقه فلا تيأس وانا اخوك والشغله هذي يبيلها صبر وتريض ولا تنسى الدربيل ترى له دور مادام الشبك جاهز وديرتك كلها حروة طير وإذا شفت الباشق بتشوف الطير بإذن الله
اخي شد رحالك وتوكل على الله واطبه التوفيق والله يرزقك ويرزق جميع القنوص

[شبراق]

تكرم ونا اخوك منتب ارخمه

اهم شي يكون معك دربيل عشان تفرق بين الطيور بعدين لاتقرب على الطير مره يجفل ويطير
خل اشبكك والمة احذفها على الطير ورح مسافة ودربل على الطير والحمامه او السمان ويفضل ان يكون معك طراد عشان اذا شبك الطير تهد عليه الطراد
هذا بختصار وعجله لعل الله ينفعبه
والله يرزك الطير الوحش الي يسواله 400 الف

[جارح العين]

الله يرزقك انشاء الله وتحط صور طيرك باذن الله

[صقر عتيبه]

حاشاك أخوي منت برخمه
ولكن نصيبك إنك طحت في الباشق
وإنشاء الله يرزقنا ويرزقك الصقر الطيب
وتقبل مروري
سلا11111م

[ابو سمحه]

افا منت برخمه


اخوي على العموم كل شي مكتوب واسمحلي ديرتك ماعرفها بلحيل



ومن ناحيه الشبك مايبيلاها كلام سهله ماقصر اخوي قناص كشب




وبذن اله صايد وفايد



== ورخمه تطيح مقامك ياذيب ==

[winchester]

حيـاك الله أخوي سـاعي بين ربعـك وأخوانك بالمنتدى القديـر

حشـا ماأنت رخمه الرخمـه مو بالاموره هذي ولاكـل من ولـد من بطن أمـه عـالم..

بالنسبه لمواقـع الطيور ليس لها مكان معين بالارض (الطير بشبر من الارض)

لكن فيـه مواقـع طرح فيها طيور السنه هذي والاعوام الفائته ومنهـا:

1. المالحه (شرق جنوب أم قليب حدود 15 كيلو).
2. الصداوي (شرق منه على نقر الصيد حدود 20 كيلو).
3. الظهره (شمال محطة ساسكو اللي على طريق الكويت).
4. عمود الصفيري (شمال الصفيري حدود 20 كيلو).
5. القلت (حدر من القلت الى مركز سماح)
6. الشعبه (من الشرق الى الحدود أو غرب على كريم وأم رضمه الى الشبك).
7. نخيريرات (بين خط الشمال وخط الميادين).


اللوازم.
1. جربوع (بعض الشياهين ماتهد غير على الجربوع).
2. السمان (لشواهين والحرار).
3. الحمام.

الأدوات.
1. شبكة جربوع.
2. شبكة سمان.
3. شبكة حمام.
4. دربيل.

وقبل كل شي توكل على الله وحافظ على الفروض الخمس...
وعن عمر رضي الله عنه مرفوعاً: (( لو أنكم تتوكلون على الله حق توكله لرزقكم كما يرزق الطير، تغدو خماصاً، وتروح بطاناً )).

[ساعي]

جزاكم الله كل خير يا خوان ومشكورين على رفع معنوياتي والله يرزقنا واياكم من طيباته اليوم جيت شمال الصفيري حدود30 كيلو بس للاسف ما لقيت الا البواشق والكروان بس لقيت شيهانه وطشيتلها شبكة جربوع بس ما لقت لها بال ونسيت اطلق لها من الحمام والله ازقحت وراحت جنوب