دلّوني تكفون على محل تمديد لأسلاك الكهرباء من البطارية بس يكون ممتااااز

[طخيمان]

بسم الله الرحمن الرحيم

الموضوع وما فيه اني معي سيارة ما فيها اللا مدخال ولاعة واحد وما يكفيني في الطلعات للقارمن والشواحن ووو ....

وودي امدد من البطارية أسلاك وأشبك عليها 3 أو 4 مداخل للولاعة ، وأبي محل يكون فنّان وشغله نظيف

وما يكون غالي

واللي عنده أي اقتراح لا يبخل علينا

والله يعطيكم 1000 عافية .

[winchester]

فيـه الشاحن الاضافي للفورد لو ترهمه لسيارتك شكله جميل وذرب

دمـت بود

[kwa_198]

فيه واحد شغله حلو ماعنده ورشه ولا شي عنده استراحه وهو ارخص واحد في السوق لا تتعب نفسك وتدور ورة ارخص منه وشغله نضيف استرحة في النسيم ::

الوصف :::

تعرف مستشفى صحارى الي في مخرج 16 اذا جيت للمستشفى وخليت المستشفى على يمينك بيجيك مديور ارجع مع المديور بيجيك مكتب عقار على اليمين خش الفه الي عقب مكتب العقار وهو ثالث استرحه على اليمين اسنه ابو سليمان ::

اما رقمه مو عندي بس ابدورة وجيبه لك

[طخيمان]

مشكورين يا شباب على الايضاح


بس والله يا اخوي ك و ا 198 ودي بمحل عشان اعرف وين ألقاه ومتى ما بغيت

[طارق الحربي]

ركب التوصيله اللي تحطها بالولاعه وتركب عليها اكثر من جهاز

[رعد النجدي]

يباع عند محلات الزينه توصليه الذكر يركب في الولاعه ويجي فيها 3 فتحات
بالنسبه للجهاز الكنوود او الأيكوم شبكه على البطاريه مباشره
انا استخدم هالتوصيله من سنين
وتتحمل شابك عليها القارمن والكشاف الماق لايت وحده استخدمها لشحن الجوال او الجهاز اليديو او أي استخدام اخر
وتركيبها سهل جداً يجي معها لاصق وثبتها في اي مكان

[راعي ساموده]

يباع عند محلات الزينه توصليه الذكر يركب في الولاعه ويجي فيها 3 فتحات
بالنسبه للجهاز الكنوود او الأيكوم شبكه على البطاريه مباشره
انا استخدم هالتوصيله من سنين
وتتحمل شابك عليها القارمن والكشاف الماق لايت وحده استخدمها لشحن الجوال او الجهاز اليديو او أي استخدام اخر
وتركيبها سهل جداً يجي معها لاصق وثبتها في اي مكان
:good: جزاك الله خير

[طخيمان]

طارق الحربي - رعد النجدي راعي ساموده

حلوة يا اخوان بس مشكلتها لو احترق عليك وانت لا حولك ديار ولا شيء

وبعدين الظاهر الفيوز حق الولاعة ما يتحمل

[رعد النجدي]

طخيمان انا متأكد انه يتحمل وش بيشبك الواحد عليه قارمن و جوال وأشياء الواط حقها خفيفانا ما اقوله يشبك الجهاز الكنود عليه لانه يسحب 55 واط اقل شي

[طارق الحربي]

تتحمل ان شاء الله بس لا تركب عليها ايكوم

تحياتي

[maz]

سوافي يشبك لك كل التوصيلات الكهربائيه بس أنه غالي شويتين
وأنت جاي من الدائري الجنوبي تبي الشرقي لا تروح يمين رح سيده (على طول) أول أشاره رح معها يمين
ثاني شارع على اليمين لف معه بتلقاه حولك.

[هولوكس2005]

السلام عليكم ورحمته الله وبركاته اغدي هال موضوع ينفعك http://www.mekshat.com/vb/showthread.php?t=85834

[(محمد العبري)]

سوافي يشبك لك كل التوصيلات الكهربائيه بس أنه غالي شويتين
وأنت جاي من الدائري الجنوبي تبي الشرقي لا تروح يمين رح سيده (على طول) أول أشاره رح معها يمين
ثاني شارع على اليمين لف معه بتلقاه حولك.

اخوي طخيمان
نصيحة لا تتعدى كلام الأخ maz انا اعرف اكثر من شخص اشتغل عندهم
حقيقة شغلهم احترافي بكل معنى الكلمة فلا زوايد ولا كسور ولا تلصيق بااااايخ
عموما فيه بالصناعية ورشة فيها يمنى قدييييييميييييين اسم الورشة (الناصرية ) طبعاً اتكلم عن صناعي طريق الخرج القديم
شغلهم جيد وسعرهم اقل من سعر سوافي بس شغل سوافي مثل شغل شد بلد
تحياتي لك وبالتوفيق

[طخيمان]

مشكورين يا اخوان والله يعطيكم العافية وما قصرتوا

[طخيمان]

للرفع

تكفون دبرولي محل غير المذكور في الموضوع لأن سوافي شغله غالي أبي شيء رخيص وكويس

[دايم السيف]

مالك يالحبيب الا سوافي في صناعية الدائري اللي مخرج 18 وانت جاي من من الجنوب متجه للشرق مخلي مصنع الأسمنت على يمينك وبعدين الطريق يروح يسار للدائري الشرقي. بس انت رح يمين بتجيك إشاره ادخل يمين واسأل في المنطقه هذي وبعدين عط الخباز خبزك ولو اكل نصفه .محبك دايم السيف

[الرجباني]

للرفع

تكفون دبرولي محل غير المذكور في الموضوع لأن سوافي شغله غالي أبي شيء رخيص وكويس



خذها مني
واتصل على ابو ناصر
كهربائي معروف وتمديد على كيفك
بدقمه وشغل صح
وهذا جواله
0554209550
بالرياض الشفا