مطلوب كتب عن الصيد بالصقور

[ظبيانية]

السلام عليكم ورحمة الله وبركاته

وشحالهم عرب زايد؟؟

الصراحة انا عندي تقرير بحثي و أدور على كتب تخص الصيد بالصقور بشو تنصحوني ؟

واللي عنده مايبخل عليناا


خويتكم في الليالي المعاسير

مزيونة بوظبي

[جارح العين]

روح الى اي محل صيد تلقا الي تبي من الكتب

[ظبيانية]

لو سمحت انا بنية بس حبيت أتخبرك عن إسم المحل ..
عطوني المحلات اللي في بوظبي

واللي عنده أي كتب أو يعرف أسامي يكتب يخبرني

لانيه محتايتنهم




:confused: أفااااااااااااا والله
وينهم العرب؟

[ابو سمحه]

حنا عيال عبدالله



وعلى العموم هاذي الاسامي المتواجده في ابو ضبي اتوقع




1 الصقور

2المخلوقات البريه





اما مواقعها معليش


الحين يجون عيال زايد



ويعلموووونك وشكرا

[قلب ذيب]

الله يحييك
من الافضل وانتي باحثه كما تطرحين ان تكتبي بغير هذا الاسم , وان تتركي جوانب الزين والليالي المعاسير
وان تركزي على هدفك الذي تبحثين عنه وهو ( الكتب المتعلقه بالمقناص والطير ) وما الى ذلك . اذا كان هدفك ذلك !!
- - وفي المجمع الثقافي في ابوظبي وكذلك نادي الصقارين ومن خلال البحث في ( قوقل ) يمكن ان تجدين ضالتك , الباحث لديه اهداف يحاول الوصول اليها من خلال وسائل تتماشى مع مايطرحه , ودخولك بهذا الاسلوب لا أعتقد ان تحققي منه الغايه المطلوبه ؟! ولاتنسي ان هذا المنتدى سعودي في المقام الاول مع انه يجمع كل الاخوه الخليجيين والعرب على المحبه والالفه والاحترام 0

[جرناس دبي]

مرحبا الساع
و حنا عيال زايد موجودين في كل مكان
وكلام أخوي قلب ذيب مايقصد به إلا لفت نظرج
لتعديل الأسلوب .ونجاح المنتدى ليس لأنه سعودي في المقام الأول أو الثاني أو الثالث وأنما يجمع الخليجين والعرب على المحبه
وعن الكتب تراها موجوده في (محل مقناص-نادي الصقارين ومحل بينونه في أبوظبي/دبي في مركز ند الشبا جميع الكتب
المتعلقه بالصقور وأنواعها وطرق الصيد)
1-الصيد بالصقور عند العرب
2-كتاب الطيرجير
3-الصقور عند العرب
4-كتاب الصقور وأنواعها
وسلام

[المزروعي]

سلام عليكم جميعا
اختي مزيونة بوظبي يا مرحبابج ... حاب اسال اول شي البحث باي لغة ؟
وترا الاخوان قالولج هناك كذا محل في بوظبي . محل بينونه اللي في شارع المطار قبل جامبو للاكترونيات .. وفي محل الظفره اللي في شارع الدفاع عند محلات التلفونات .. بس ماعرف شو نوع البحث اللي تبينه هل هو عميق وتبين تفاصيل ولا بحث عن انواع الطيور وصفاهن وتعرفيع القنص والقنيص ومن هالاشياء !

فالج طيب ويييج العون وارفعي رقبتج ذراع ان تبين مساعده

[ظبيانية]

السلام عليكم

اول شي يشرفني ان هذا منتدى سعودي

والله على عيني وعلى راسي وشكرا على ترحيبكم الصراحة صابنيه احباط وقلت خلاص مابرد ادخل هالمنتدى الحينه شو دخل الاسم و الليالي المعاسير ؟؟؟ انا مابجادل اكثر عن جيه انا داخله عشان البحث وبس
بس حبيت أبيّن نقطة وحده إن هذا اسم مستعار و أقدر أحط أي شي وانا خطر على بالي هالاسم وحطيته ليش وايد ماخذين الموضوع بحساسية صراحة وايد استغربت من ردودكم:(

بس شكراا على هالكتب بس انا قصديه لو عندكم كتب ترومون اطرشونها عليه و استفيد هالوقت

واذا ماعندكم بروح المحلات اللي قلتولي عنها ف اجازة هالاسبووع

المزورعي ::
الموضوع اكيد بيكون بالعربي .. <<<تقرير بحثي

انا اريد احط في بحث مقدمة عن الصقور عني ابا اخذ معلومات سطحية
مثل تاريخ الصيد و حكم شرع الصيد و تدريبها لكن من بعيد لبعيد

وتسلم على هالرد :p

[الوافي السابع]

اختي الكريمه
مساكي الله بالخير والعافيه
انا عندي ثلاث كتب للصقور وهي من افضل الكتب اللتي نزلت بالاسواق
تفداكي بس علميني شلون اوصلهم لكي
واسماء الكتب هي
الصقر والصقار.....تأليف ...فلاح المنصور
البصقور في صور ...تأليف فلاح المنصور
الصقور والصيد عن العرب ...تأليف ...الدكتور فارس التميمي

انتظر ردك اذا تبين الكتب انا حاظر
احترامي

[ظبيانية]

اخويه الوافي السابع

صراحة شي حلووو
بس مادري كيف اتوصلهم؟

عشان ما اتعبك معايه أتروم تسوي سكنر حق العناوين اللي انا طلبتها؟
مثل :
مقدمة عن الصيد بالصقور
تاريخ الصيد
تدريب الصقر
الأمراض التي تصيب الصقور وعلاجها
خاتمة عن الصيد بالصقور

اترقــــب ردودكم ياخوان شما

[جرناس دبي]

السلام عليج
الشرح بتفصيل عن الصقور والصيد
بكون طويل وإذا كان مختصر يمكن
ماتلاجين الشي إلي تبينه لاكن يوجد موضوع في المنتدى
يشرح عن الصقور وإنشاء الله الأخوان مايقصرون
أما عن رأيي الكتب فيها الأشياء الكثيره إلي بتنفع بحثج
وتقدرين تختاري أي مقدمه تريدينها والخاتمه
وإذا لاقيتي أي صعوبه في الحصول عليها ممكن
أرسلها لج عن طريق البريد أو المواصلات عن طريق العنوان
والسلام

[الوافي السابع]

اختي الكريمه
بصراحه الشرح يطول ويطول عن عالم الصقور
ولكن انا مستعد ارسلهم بــالــdhlعطيني عنوانكم بالامارالت ويكون عندك خلال اسبوع
دمتي بود

[الوافي السابع]

اختي الكريمه
بصراحه الشرح يطول ويطول عن عالم الصقور
ولكن انا مستعد ارسلهم بــالــdhlعطيني عنوانكم بالامارالت ويكونو عندك خلال اسبوع
دمتي بود

[ظبيانية]

السلام عليكم

مشكورين على هذا الجهد الصراحة مافيكم حيلة
وماخاب ظني فيكم ..

بس اللي عنده كتب يرسلهم لي عالبريد ..
واللي مستعد يطرشهم لي يخبرني عشان أعطيه رقم البريد ..
ومشكورين مرة ثانية

بس عندي سؤال :: اللي بيطرشلهم لي عالبريد يبا مقابل (فلوس) ولا لا؟

[جرناس دبي]

السلام عليج
طرشي رقم البريد بكونن عندج
أكيدالمقابل فلوس ههههههههههههههههههههه
لا هذا تشجيع مني لج لأهتمامك بالبحث في موضوع الطيور
والله يوفجك
والسلام

[جرناس دبي]

مرحبا أخوي الوافي السابع
بسألك توقيعك هذا من وين ههههههههههههههههه
يمكن عرفتك وعندي هذي الصور هذا تبع جير قانص الحبارا لواحد من الربع
ههههههههههههههههههه

[ظبيانية]

تسلم الشيخ بس ماروم اطرش رقم البريد لازم اوصل 100

الحينه شو الحل؟

[الوافي السابع]

ولد دبي الصوره لقيتها بالمفضله عندي ونزلتها توقيع عجبتني الصوره وانا مالي هدف من الصوره
وراك تضحك ليش انا سارقها ولا كاتب تحتها طيري يوم انه صاد الحباره
وراك يا خوي اركد الله يجزاك خير
تبيني اشيلها هالحزه اشيلها ولا تزعل انت رفيقك
عجب عجاب

[ظبيانية]

الوافي السابع؟جرناس دبي؟؟
هدووو ترى ماصار الا الخير مانبا نجلب الموضوع ضرابة:rolleyes:
والله محتاية الكتب:(
الله يخليكم لأهلكم ..
الحينه منو ناوي يساعدني عشان أعطيه رقم البريد بس يخبرني كيف اعطيه اياه لأني مابا أحطه بالموضوع والمشكلة اني ماقدر اطرش رسايل خاصة:confused:

[جرناس دبي]

مرحبا أخوي
وسع صدرك وخفف السرعه
يمكن فهمة الكلام غلط
المعني ياخوي يمكن أعرفك
وأنته محشوم عن هذا الطبع ومالك إلى بياض الوجه
وتوقيعك عاجبني وخلها وأنا أخوك مالك إلى كل أحترام

[أبو رداد]

السلام عليكم ورحمة الله وبركاته


الله يحيك ياختنا في مكشات كل العرب
بخصوص صندوق البريد بامكانك كتابة صندوق البريد والشخص الذي ترغبين بارسال رقم الصندوق له في هذه الخيمه ونحن نقوم بتبليغه
لانها خيمة مخفيه ولايتمكن من رؤيتها الا صاحب الموضوع والمشرفين
http://www.mekshat.com/vb/forumdisplay.php?s=&daysprune=&f=78
,,,
وفات الاخوان ذكر كتاب زميلنا سرهيد
((النهج الواضح في الصيد بالجوارح))
فهو من ادق ماكتب في الصقور وتاريخها
والكلام الذي فيه عباره عن بحث علمي وعملي
وهذا رابط لمقتطفات من الكتاب
http://www.mekshat.com/vb/showthread.php?t=93081
والكتاب موجودد في مركز الصقور والرياضات التراثيه في دبي
,,,
وبخصوص معرفك
فعلا اسمك غير مكشاتي واذا رغبتي بالاستمرار في الكتابه معنا
والاستفاده من خبرات الاخوة الموجودين
بامكانك تغير معرفك الحالي في هذا الموضوع
http://www.mekshat.com/vb/showthread.php?t=100258
وبالمناسبه عندنا اخوات اخريات زميلات لنا في المنتدى
مع تمنياتي لكي بالتوفيق
والسلام

[ظبيانية]

السلام عليكم

الصراحة انا مستغربة منكم الاسم المستعار لا يودي ولا اييب شبلاكم عليه؟الله يهداكم بس:(
المهم انا طلبت تغيير عشان ماتصير معارك معايه انا في غنى عنهاا:)

وجيه ترحبون بالضيف؟ وهذا اول موضوع حقه؟:( :( :(
وين راحت الضيافة؟ انا مابعاتب أكثر من جيه ..انا احيد العرب معروفين بالجود وكرم الضيافة ..
بدخل في المووضوع على طــول ::

انا ماريد أخذ الكلام الموجود في الكتاب من الإنترنت لأن في تقريري البحثي لازم اكتب إسم المؤلف و إسم الكتاب و رقم الصفحة اللي أخذت منه هالموضوع .. وانا أكتفيت من المواقع وحصلت وايد بس بقا لي الكتاب واذا ماحصلته بأسرع وقت شكلي بروح أقرب مكتبه و بدور الكتب ..<<<وها اللي شكلي بسويه
وتعبكم هذا ان شاء الله في ميزان حسناتكم
وعالعموم أسمحولي على هذه الزيارة شكلي وايد ثقلت عليكم ..

و مع السلامة

[ظبيانية]

أقولكم شي..

خلاص لاتعبون أعماركم ماريد ولاشي منكم
واسمحولي على هالاسلوب بس صراحة ماتوقعتكم تكلموني بهالطريقة

انا خلاص باجر بروح المكتبه وباخذ اللي اباه من دون مشاكل

وانا بطلع من المنتدى ومالي رجعه

ومع السلامة