اسرع طبخة ودسمة للشاء والبرد

[مربط القعاسي]

بسم الله الرحمن الرحيم

طبعنا الاكله لبنانية الى وهي وتونه وفاصوليا الطريقه سهله وسريع

1- تجيب التونه وتقصها وتحطها على جنب
2- تجيب الفاصوله تقصها وتحطها على جنب
3- البصل والطمام طبعاً مقطع وجاهز (( مقطعته الشغالة ومثلج )) على شان مايخرب الطمام ويأخذ وقت اطول عندك

طريقت الطبخ
تجيب القدر وتحط البصل والطماط والتونه سوى ولا تحط زيت لن زيت التونه يكفي (( ملاحظة حاول تفكك التونه عن بعضاها ازين لك في الطبخ )) بعدين تحرك التونه والبصل ليمن تشوف البصل بداء يموع بعدين تحط الملح (( البهارات للرغبه ونا مانصح فيها للى عنده قولون مثلي المهم حطيت الملح تحرك شوي بعدين تحت الفاصوليها عليها بعدين تجيب القواطي حقت التونه والفاصوليه وحط في قوطي التونه شوي ماء يعني نص القوطي وتموص القوطي وبعدين تحطة في قوطي الفاصولية وبعدين تضيفه للطبخه (( ملاحطة اذا حطيت قوطي تونه حط قوطيين فاصولية لن هذا مقدار الطبخة )) المهم ونحرك وتحرك لمدة خمس دقائق الى عشر دقائق على نار هادئة بعدين قرب الخبز وسم بسم الله وحط جنبك براد الشاهي الى انا خابرة والله الموفق

والسلام عليكم ورحمة الله وبركاتة


مرررررررررربط القعاااااااااااسي

[سموم القيض]

مشكور على الفكرة وجبة شهييييييية وسريعة

[شمالي غير]

مشكور على الطبخه ولو اني اسويها بدون فاصوليا

[مربط القعاسي]

شمالي جرب بالفاصولي ونشاء الله بتدعيلي

[عاشق السيل]

وعليكم السلام ورحمة الله وبركاته ،،

بيض الله وجهك وشهيتنا الله يهديك !!

لكن الغريبة إن تحط قوطين فاصوليا رغم إن قوطي الفاصوليا أكبر من قوطي التونة ،، يعني صارت الطبخة فاصوليا بنكهة التونة !!!!

وإلاّ وش رايك مهب المفروض العكس ؟؟؟؟!!!

والله يسلم يمينك على الطبخات الرهيبة وبانتظار المزيد وتقبل مروري يالغالي ......






.

[حامدي السيح]

يعطيك العافيه

[الوافي2008]

ما قصرت وفكرا ممتازه بس كم يا خذ معك هذا كله
انا اقولك اذا تبي طبخه عجله وبسرهخ فالكاتم الرز والحمه ماتتعدا خمس وعشرين دقيقه ونااخوك وهذا رايي والله يعين
تقبل مروري اخوك الوافي2008

[جنون الليل]

تسلم أخوي بس أنا أخلي التونة آخررررررشي لأنها بتنهرس
إذا حطيتها في البداية أول شي نحط البصل وبعد ما يتشوح ويصفر لونه شوي نضيف الصلصة ثم الطماطم
ولما تستوي نحط الفاصولياء وبعد بشوي التونة و نصيحة لا تضيف أي
نوع بهارات لأنها رااااااااااااااااااااائعة ولذيذة
من دون إضافات لو تحب ملعقة صغيرة سمن بري بعد ما تطفي عليها النار وتعطيك الريحة اللي تقعد الراس
أما تموص القواطي إقتصادي كأنك متعلم الطبخ عندي بس انا احط كل علبة فاصوليا معاه علبة تونة
على فكرة أحسن نوع فاصولياء هو اللي إسمه ((هـــــــوب)) ثم ليبيز ثم الوزة وقودي

[kaaaatm]

عفوا اخوي هذه الطبخة يمنية وليست لبنانية

[ابوقشعان]

الطبخه من اليمن اليمن اليمن اليمن يالبناني يالبناني....

[مربط القعاسي]

اشكركم على مروركم وعلى التعليق الجميل لا كن انا لا اعلم لبنانية ولا يمنية ولا كن انا اكلتها في مطعم لبناني وقالو لي هذي اكله لبنانية

اخوووووووووكم مررررررررربط القعااااااااسي

[أبو مجودي2]

جزاك الله خير

[ابومدين]

طريقة جميلة وسريعة
لكن سمعت مره احدى اطبـاء التغذية يقول اذا انت حريص على صحتك
ارمي مفتاح المعلبات خلف ظهرك .. ومعنى كلامه ان جميع المعلبات ضررها خطير على الصحة

والله اعلم

[مربط القعاسي]

ابو مدين والله معلومه جديدة بس باقولك العمال الى في البر مايكلون الى معلب وماقد سمعنا شي ان فيهم شي خص عندي واحد من الربع يشتري بالكراتين معلبنات الى ماتخرب بسرعه ويحطها عند العمال ياكون منها وفيهم نشاط مهوب فيني ولا فيك والله الموفق للكل خير

[الصمان]

مشكورررررررر يالغالي

[aboseif911]

ماشاء الله تبارك الله .

[خبيرالقميري]

تسلم اخوي مربط القعاسي على الطبخه الشتويه

[moonset]

خخخخخ والله أنها دسمه مشكوووووووووووور