صيدي على شاطىء الشرقية (الدمام) 1428هـ

[صياد شرقاوي]

السلام عليكم ورحمة الله وبركاته
كيف الحال شباب
هذا صور من صيدي بالمنطقة الشرقية (الدمام) لا وعلى الشاطىء وأنا لم أضع الصور إلا رداً على بعض الأخوان اللي يقولون ان الصيد في الدمام راحت أيامه والوقت الحالي مافي صيد أنتوا شوفوا الصور وأحكموا بنفسكم أترككم مع الصور واتمنى وضع رابط مباشرة لما أفتح الموضوع تفتح معي الصور

الصور الأولى
http://up.joreyat.org/29Oct2007/575673378_2.JPG (http://up.joreyat.org/29Oct2007/575673378_2.JPG)

الصورة الثانية
http://up.joreyat.org/29Oct2007/DSC00235.jpg (http://up.joreyat.org/29Oct2007/DSC00235.jpg)

لدي ملاحظتين واتمنى أفادتي بهم من قبل المشرفين
أحد الأخوان طلب مني تحميل الصور في موضوعي السابق (إليكم صور من صيدنا في ابو قميص1428) من موقعكم وليس من موقع آخر وأنا في الحقيقة لم أستطع وذلك لتحديد حجم الملف 100 كيلو بايت فقط وأغلب الصور لدي يتعدى حجمها ال 100 كيلوبايت فأرجوا الحل لهذه المشكله لكي لاأحتاج لتحميل الصور من موقع آخر

الملاحظة الثانية :- بالأعلى في رابط اسمه إدخال رابط على شكل كرة أرضية وهذا الرابط انا سبق وأستفدت منه بشكل كبير في بعض المنتديات الخرى التي سبق وشاركت فيها والمشكله تكمن في أن منتدانا لايوجد به خدمة وضع الرابط وكتابة مثلا أسم الملف مثال على ذلك انا اضع رابط واكتب على الرابط أضغط هنا لتحميل الملف وهكذا ولكن الخدمة لاتوجد في منتدانا وأتمنى وضعها لكي يستفيد الجميع منها والمعذرة على وضع ملاحظاتي بنفس الموضوع وذلك لعدم استطاعتي الكتابة في قسم الاقتراحات مااأدري بصراحه لكنه علق عندي أعتذر منكم

ولكم تحياتي

[صياد شرقاوي]

على فكره الصيد كان في شهر شعبان 1428هـ يعني قبل شهر ونص تقريبا :good:
اللي حاب يعرف أنواعها
الكبيرة أسمها سبيطي
الباقي شعوم وقرقفان وفسكر ومشوه

وباقي 3 ايام يعني بتاريخ 20/10/1428هـ موسم صيد السبيطي طبعا على حسب المرعى يعني الذكي اللي يجرب الطعمين المفضلين للسبيطي صلاخ الميد والسلس الصغير

[الوعد قدام]

ما شاء الله تبارك الله

يعطيك العافيه

سبيطي وفسكر و قرقفان

الصيد موجود بس يبيله صبر ومشاوير طويله وتراخيص

[صياد شرقاوي]

شكرا على مرورك يا الوعد قدام
لا المكان هذا مايحتاج ترخيص الصيد مفتوح فيه بس قليل اللي يعرف المنطقة اللي اصيد فيها والكبير كبير بالنسبة للصبر أكيد لابد منه وبعض الوقات تجلس وقت طويل ماتلقى غير وحده لكن الواحد مايجلس ويقول مافي صيد لا يجرب الطرق اللي عنده ويغير مكانه ويجلس في مكان هادىء وعلى العموم الصيد آخر الليل أحسن وقت يناسبني شخصياً والسبب الهدوء والسمك يحب الهدوء ويخاف من كثرة الصوت علشان كذا نقول مافي صيد لازم العمل بالأسباب

[البضيع]

ما شاء الله تبارك الرحمن

[ابوتركي1]

000ماشاء الله تبارك الله يعطيك العافيه وبالعافيه 00والرزاق الله سبحانه وتعالي والله يرزقك دائم وابداء اخوي000

[( برى بحرى)]

كفوا يا الذيب

ما عليك خوف لانك صايد السبيطى يعنى نوخذه مع مرتبه الشرف وبامتياز

تحياتى لك

[sas2999]

ماشالله صيد موفق بس ويش اسم السمكة الي في الصورة الثانية ؟؟؟

[ابو نوف 200029]

صيد جميل الله يعطيك العافية

[shaheenshah]

تفضل يا اخوي صياد شرقاوي
http://www.mekshat.com/pix/upload02/images52/mk38135_xx.jpg
http://www.mekshat.com/pix/upload02/images52/mk38135_xxx.jpg

يعطيك العافية

[azd]

السلام عليكم

ياحلو الصيد خاصه فى الليل القمره



شكرا على مرورك يا الوعد قدام
لا المكان هذا مايحتاج ترخيص الصيد مفتوح فيه بس قليل اللي يعرف المنطقة اللي اصيد فيها والكبير كبير بالنسبة للصبر أكيد لابد منه وبعض الوقات تجلس وقت طويل ماتلقى غير وحده لكن الواحد مايجلس ويقول مافي صيد لا يجرب الطرق اللي عنده ويغير مكانه ويجلس في مكان هادىء وعلى العموم الصيد آخر الليل أحسن وقت يناسبني شخصياً والسبب الهدوء والسمك يحب الهدوء ويخاف من كثرة الصوت علشان كذا نقول مافي صيد لازم العمل بالأسباب

[الوعدالصادق]

صيدجميل موفق

[ابوقشعان]

صيد العافيه ياحلو....

[صياد شرقاوي]

ماشالله صيد موفق بس ويش اسم السمكة الي في الصورة الثانية ؟؟؟

اسمها سبيطي والنوع هذا حذر جداً جداً بالصيد يعني اذا مر على الطعم اول مايسوي فيه يضربه بذيله وتلاحظ الخيط صار فيه حركه بسيطه ويرتخي وبعدين يجلس يدور على الطعم رايح جاي علشان حاجتين في نفسه الحاجه الأولى ياخذ حذره ويتأكد أن الطعم هذا آمن يعني ماعليه خيط أو حاجه تؤذيه والحاجه الثانيه يحرسها من الأعداء :D وين عايشين لكن مثل ماقلت لك السبيطي يجلس ويتحمل لوقت طويل ساعات طويلة اذا حس بالأمان هجم وبلع الطعم ومشى فيه والذكي اللي مايشد عليه لأن السبيطي مايحتاج شد بقوة اذا شديت بقوة ممكن يكون مابلع الطعم ويرجعه ويمشي ويتركها لا ترخي له شوي شوي والا انت مطلعه على السيف بعكس الهامور اللي يحتاج الى شد قوي :p
تحياتي لك

[صياد شرقاوي]

بعد ماتمتعتوا بمشاهدة السمك من اللي له نية يتحداني بالصيد على شاطىء الدمام ومكان فيه الصيد متوفر والرزق على الله

[محب صيد السمك]

ما شاء الله صيد جميل وعليك بالصحة والعافية .

[باترول 82]

ماشاء الله تبارك الله صيد موفق الله يجعله بالعافيه

[barracuda]

صيد حلو ومنوع وما دام غزمت على التحدي شكلك مو سهل والله يوفقك ويرزقك وتقبل مروري


http://www.mekshat.com/pix/upload/sign/images/mk58338.gif

[jwan]

بلعافية على قلبك

[هوا بحري]

ماشاء الله عليك أخوي صياد شرقاوي صيد طيب ، الله يوفقك .
وبخصوص تصغير الصور هذا موضوع يفيدك جداً لتصغير الصورببرنامج الرسام على الرابط


http://www.mekshat.com/vb/showthread.php?t=107290



وبخصوص رفع الصور على المنتدى اضغط على الأيقونة الموضحة بالصورة أدناه وأرفعها من جهاز الكمبيوترللمنتدى بعد تصغيرها


http://www.mekshat.com/pix/upload02/images52/mk57286_untitled.jpg


تقبل مروري وتحياتي

[سعيد 1412]

جميلة مباركة

[عقام جدة]

ماشاء الله
الله يقويك
ومشكور عالصور

[مجتهد***]

مشاء الله عليك
فيه العافية أن شاء الله

[سامي العنزي]

ماشاء الله تبارك الله اخوي صياد شرقاوي
على الصيد الحلو والطيب صراحه
بالعافيه عليكم
تستاهلووون .